ខេត្តកែប ៖ ដើមឈើជាច្រើនដើមបានដួលរលំបាំងផ្លូវថ្នល់នានានៅក្នុងក្រុងកែប ខេត្តកែប ដែលជាខេត្តជាប់មាត់សមុទ្រ បន្ទាប់ពីមានភ្លៀងធ្លាក់ជាប់ៗគ្នារយៈពេលជិត២សប្ដាហ៍ រួមទាំងមានកាកសំណល់ផ្សេងៗបានហូរចុះមកពីលើភ្នំទៀតផង ។ ប្រភពឱ្យដឹងថា កាលពីព្រឹកថ្ងៃទី២៨…
ខេត្តកែប ៖ ដើមឈើជាច្រើនដើមបានដួលរលំបាំងផ្លូវថ្នល់នានានៅក្នុងក្រុងកែប ខេត្តកែប ដែលជាខេត្តជាប់មាត់សមុទ្រ បន្ទាប់ពីមានភ្លៀងធ្លាក់ជាប់ៗគ្នារយៈពេលជិត២សប្ដាហ៍ រួមទាំងមានកាកសំណល់ផ្សេងៗបានហូរចុះមកពីលើភ្នំទៀតផង ។
ប្រភពឱ្យដឹងថា កាលពីព្រឹកថ្ងៃទី២៨ ខែកក្កដា ២០២៤ ដើមឈើដែលបានរលំគ្របដណ្ដប់លើដងផ្លូវនានាក្នុងក្រុងកែបនោះ មិនទាន់ឃើញអាជ្ញាធរខេត្ត-ក្រុងកាត់បើកផ្លូវអោយចរាចរណ៍បាននោះទេ រួមទាំងខ្សាច់ថ្មហូរចុះតាមដងផ្លូវ មានឃើញតែអនាម័យតែពីរនាក់បានដើររើសសំរាមដាក់ថង់គួរអោយអាណិតបំផុត ។
ទាក់ទងរឿងដើមឈើរលំលើដងផ្លូវ និងកាកសំណល់ហូរចាល់ជាប់តាមចិញ្ចើមផ្លូវ កាលពីព្រឹកថ្ងៃទី២៨ កក្កដា ដដែល អ្នកយកព័ត៌មានបានសួរទៅលោក អ៊ិន សៅ ប្រធានមន្ទីរបរិស្ថានខេត្តកែបតាមទូរសព្ទ័ ដោយលោកអោយដឹងថា ខាងខេត្តនិងក្រុង រួមទាំងមន្ត្រីនៅមន្ទីរសាធារណការ និងដឹកជញ្ជូនខេត្តកំពុងតែអារនិងកាត់ដើមឈើដែលបានរលំសង្កាត់លើផ្លូវហើយ ។
លោកអ៊ិន សៅ និយាយប្រាប់អោយដឹងទៀតថា អាជ្ញាធរខេត្តបានដឹងហើយថា មានដើមឈើដួលរលំតែប៉ុន្មានថ្ងៃនេះ ភ្លៀងធ្លាក់ខ្លាំងពេកមិនអាចធ្វើអ្វីកើត ទើបថ្ងៃទី២៨ កក្កដា នេះ មេឃស្រឡះមិនមានភ្លៀងខ្យល់ទើបមានកំលាំងជំនាញចុះបោសសំអាតអនាម័យតាមដងផ្លូវនានានៅក្នុងក្រុងកែប ។
ចែករំលែកព័តមាននេះ