កូនខ្មែរគួរដឹង ! ភ្នំចំនួន១០ដែលមានកម្ពស់ខ្ពស់ជាងគេនៅកម្ពុជា
- ពោធិ៍សាត់
ភ្នំគឺជាទីទួលខ្ពស់ធម្មជាតិ ដែលភាគច្រើនគ្របដណ្តប់ដោយព្រៃឈើ និងជាទីជម្រករបស់សត្វព្រៃ ។
ភ្នំគឺជាទីទួលខ្ពស់ធម្មជាតិ ដែលភាគច្រើនគ្របដណ្តប់ដោយព្រៃឈើ និងជាទីជម្រករបស់សត្វព្រៃ ។ ចង់ដឹងថា ភ្នំទាំង១០ណាខ្លះដែលខ្ពស់ជាងគេនៅក្នុងប្រទេសរបស់យើង ។ សូមតាមដានជាមួយគ្នាដូចខាងក្រោម ដោយរាប់ពីភ្នំដែលមានកម្ពស់ខ្ពស់ទី១ ទៅដល់ភ្នំដែលមានកម្ពស់ខ្ពស់ទី១០ ៖
ទី១-ភ្នំឱរ៉ាល់ ៖ ភ្នំដែលមានកម្ពស់ខ្ពស់ជាងគេក្នុងប្រទេសកម្ពុជាគឺភ្នំឱរ៉ាល់ ។ ភ្នំឱរ៉ាល់
មានកម្ពស់ខ្ពស់ជាងគេលំដាប់ទី១ក្នុងប្រទេសកម្ពុជា គឺមានកម្ពស់រហូតដល់ទៅ ១ ៨១៣ម៉ែត្រ ស្ថិតនៅក្នុងខេត្តកំពង់ស្ពឺ ។
ទី២-ភ្នំសំកុស ៖ ជាភ្នំដែលមានកម្ពស់ខ្ពស់ជាងគេលំដាប់ទី២ក្នុងប្រទេសកម្ពុជា គឺមានកម្ពស់រហូតដល់ ១ ៧១៧ម៉ែត្រ ។ ភ្នំនេះស្ថិតនៅជួរភ្នំក្រវាញ ក្នុងខេត្តពោធិ៍សាត់ ។
ទី៣-ភ្នំខ្មោច ៖ ជាភ្នំដែលមានកម្ពស់ខ្ពស់ជាងគេលំដាប់ទី៣ ក្នុងប្រទេសកម្ពុជា គឺមានកម្ពស់រហូតដល់ ១ ៦៦៦ម៉ែត្រ ។ ស្ថិតនៅក្នុងខេត្តពោធិ៍សាត់ ។
ទី៤-ភ្នំជ្រៃម្លូ ៖ មានកម្ពស់ខ្ពស់ជាងគេលំដាប់ទី៤ គឺមានកម្ពស់ ១ ៦១៨ម៉ែត្រ ស្ថិតនៅក្នុងខេត្តកំពង់ស្ពឺ ។
ទី៥-ភ្នំក្រចៅ ៖ មានកម្ពស់ខ្ពស់ជាងគេលំដាប់ទី៥គឺ ១ ៥៩៥ម៉ែត្រ ស្ថិតនៅក្នុងខេត្ត
ពោធិ៍សាត់ ។
ទី៦-ភ្នំក្បាលឫស្សី ៖ មានកម្ពស់ខ្ពស់ជាងគេលំដាប់ទី៦ គឺ ១ ៤០៣ម៉ែត្រ ស្ថិតនៅក្នុងខេត្ត
ពោធិ៍សាត់ ។
ទី៧-ភ្នំយ៉ាវយ៉ៃ ៖ មានកម្ពស់ខ្ពស់ជាងគេលំដាប់ទី ៧ គឺ ១ ៣៥៨ម៉ែត្រ ស្ថិតនៅក្នុងខេត្តពោធិ៍សាត់ ។
ទី៨-ភ្នំទំពណ៌ ៖ មានកម្ពស់ខ្ពស់ជាងគេលំដាប់ទី៨ គឺ ១ ៣១២ម៉ែត្រ ស្ថិតនៅក្នុងខេត្តពោធិ៍សាត់ ។
ទី៩-ភ្នំថ្មចាំង ៖ ជាភ្នំមានកម្ពស់ខ្ពស់ជាងគេលំដាប់ទី៩ គឺ ១ ២៧៩ម៉ែត្រ ស្ថិតនៅក្នុងខេត្តពោធិ៍សាត់ ។
ទី១០-ភ្នំខ្លាឃ្មុំ ៖ មានកម្ពស់ខ្ពស់ជាងគេលំដាប់ទី១០ គឺ ១ ២៥៥ម៉ែត្រ ស្ថិតនៅក្នុងខេត្តពោធិ៍សាត់ ៕
ចែករំលែកព័តមាននេះ