រាជធានីភ្នំពេញ ៖ ស្ត្រីមិនស្គាល់មុខម្នាក់ក្រោយសម្រាលបានកូនប្រុសម្នាក់ រួចក៏ទុកចោលក្បែរស៊ីទែនទឹកលើជាន់ទី១នៃផ្ទះល្វែងមួកន្លែង រួចក៏បានគេចខ្លួនទៅបាត់ ដោយពុំដឹងថា ស្ត្រីជាម្ដាយរូបនោះបានជ្រុលជ្រួសខ្លួនជាមួយសង្សារ ។ រហូតមានផ្ទៃពោះ ហើយត្រូវបានសង្សារដោះដៃចោល…
រាជធានីភ្នំពេញ ៖ ស្ត្រីមិនស្គាល់មុខម្នាក់ក្រោយសម្រាលបានកូនប្រុសម្នាក់ រួចក៏ទុកចោលក្បែរ
ស៊ីទែនទឹកលើជាន់ទី១នៃផ្ទះល្វែងមួកន្លែង រួចក៏បានគេចខ្លួនទៅបាត់ ដោយពុំដឹងថា ស្ត្រីជាម្ដាយរូបនោះបានជ្រុលជ្រួសខ្លួនជាមួយសង្សារ ។ រហូតមានផ្ទៃពោះ ហើយត្រូវបានសង្សារដោះដៃចោល ឬក៏មានប្ដីដែរ ប៉ុន្តែត្រូវប្ដីបោះបង់ចោលនោះទេ ទើបនាងដាច់ចិត្តទុកកូនចោលបែបនេះ ។
ក្រោយមក ទារកនោះត្រូវបានក្មេងប្រុសអាយុជាង១០ឆ្នាំម្នាក់ ឡើងទៅលេងនៅលើជាន់ទី១ផ្ទះល្វែងខាងលើនោះប្រទះឃើញ ក៏បានស្រែកឆោឡោ បង្កឲ្យមានការភ្ញាក់ផ្អើលដល់អ្នកជិតខាងនាំគ្នាទៅមើល ។ ភ្លាមៗនោះ ដោសារតែការអាណិតអាសូរខ្លាំងពេក ណាមួយឃើញទារកនោះស្អាត ហើយកំពុងតែចង់បានកូនប្រុសម្នាក់ផងនោះ ។ ទើបស្ត្រីម្នាក់បានយកទារកនេះទៅលាងសម្អាតរួចនាំពិនិត្យសុខភាពនៅមន្ទីរពេទ្យ បន្ទាប់មកយកទៅចិញ្ចឹមធ្វើជាកូនបង្កើតរបស់ខ្លួនតែម្ដង ។
ទារកខាងលើ ត្រូវបានត្រូវបានប្រទះឃើញ កាលពីវេលាម៉ោងជាង១០ព្រឹកថ្ងៃទី៦ ខែកក្កដា ឆ្នាំ២០២៤ នៅលើជាន់ទី១ផ្ទះល្វែង ស្ថិតនៅក្នុងភូមិជម្ពូវ័ន សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ ។ ចំណែកឪពុកម្ដាយរបស់ទារកនោះ ពុំដឹងថាជានរណានោះទេ ហើយបើតាមគ្រូពេទ្យបានអះអាងថា ទារកនេះទើបតែកើតប៉ុណ្ណោះ ហើយមានសុខភាពល្អជាធម្មតាទេ ។
អ្នកភូមិខាងលើ បានប្រាប់ឲ្យដឹងថា ស្ត្រីម្នាក់ដែលទទួលយកទារកនេះទៅចិញ្ចឹមនោះឈ្មោះភាព ស្រីនាង អាយុ២៦ឆ្នាំ មានមានទីលំនៅកន្លែងកើតហេតុខាងលើ នាងមានប្ដីនិងកូនស្រី១ ហើយក៏ចង់បានកូនប្រុសម្នាក់ផងដែរ ។ នៅវេលាព្រឹកថ្ងៃកើតខាងលើក្មេងប្រុសអាយុជាង១០ឆ្នាំម្នាក់បានឡើងទៅលេងលើជាន់ទី១ផ្ទះល្វែងនោះ ហើយក៏ប្រទះឃើញទារកម្នាក់មានសារុងរុំខ្លួនជិត ស្ថិតនៅក្បែរស៊ីទែនទឹក១ ក៏បានស្រែកឆោឡោ បង្កឲ្យមានការភ្ញាក់ផ្អើលដល់អ្នកភូមិនាំគ្នាទៅមើល ។
ប្រភពដដែលបានប្រាប់ឲ្យដឹងថា គាប់ជួនពេលនោះឃើញទារកខាងលើគួរឲ្យអាណិត ហើយថ្លោស សម្បុរ ស ស្អាតគួរឲ្យស្រលាញ់ផងនោះ ទើបស្ត្រីខាងលើយកទៅលាងសម្អាតឈាម និងនាំយកទៅកាន់មន្ទីរពេទ្យ ព្រមទាំទទួលយកទៅចិញ្ចឹមធ្វើជាកូនបង្កើតរបស់ខ្លួនតែម្ដង ៕
ចែករំលែកព័តមាននេះ