រាជធានីភ្នំពេញ ៖ ប្រមុខរាជរដ្ឋាភិបាលបានគូសបញ្ជាក់ឲ្យដឹងថា នាពេលដ៏ខ្លីខាងមុខនេះ រាជរដ្ឋាភិបាលនឹងប្រកាសចេញនូវគោលនយោបាយដីធ្លីថ្មីមួយដែលមានសារសំខាន់លើការទប់ស្កាត់ការកាប់ទន្ទ្រាន់ដីធ្លី ហើយអាចពន្លត់ការព្រួយបារម្ភ បញ្ហាបាត់បង់ទឹកដីដែលកំពុងផ្ទុះការចាប់អាម្មណ៍ខ្លាំងលើបណ្តាញសង្គម ។ នេះបើតាមសម្តេចធិបតី ហ៊ុន…
រាជធានីភ្នំពេញ ៖ ប្រមុខរាជរដ្ឋាភិបាលបានគូសបញ្ជាក់ឲ្យដឹងថា នាពេលដ៏ខ្លីខាងមុខនេះ រាជរដ្ឋាភិបាលនឹងប្រកាសចេញនូវគោលនយោបាយដីធ្លីថ្មីមួយដែលមានសារសំខាន់លើការទប់ស្កាត់ការកាប់ទន្ទ្រាន់ដីធ្លី ហើយអាចពន្លត់ការព្រួយបារម្ភ បញ្ហាបាត់បង់ទឹកដីដែលកំពុងផ្ទុះការចាប់អាម្មណ៍ខ្លាំងលើបណ្តាញសង្គម ។ នេះបើតាមសម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា ។
សម្តេចធិបតី នាយករដ្ឋមន្ត្រីបានថ្លែងក្នុងពិធីប្រគល់សញ្ញាបត្រជូនដល់និស្សិតនៃសាកលវិទ្យាល័យពុទ្ធិសាស្ត្រ នាថ្ងៃទី៦ សីហា ឆ្នាំ ២០២៤ ថា គោលនយោបាយថ្មីនេះត្រូវបានសម្តេចបញ្ជាក់ថា រៀបចំឡើងដើម្បីពន្លត់ និងដោះស្រាយបញ្ហាការកាប់ទន្ទ្រានដីធ្លីពីសំណាក់ជនខិលខូច និងឈានទៅដល់ការដោះស្រាយជូនប្រជាជនដែលមិនទាន់មានដីធ្លីថែមទៀតផងប្រៀបបានជាព្រួញមួយបា.ញ់បានសត្វពីរ ក្នុងពេលតែមួយ ។
សម្តេចធិបតី បានសង្កត់ធ្ងន់យ៉ាងដូច្នេះថា៖«នៅក្នុងពេលខ្លីខាងមុខ រដ្ឋាភិបាលនឹងដាក់ចេញនូវគោលនយោបាយដីធ្លីមួយសំខាន់ដែលប្រើប្រាស់ប្រជាជន ដើម្បីការពារដីធ្លី ជាពិសេសការទប់ស្កាត់ការទន្ទ្រានដីធ្លី ហើយក្នុងនោះទិសដៅនៅក្នុងភាគឦសានក៏ដូចជា នៅទិសសំខាន់មួយចំនួននឹងត្រូវយកជាទិសដៅ» ។
សម្តេចធិបតី ហ៊ុន ម៉ាណែត បញ្ជាក់បន្ថែមថា «យើងបានរៀបចំផែនការនេះហើយកិច្ចការងារ និងផ្សព្វផ្សាយ ដើម្បីពន្លត់ និងដោះស្រាយបញ្ហាកាប់ទន្ទ្រានដីធ្លី ក៏ដូចជា បញ្ហាប្រជាជនអត់ដី ដាក់គោលនយោបាយនេះ ដើម្បីមួយព្រួញបា.ញ់សត្វពីរ ប៉ុន្តែឥឡូវបើការព្រួយនបារម្ភនេះទៀត គោលនយោបាយនេះ នឹងជួយពន្លត់នូវការព្រួយបារម្ភ អារឿងបាត់ទឹកដីនេះទៀត យើងនឹងប្រកាសនៅពេលដែលយើងរៀបចំ ផែនការ និងផែនការសកម្មភាព និងយុទ្ធសាស្ត្រធ្វើការ រាជរដ្ឋាភិបាលច្បាស់ ខ្ញុំហ៊ាននិយាយ ខ្ញុំហ៊ានធានា ព្រោះខ្ញុំមិនមានគោលការណ៍ ស្ពាយប្រពន្ធកូនខ្ញុំ ទៅណាទេ» ៕
ចែករំលែកព័តមាននេះ