ខេត្តសៀមរាប ៖ សមត្ថកិច្ចនគរបាលមូលដ្ឋានបានប្រាប់ថា នៅវេលា ម៉ោង១៦ និង១០នាទី ថ្ងៃទី២៥ ខែកក្កដា ឆ្នាំ២០២៤ មានករណីភ្លៀងធ្លាក់ខ្លាំងលាយឡំនឹងខ្យល់កន្ត្រាក់ បណ្តាឱ្យបាក់ដើមឈើ និងប៉ះពាល់ផ្ទះប្រជាពលរដ្ឋមួយចំនួន ។
សមត្ថកិច្ចបានបន្តថា ក្នុងហេតុការណ៍គ្រោះធម្មជាតិនេះ បណ្ដាលឱ្យមានផលប៉ះពាល់ដូចជា ៖ ១-ឃុំស្វាយលើ: រលំបង្កោលភ្លើង ចំនួន៣ ដើម ។ របើកដំបូលផ្ទះចំនួន៣ខ្នង។ រលំផ្ទះអស់ចំនួន២ខ្នង ។ រលំដើមឈើកាត់ទទឹងផ្លូវ០២កន្លែង។ ២-ឃុំបឹងមាលា: បាក់មែកកាស្យាកាត់ផ្លូវមួយកន្លែង នៅភូមិត្រពាំងឬស្សី ។ បាក់មែកឈើ កាត់ផ្លូវ២ កន្លែង កាត់ផ្លូវនៅភូមិសក្តា ។ ទឹកហូរកាត់ផ្លូវត្រង់ចំណុចមណ្ឌលសុខភាពឃុំបឹងមាលា ។ របើកដំបូលផ្ទះ ប្រជាពលរដ្ឋ១ខ្នង ខូចខាតស័ង្កសី១២សន្លឹក ឈ្មោះ សួរ សេត ភេទប្រុស អាយុ៤២ឆ្នាំ សមាជិកគ្រួសារសរុប៦នាក់ ស្រី២នាក់ នៅភូមិបឹងមាលា ។
៣.ឃុំខ្នងភ្នំ: ដើមឈើ១ដើម ដួលសង្កត់មកលើផ្ទះ១ខ្នង ឈ្មោះ ខេន ខន ភេទប្រុស អាយុ៤៣ឆ្នាំ មានសមាជិកក្នុងគ្រួសារ៦នាក់ ស្រី៤នាក់ រស់នៅភូមិថ្មី ឃុំខ្នងភ្នំ ស្រុកស្វាយលើ ។
បើតាមសមត្ថកិច្ច បានបញ្ជាក់ទៀតថា ករណីគ្រោះធម្មជាតិនេះ មិនបណ្ដាលឱ្យមានគ្រោះថ្នាក់ដល់មនុស្សឡើយ ៕
ចែករំលែកព័តមាននេះ