ខេត្តពោធិ៍សាត់ ៖ ដោយសារតែអាកាសធាតុមិនអំណោយផលល្អ និងមានការយល់ព្រមពីគ្រួសារនៃស.ពទាំង២ ក៏សម្រេចយកស.ពអាកាសយានិក២រូប ដែលបានស្លា.ប់ក្នុងឧបទ្ទវហេតុធ្លាក់ឧទ្ធម្ភាគចក្រ នៅចំណុចភ្នំយ៉ាវយ៉ៃ ក្នុងស្រុកវាលវែង ខេត្តពោធិ៍សាត់ នៅព្រឹកថ្ងៃទី០១…
ខេត្តពោធិ៍សាត់ ៖ ដោយសារតែអាកាសធាតុមិនអំណោយផលល្អ និងមានការយល់ព្រមពីគ្រួសារនៃស.ពទាំង២ ក៏សម្រេចយកស.ពអាកាសយានិក២រូប ដែលបានស្លា.ប់ក្នុងឧបទ្ទវហេតុធ្លាក់ឧទ្ធម្ភាគចក្រ នៅចំណុចភ្នំយ៉ាវយ៉ៃ ក្នុងស្រុកវាលវែង ខេត្តពោធិ៍សាត់ នៅព្រឹកថ្ងៃទី០១ ខែសីហានេះ នៅក្បែរទីតាំងធ្លាក់ឧទ្ធម្ភាគចក្រ ដើម្បីយកធាតុមកធ្វើបុណ្យតាមប្រពៃណី នៅរាជធានីភ្នំពេញ ។
នេះបើយោងតាមការបញ្ជាក់របស់ នាយឧត្តមសេនីយ៍ ឥត សារ៉ាត់ អគ្គមេបញ្ជាការរង និងជានាយសេនាធិការចម្រុះនៃកងយោធពលខេមរភូមិន្ទ ដែលដឹកនាំប្រតិបត្តិការរុករក ។
ជាក់ស្តែង ស.ពអាកាសយានិក២រូប ត្រូវបានបូជានៅក្បែរទីតាំងកើតហេតុ ។ ក្នុងនោះដែរ គឺមានការឯកភាពពីក្រុមគ្រួសារ ព្រោះតែស្ថានភាពសភាពស.ពរបស់ អាកាសយានិកទាំងពីររូបមានការលំបាក ក្នុងការរៀបចំដឹកជញ្ជូនមករាជធានីភ្នំពេញ ។
ឯកឧត្តមនាយឧត្តមសេនីយ៍ ឥត សារ៉ាត់ អគ្គមេបញ្ជាការរង នាយសេនាធិការ ចម្រុះនៃកងយោធពលខេមរភូមិន្ទបានប្រាប់កោះសន្តិភាព នៅព្រឹកថ្ងៃទី១ ខែសីហា ឆ្នាំ២០២៤ថា ដោយសារតែអាកាសធាតុមិនអំណោយផលក្នុងការដឹកជញ្ជូនសាកស.ព ដូចជាភ្លៀង ធ្លាក់មិនឈប់ ឆ្លងកាត់ជ្រោះជ្រៅ ឆ្លងខ្នងភ្នំជាច្រើន ហើយកម្លាំងបានទ្រុឌទ្រោម ដូច្នេះយើងបានពិភាក្សាជាមួយក្រុមគ្រួសារហើយគាត់ប្រញាប់យើងនឹងធ្វើវិធីផ្សេងទៀតថ្ងៃនេះ (១ សីហា) ហើយដឹកមកដល់ភ្នំពេញផងដែរ ។
នាយឧត្តមសេនីយ៍បានគូសបញ្ជាក់ថា ៖«ថ្ងៃទី១ សីហា នេះកងកម្លាំងប្រតិបត្តិការរុករកបានកំពុងតែរៀបចំដឹកជញ្ជូនអាកាសយានិករបស់យើងពីររូប ប៉ុន្តែការដឹកជញ្ជូននេះបានជួបកាលំបាកជាច្រើនដូចជា ភ្លៀងធ្លាប់ជាបន្តបន្ទាប់ ហើយភូមិសាស្ត្រដែលឆ្លងកាត់ជ្រោះជ្រៅ ទឹកហូរខ្លាំងពុំទប់ចោទ ដូច្នេះពេលវេលាដែលដឹកជញ្ជូននឹងអាចប្រើរហូតដល់៧ ឬ៨ថ្ងៃក៏ថាបាន ។ កម្លាំងដែលដឹកជញ្ជូនរបស់យើងមានការទ្រុឌទ្រោមជាខ្លាំង ក្នុងដឹកជញ្ជូននេះ ដូច្នេះផ្នែកតាមស្ថានភាពនេះ ព្រមទាំងមានការឯកភាពពីក្រុមគ្រួសារផងឱ្យគណៈបញ្ជាការរុករកនេះធ្វើការបូជាស.ព ដើម្បីសម្រួលក្នុងការដឹកជញ្ជូន ។ ដូច្នេះគណៈបញ្ជាការ និងដឹកអដ្ឋិធាតុរបស់ អាកាសយានិកមកដល់ភ្នំពេញថ្ងៃនេះ» ។
បើតាមនាយឧត្តមសេនីយ៍បានឲ្យដឹងថា ការប្រារព្ធពិធីបុណ្យជាផ្លូវការតាមផ្នែកសាសនា និងតាមផ្នែកយោធា ដោយក្រសួងការពារជាតិនៅរាជធានីភ្នំពេញ ។
សូមជម្រាបថា អាកាសយានិកទាំង២ រូបបានបាត់ខ្លួនជាមួយនឹងឧទ្ធម្ភាគចក្រយោធា Z9 កាលពីថ្ងៃទី១២ ខែកក្កដា ឆ្នាំ២០២៤ ខណៈពេលកំពុងហ្វឹកហ្វឺន នៅតំបន់ជួរភ្នំក្រវាញ ខេត្តពោធិ៍សាត់។
ក្រោយបាត់ដំណឹងនេះ កងកម្លាំងចម្រុះ បានបើកប្រតិបត្តិការរុករកអស់រយៈពេល១៧ថ្ងៃ ទើបប្រទះឃើញឧទ្ធម្ភាចក្រ នៅចំណុចភ្នំយ៉ាវយ៉ៃ ស្ថិតនៅក្នុងស្រុកវាលវែង ខេត្តពោធិ៍សាត់ ប៉ុន្តែជាអកុសលនាយទាហានទងពីរបានបាត់បង់ជីវិតទៅហើយ ។ ស.ពអាកាសយានិក ខេង ឆៃយុទ្ធ ត្រូវបានរកឃើញល្ងាចថ្ងៃទី២៩ ខែកក្កដា ។ ចំណែកសពអាកាសយានិកម្នាក់ទៀតឈ្មោះ ស៊ុន ផល្លា ត្រូវបានរកឃើញនៅ ព្រឹកថ្ងៃទី៣០ ខែកក្កដា ឆ្នាំ២០២៤៕
ចែករំលែកព័តមាននេះ