ប្រទេសថៃ ទទួលបានភ្ញៀវទេសចរបរទេសចំនួនជិត២០លាននាក់
(ថៃ)៖ ថៃ ដែលជាប្រទេសសេដ្ឋកិច្ចធំទីពីររបស់អាស៊ីអាគ្នេយ៍ បន្ទាប់ពីឥណ្ឌូនេស៊ី បានកត់ត្រាការមកដល់របស់ភ្ញៀវទេសចរបរទេសចំនួន ១៩.៦លាននាក់ ចាប់ពីខែមករា ដល់ថ្ងៃទី២១ ខែកក្កដា កើនឡើង…
(ថៃ)៖ ថៃ ដែលជាប្រទេសសេដ្ឋកិច្ចធំទីពីររបស់អាស៊ីអាគ្នេយ៍ បន្ទាប់ពីឥណ្ឌូនេស៊ី បានកត់ត្រាការមកដល់របស់ភ្ញៀវទេសចរបរទេសចំនួន ១៩.៦លាននាក់ ចាប់ពីខែមករា ដល់ថ្ងៃទី២១ ខែកក្កដា កើនឡើង…
(ថៃ)៖ ថៃ ដែលជាប្រទេសសេដ្ឋកិច្ចធំទីពីររបស់អាស៊ីអាគ្នេយ៍ បន្ទាប់ពីឥណ្ឌូនេស៊ី បានកត់ត្រាការមកដល់របស់ភ្ញៀវទេសចរបរទេសចំនួន ១៩.៦លាននាក់ ចាប់ពីខែមករា ដល់ថ្ងៃទី២១ ខែកក្កដា កើនឡើង ៣៤% ពីមួយឆ្នាំទៅមួយឆ្នាំ។ នេះបើយោងតាមការចុះផ្សាយរបស់សារព័ត៌មាន VN EXPRESS នៅថ្ងៃទី២៥ ខែកក្កដា ឆ្នាំ២០២៤។
ចាប់ពីថ្ងៃទី២២ ខែកក្កដា ប្រទេសថៃបានផ្តល់ការស្នាក់នៅដោយគ្មានទិដ្ឋាការរយៈពេល ៦០ថ្ងៃសម្រាប់ពលរដ្ឋមកពី ៩៣ប្រទេស និងដែនដី ។ លើសពីនេះ ប្រទេសថៃក៏បានណែនាំ Destination Thailand Visa របស់ខ្លួន ដោយអនុញ្ញាតឲ្យអ្នករកស៊ីឌីជីថល និងអ្នកទស្សនាដែលចាប់អារម្មណ៍ក្នុងការសិក្សាជំនាញដូចជា ធ្វើម្ហូប និងក្បាច់គុន អាចស្នាក់នៅបានរហូតដល់ ១៨០ថ្ងៃ ហើយទិដ្ឋាការនឹងមានសុពលភាពរយៈពេល ៥ឆ្នាំ។
ប្រភពបានឱ្យដឹងថារដ្ឋាភិបាលថៃកំពុងកំណត់គោលដៅភ្ញៀវបរទេសចំនួន៤០លាននាក់សម្រាប់ពេញមួយឆ្នាំនេះ។
ក្នុងឆ្នាំ២០១៩ ជាឆ្នាំមុនការចាប់ផ្តើមនៃជំងឺរាតត្បាតកូវីដ ប្រទេសថៃដែលសេដ្ឋកិច្ចពឹងផ្អែកខ្លាំងលើវិស័យទេសចរណ៍បានស្វាគមន៍ការមកដល់របស់បរទេសចំនួន ៣៩.៩ លាននាក់ ដែលបង្កើតប្រាក់ចំណូលបាន ១.៩១ ពាន់ពាន់លានបាត (៥១.៩ពាន់លានដុល្លារ)៕
ចែករំលែកព័តមាននេះ