ខេត្តសៀមរាប ៖ បុរសម្នាក់អ្នកម៉ៅការសំណង់ផឹកស៊ីស្រវឹងជោកជាំ ក៏បើករថយន្តបុកចូលផ្ទះសម្អាតការ ទាំងកំរោលនៅក្នុងក្រុងសៀមរាប ត្រូវសមត្ថកិច្ចឃាត់ខ្លួនបញ្ជូនទៅតុលាការ ដើម្បីចាត់ការទៅតាមផ្លូវច្បាប់ ។ ហេតុការណ៍ខាងលើ បង្កការភ្ញាក់ផ្អើលទាំងយប់នៅវេលាម៉ោង២៣…
ខេត្តសៀមរាប ៖ បុរសម្នាក់អ្នកម៉ៅការសំណង់ផឹកស៊ីស្រវឹងជោកជាំ ក៏បើករថយន្តបុកចូលផ្ទះសម្អាតការ ទាំងកំរោលនៅក្នុងក្រុងសៀមរាប ត្រូវសមត្ថកិច្ចឃាត់ខ្លួនបញ្ជូនទៅតុលាការ ដើម្បីចាត់ការទៅតាមផ្លូវច្បាប់ ។
ហេតុការណ៍ខាងលើ បង្កការភ្ញាក់ផ្អើលទាំងយប់នៅវេលាម៉ោង២៣ និង១៥នាទីយប់ថ្ងៃទី៣០ ខែកក្កដា ឆ្នាំ២០២៤ ស្ថិតត្រង់ចំណុចមុខសណ្ឋាគារសំមួនអង្គរ ស្ថិតនៅក្នុងភូមិសាស្ត្រ សង្កាត់ស្វាយដង្គំ ក្រុង ខេត្តសៀមរាប ។
ប្រភពពីសមត្ថកិច្ចបានប្រាប់ឱ្យដឹង កាលពីរសៀលថ្ងៃទី១ ខែសីហា ឆ្នាំ២០២៤ ថា បន្ទាប់ពីទទួលបានសេចក្តីរាយការណ៍ខាងលើរួចមក កម្លាំងនគរបាលការិយាល័យជំនាញបានបន្តស្រាវជ្រាវ រហូតឈានដល់ នាំខ្លួនមុខសញ្ញាម្នាក់ឈ្មោះ អេង រ៉ា ភេទប្រុស អាយុ៣៨ឆ្នាំ មុខរបរម៉ៅការសំណង់ មានស្រុកកំណើត នៅភូមិទី១ ឃុំកំពង់លួង ស្រុកក្រកូ ខេត្តពោធិ៍សាត់ និងទីលំនៅបច្ចុប្បន្ន ក្នុងភូមិកំពង់ស្រណាញ់ សង្កាត់កំពង់ស្រណាញ់ ក្រុងតាខ្មៅ ខេត្តកណ្តាល ។
ប្រភពបានបញ្ជាក់ថា ក្រោយកើតហេតុ ម្ចាស់ផ្ទះសំអាងការបានដាក់ពាក្យប្តឹងមកសមត្ថកិច្ចដើម្បីទាមទារសំណងនូវការខូចខាតទាំងស្រុង ។ បច្ចុប្បន្ន ជនបង្កត្រូវសមត្ថកិច្ច នគរបាលការិយាល័យព្រហ្មទណ្ឌកម្រិតធ្ងន់ បញ្ជូនខ្លួនទៅកាន់តុលាការខេត្ត ដើម្បីចាត់ការបន្តតាមនីតិវិធីច្បាប់ ។
ចែករំលែកព័តមាននេះ