រាជធានីភ្នំពេញ ៖ សំណេរដ៏សែនក្រៀមក្រំ របស់ម្ចាស់គណនីហ្វេសប៊ុក Kalyan Natara ត្រូវជាភរិយាអាកាសយានិកឈ្មោះ ខេង ឆៃយុទ្ធ ដែលបានបាត់ដំណឹង…
រាជធានីភ្នំពេញ ៖ សំណេរដ៏សែនក្រៀមក្រំ របស់ម្ចាស់គណនីហ្វេសប៊ុក Kalyan Natara ត្រូវជាភរិយាអាកាសយានិកឈ្មោះ ខេង ឆៃយុទ្ធ ដែលបានបាត់ដំណឹង បានបែរបន់បារមីគ្រប់កន្លែង ចង់បានប្តីមកវិញ ។
យោងតាមម្ចាស់ខាងលើ នៅថ្ងៃទី២២ ខែកក្កដា ឆ្នាំ២០២៤បានសរសេរយ៉ាងដូច្នេះថា ៖ ពីមនុស្សដែលជិះឡានមិនដល់១គីឡូដីពុលក្អួត តែដោយសារចង់បានប្តីមកវិញ ស៊ូជិះដីប្រហែលពាន់គីឡូ ទៅបែរបន់អស់គ្រប់កន្លែង មិនចង់បានអីទេ ពេលនេះត្រឹមបានប្តីត្រឡប់មកវិញដោយសុខសុវត្ថិភាព ស្អីក៏ធ្វើដែរ ទោះខ្លួនឯងអត់យ៉ាងណាក៏ដោយ សូមអោយប្តីខ្ញុំមានសុខសុវត្ថិភាពផងចុះ» ។
សូមជម្រាបថា នៅថ្ងៃដដែល ដោយសារអាកាសធាតុអំណោយផល អ្នកនាំពាក្យក្រសួងការពារជាតិ បានបង្ហាញសង្ឃឹមថា នឹងទទួលបានដំណឹងអំពីឧទ្ធម្ភាគចក្រដែលបាត់ខ្លួននៅជួរភ្នំក្រវ៉ាញ ក្នុងពេលដ៏ខ្លី ខាងមុខ ។
ឯកឧត្តមនាយឧត្តមសេនីយ៍ ឈុំ សុជាត រដ្ឋលេខាធិការ និងជាអ្នកនាំពាក្យក្រសួងការពារជាតិ បានលើកឡើងថា តាំងពីម្សិលមិញរហូតដល់ថ្ងៃទី២២ ខែកក្កដា ឆ្នាំ២០២៤ អាកាសធាតុនៅតំបន់ជួរភ្នំក្រវ៉ាញ ហាក់មានភាពល្អប្រសើរឡើងវិញ និងអំណោយផល ជាហេតុធ្វើឱ្យលោក សង្ឃឹមថា នឹងទទួលបានដំណឹង អំពីឧទ្ធម្ភាគចក្របាត់ខ្លួន ក្នុងពេលដ៏ខ្លីខាងមុខ ។
នាយឧត្តមសេនីយ៍ ឈុំ សុជាត បានលើកឡើងថា តាំងពីម្សិលមិញរហូតដល់ថ្ងៃទី២២ ខែកក្កដា អាកាសធាតុនៅតំបន់ជួរភ្នំក្រវាញ ហាក់មានភាពល្អប្រសើរឡើងវិញ ដែលកំពុងអំណោយផល ដល់ការរុករកឧទ្ធម្ភាគចក្រ ដែលបានបាត់ដំណឹង កាលពីថ្ងៃទី១២ ខែកក្កដា ឆ្នាំ២០២៤។ ឯកឧត្តមបានបញ្ជាក់ងថា៖ «នៅថ្ងៃនេះ កងកម្លាំងចម្រុះ បានបន្តធ្វើសកម្មភាពរុករកដោយស្វាហាប់ ទាំងថ្មើរជើង និងពីលើដែនអាកាស ក្នុងនោះមានកម្លាំងមួយចំនួន បានសម្រូតខ្សែចុះពីឧទ្ធម្ភាគចក្រ នៅតាមចំណុច ដែលមានការសង្ស័យ ដែលយើងសង្ឃឹមថា នឹងទទួលបានដំណឹង អំពីឧទ្ធម្ភាគចក្រក្នុងពេលដ៏ខ្លី ខាងមុខនេះ» ។
នាយឧត្តមសេនីយ៍ ឈុំ សុជាត បានថ្លែងអំណរគុណដល់ កងកម្លាំងទាំងអស់ ដែលបានខិតខំយ៉ាងសកម្មមិនខ្លាចនឿយហត់ ក្នុងការស្វែងរកឧទ្ធម្ភាគចក្រ និងយោធិន២នាក់ ដែលបានបាត់ដំណឹង ក្នុងរយៈពេល១០ថ្ងៃមកនេះ ទោះបីជាមានបញ្ហាអាកាសធាតុ និងភូមិសាស្ត្រលំបាកក៏ដោយ និងសូមជូនពរកងកម្លាំងទាំងអស់ គ្នាមានសុវត្ថិភាព និងទទួលបានជោគជ័យ៕
ចែករំលែកព័តមាននេះ