ខេត្តត្បូងឃ្មុំ ៖ ពិតជាគួរឱ្យរន្ធត់ណាស់ ដោយបុរសម្នាក់មានរហ័សនាម«នាយចេកខ្ចី» ជាអ្នកកំប្លែងមួយរូប មិនដឹងមានវិបត្តិអ្វីនោះទេបានទិញសាំងបីដប មកចាក់ស្រោចលើខ្លួនប្រាណ រួចដុតខ្លួនឯង ទាំងរស់ បណ្តាលឱ្យស្លា.ប់បាត់បង់ជីវិត…
ខេត្តត្បូងឃ្មុំ ៖ ពិតជាគួរឱ្យរន្ធត់ណាស់ ដោយបុរសម្នាក់មានរហ័សនាម«នាយចេកខ្ចី» ជាអ្នកកំប្លែងមួយរូប មិនដឹងមានវិបត្តិអ្វីនោះទេបានទិញសាំងបីដប មកចាក់ស្រោចលើខ្លួនប្រាណ រួចដុតខ្លួនឯង ទាំងរស់ បណ្តាលឱ្យស្លា.ប់បាត់បង់ជីវិត ។
ហេតុការណ៍នេះ បានកើតឡើងនៅចំណុចទីតាំងដីឡូតិ៍ក្នុងភូមិត្រពាំងផ្លុងទី១ ឃុំត្រពាំងផ្លុង ស្រុកពញាក្រែក ។ ចំពោះការធ្វើអត្តឃា.តដោយអាថ៌កំបាំងនេះ មិនមានបុគ្គលណាម្នាក់ដឹងពីជម្រៅចិត្តរបស់អ្នកស្លា.ប់នេះទេ ។
សមត្ថកិច្ចមូលដ្ឋានបានប្រាប់ឲ្យដឹងនាព្រឹក ថ្ងៃទី២៦ កក្កដាថា គេបានឃើញបុរសឈ្មោះ ហម ដន អាយុ៣៦ឆ្នាំ រស់នៅភូមិកសាង ឃុំចង្ក្រង់ ស្រុកចិត្របុរី ខេត្តក្រចេះ បានមកជួលបន្ទប់ស្នាក់នៅក្នុងភូមិត្រពាំងផ្លុងទី១ ទើបតែបានរយៈពេល៥ថ្ងៃប៉ុណ្ណោះ ។ ក៏ស្រាប់តែមានរឿងហេតុនេះបានកើតឡើង ដោយមិនមានអ្នកភូមិណាម្នាក់ទៅជួយអន្តរាគមន៍ទាន់ពេលនោះទេ ។
សមត្ថកិច្ចមូលដ្ឋានប្រាប់បន្តឲ្យដឹងទៀតថា កាលពីវេលាម៉ោង១២និង ៥៩នាទី ថ្ងៃត្រង់ទី២៥ កក្កដានេះ បានចូលហូបបាយនៅផ្ទះលក់មួយកន្លែង ស្ថិតនៅក្នុងភូមិត្រពាំងផ្លុងទី១ ព្រមទាំងបញ្ចូលថ្មទូរស័ព្ទផ្ញើអ្នកលក់បាយ ហើយបុរសនេះបានដើរចេញតាមបណ្ដោយផ្លូវថ្នល់ចម្ងាយប្រមាណជាង៥០ម៉ែត្រ ពីកន្លែងនោះ ហើយក៏បានយកសាំងចំនួនបីដបតូចស្មើមួយលីត្រកន្លះ ចាក់ស្រោចលើខ្លួនប្រាណ រួចគូសដែកកេះដុតខ្លួនតែម្ដង បណ្ដាលឱ្យឆេះបង្កភ្ញាក់ផ្អើលដល់មនុស្សម្នាដែលធ្វើដំណើរតាមផ្លូវ ។
នៅក្នុងហេតុការណ៍នេះ មិនមានអ្នកណាជួយជនរងគ្រោះបានទេ ជាហេតុបណ្ដាលឱ្យដួលដេកទៅលើដី បន្ទាប់មកបានស្លា.ប់៥នាទីទើបរថយន្តសង្គ្រោះបន្ទាន់បានមកដល់ ។ ក្នុងគោលបំណងយកទៅសង្គ្រោះនៅមន្ទីរពេទ្យតែហួសពេលទៅហើយ ។
ជាមួយនោះសមត្ថកិច្ចបានធ្វើការស្រាវជ្រាវ ហើយផ្ទះលក់បាយក៏បានយកទូរស័ព្ទដៃមួយគ្រឿងដែលជនរងគ្រោះបានផ្ញើទុកនៅទីនោះនោះពេលយកមកហើយមើលតាមបណ្ដាញសង្គមឆាតប្រាប់ទៅគេឯងរួមទាំង telegram រូបគេសុំលាអ្នកទាំងអស់គ្នាគ្មានថ្ងៃវិលវិញ ។
សមត្ថកិច្ចមូលដ្ឋានបញ្ជាក់ថា ចំពោះមូលហេតុដែលបុរសនេះដាច់ចិត្តធ្វើអត្តឃា.តយ៉ាងដូច្នេះ អាចមានការពាក់ព័ន្ធទៅនឹងរឿងលុយកាក់ដោះស្រាយមិនចេញ ឬមានវិបត្តិផ្លូវចិត្តអ្វីមួយបានជាគិតខ្លីសម្រេចចិត្តទិញសាំងមកចាក់ស្រោចលើខ្លួនដុតទាំងរស់ ធ្វើអត្តឃា.តយ៉ាងដូច្នេះ ។ សូមបញ្ជាក់ថា បុរសដែលស្លា.ប់នេះ មានរហស្សនាមជានាយចេកខ្ចីនៅក្រុមកំប្លែងមួយនៅរាជធានីភ្នំពេញ ហើយរយៈពេល៥ខែ ទៅ១ឆ្នាំ ទើបវិលត្រឡប់ទៅលេងស្រុកកំណើតក្នុងខេត្តក្រចេះម្ដង ។
រហូតដល់វេលាម៉ោង១យប់ រំលងអធ្រាត្រឈានចូលថ្ងៃទី២៦ កក្កដា នេះត្រូវបានសមត្ថកិច្ចជំនាញប្រគល់ឲ្យទៅសាច់ញាតិ ដើម្បីយកទៅធ្វើបុណ្យតាមប្រពៃណី ៕
ចែករំលែកព័តមាននេះ