រាជធានីភ្នំពេញ ៖ នៅវេលាម៉ោង០៩ព្រឹកថ្ងៃទី០២ ខែកក្កដា ឆ្នាំ២០២៤ សមត្ថកិច្ចការិយាល័យប្រឆាំងបទល្មើសបច្ចេកវិទ្យា ផែនការងារសន្តិសុខ នៃស្នងការដ្ឋាននគរបាលរាជធានីភ្នំពេញ អនុវត្តតាមបទបញ្ជារបស់លោកឧត្តមសេនីយ៍ឯក ជួន…
រាជធានីភ្នំពេញ ៖ នៅវេលាម៉ោង០៩ព្រឹកថ្ងៃទី០២ ខែកក្កដា ឆ្នាំ២០២៤ សមត្ថកិច្ចការិយាល័យប្រឆាំងបទល្មើសបច្ចេកវិទ្យា ផែនការងារសន្តិសុខ នៃស្នងការដ្ឋាននគរបាលរាជធានីភ្នំពេញ អនុវត្តតាមបទបញ្ជារបស់លោកឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ បានធ្វើការកោះហៅ បុគ្គលចំនួន០២នាក់ ដើម្បីសួរនាំ ពាក់ព័ន្ធផលិតវីដេអូសម្តែងគំរាម របៀបហិង្សា ដើម្បីបង្ហោះក្នុងផេកលក់ផលិតផល ទាក់ទាញអ្នកទស្សនាឲ្យចូលមើលច្រើន ។
បុគ្គលទាំង០២នាក់ រួមមាន ៖
ទី១-ឈ្មោះ ញ៉ឹប សុវណ្ណ ភេទប្រុស អាយុ៣៤ឆ្នាំ មុខរបរ សិល្បៈករ ទីលំនៅបច្ចុប្បន្ន ផ្ទះជួល ភូមិថ្នល់បត់ សង្កាត់ចោមចៅ១ ខណ្ឌពោធិ៍សែនជ័យ រាជធានីភ្នំពេញ ។
ទី២-ឈ្មោះ ទៀង ស្រីលក្ខ ភេទស្រី អាយុ១៩ឆ្នាំ មុខរបរ អ្នកលក់អនឡាញ ។
លោកវរសេនីយ៍ឯក សំ វិច្ឆិកា អ្នកនាំពាក្យ នៃស្នងការដ្ឋាននគរបាលរាជធានីភ្នំពេញ បានបញ្ជាក់ថា ករណីថតវីដេអូ សម្តែងគំរាម របៀបហិង្សា បង្ហោះក្នុងផេកតាមបណ្តាញសង្គម ហើយមានការស៊ែរចែកចាយវីដេអូសម្តែងនោះ នាំឲ្យរងការរិះគន់ពីអ្នកលេងក្នុងបណ្តាញសង្គម។ ការផលិតវីដេអូនោះ បង្កប៉ះពាល់ និងបំពុលសង្គម ។
ក្រោយពីបានបំភ្លឺរួចហើយ ពួកគេបានសារភាព និងទទួលកំហុស ហើយមានការសោកស្តាយ ដោយបានសុំអភ័យទោសពីសំណាក់ថ្នាក់ដឹកនាំ និងប្រជាពលរដ្ឋ ដោយសន្យាមិនប្រព្រឹត្តកំហុសឆ្គងបែបនេះម្តងទៀតនោះទេ និងសន្យាលុបចោលវីដេអូទាំងនោះ ចេញពីក្នុងផេករបស់ខ្លួនផងដែរ ៕
ចែករំលែកព័តមាននេះ