ខេត្តកោះកុង ៖ យុទ្ឋនាការរាវរកកប៉ាល់ដឹកទូកុងតតឺន័រលិចក្នុងសមុទ្រនៅកោះកុង បានចាប់ផ្តើមចាប់តាំងពីថ្ងៃទី៥ ខែកក្កដា ឆ្នាំ២០២៤ រហូតមក ដោយក្រុមហ៊ុនថៃមួយឈ្មោះC.M.P បានទទួលការអនុញ្ញាតពីរាជរដ្ឋាភិបាល ក៏ដូចជាក្រសួងពាក់ព័ន្ឋ និងអាជ្ញាធរខេត្តកោះកុង បានបើកយុទ្ឋនាការរុករកកបាល់មួយគ្រឿងដែលមានផ្ទុកទូទំនិញចំនួន៥៣ទូកុងតឺន័រ ដែលត្រូវបានលិចចូលទៅក្នុងដែនសមុទ្រកម្ពុជា ដោយសារការជួបនឹងខ្យល់ព្យុះរលកខ្ពស់ៗត្រង់ចំណុចចន្លោះកោះម្នាស់ និងកោះរ៉ុង ស្ថិតក្នុងទឹកដីខេត្តកោះកុង កាលពីវេលាម៉ោង៩ព្រឹកថ្ងៃទី៣ ខែមិថុនា ឆ្នាំ២០២៤ កន្លងទៅនេះ ។
![](https://kohsantepheapdaily.com.kh/wp-content/uploads/2024/07/f4da3c62c5979cf483297acff0354cb2.jpg)
តាមការអះអាងរបស់តំណាងក្រុមហ៊ុនថៃមួយរូប ដែលចុះប្រតិបត្តិការផ្ទាល់បានឱ្យដឹងថា ការរុករកនៅក្នុងបាតសមុទ្រគឺ បានប្រើរយៈពេល១០ថ្ងៃ យើងបានរកឃើញដោយប្រព័ន្ឋGPS នូវទីតាំងកប៉ាល់ និងទូកុងតឺន័រផ្ទុកទំនិញ ដែលលិចទាំង៥៣ទូរួចអស់ហើយ និងចាប់ពីថ្ងៃទី១៦ កក្កដា រហូតទៅ យើងកំពុងបន្តបេសកកម្មមុជចុះទៅបាតសមុទ្រ ចងទូកុងតឺន័រដើម្បីស្ទូចឡើងទាំងអស់ ។
![](https://kohsantepheapdaily.com.kh/wp-content/uploads/2024/07/4cea736f4fdc5048aec08677498c4283.jpg)
ចំពោះតួកប៉ាល់ យើងនឹងប្រើពោងសាឡង់បណ្តែតឡើង ប៉ុន្តែមិនអាចកំណត់ពេលវេលាបានឡើយ ។ សូមរំលឹកថា កប៉ាល់មួយគ្រឿងដែលមានផ្ទុកទូកុងតឺន័រចំនួន៥៣ទូ ត្រូវបានលិចដោយសាររលកសមុទ្រ គឺជាកប៉ាល់ដឹកទំនិញពីប្រទេសចិន ចូលមកកាន់ខេត្តព្រះសីហនុ កាលពីថ្ងៃទី៣ ខែមិថុនា ឆ្នាំ២០២៤ កន្លងទៅ ៕
![](https://kohsantepheapdaily.com.kh/wp-content/uploads/2024/07/037c7f63348cc2d9d57c546a9dc3c24f.jpg)
![](https://kohsantepheapdaily.com.kh/wp-content/uploads/2024/07/ea63b6d962f74ce4a01759119d05a464.jpg)
ចែករំលែកព័តមាននេះ