ខេត្តសៀមរាប ៖ ស្រ្តី​ម្នាក់​មកពីខេត្ត​បាត់​ដំបង​បំរ៉ុង​មកឆ្លងទន្លេនៅមន្ទីរពេទ្យគន្ធ​បុប្ផា ​តែមិនទាន់ដល់មន្ទីរពេទ្យផង ក៏​​ស្រាប់តែ​ឆ្លង​ទន្លេនៅលើទូក​ស្មាច់ ក្នុងសង្កាត់ចុង​ឃ្នៀស ត្រូវក្រុមគ្រូពេទ្យមណ្ឌល​សុខភាព​ចុងឃ្នៀសជួយ​សង្គ្រោះទាន់ ដោយសុវត្ថិ​ភាពទាំងម្តាយនិងកូន ។

ស្រ្តីដែលបានឆ្លងទន្លេលើទូកស្មាច់នោះកាលពីវេលាម៉ោង​៧និង១០នាទីព្រឹក​ថ្ងៃ​ទី២៦ កក្កដា ឆ្នាំ២០២៤ ស្ថិតនៅ​ក្នុងភូមិ​សាស្ត្រសង្កាត់ចុងឃ្នៀស ក្រុងសៀមរាប ។

បើតាមប្រភពពីសមត្ថកិច្ចមូលដ្ឋានបានប្រាប់ឱ្យដឹងនៅយប់ថ្ងៃទី២៧ ខែកក្កដា ឆ្នាំ២០២៤ នេះថា ស្ត្រី ដែលឆ្លងទន្លេនៅលើទូកស្មាច់នោះមានឈ្មោះ ភោគ ស្រីល័ក្ខ អាយុ១៩ឆ្នាំ រស់នៅភូមិក្បាលតោល ឃុំកោះជីវាំង ស្រុកឯកភ្នំ ខេត្តបាត់ដំបង កើតបានកូនប្រុសជាកូនដំបូង។

បច្ចុប្បន្ន ស្ត្រីម្នាក់ដែលបានឆ្លងទន្លេទូកស្មាច់កាលពីវេលាម៉ោង ៧និង១០នាទីព្រឹក ថ្ងៃទី២៦ កក្កដា ២០២៤ នោះបានត្រឡប់ទៅលំ ផ្ទះ របស់គាត់វិញហើយ នៅថ្ងៃទី២៧ ខែកក្កដា ឆ្នាំ២០២៤ ខណៈម្តាយ និងកូន ប្រុស មានសុខភាពល្អ ទើប​លោក​គ្រូ អ្នកគ្រូ ឱ្យត្រឡប់ទៅវិញ ៕