រយៈពេល៧ថ្ងៃ នគរបាលបង្ក្រាបបានក្មេងទំនើង ៣១ករណី ឃាតខ្លួនបាន១២៤នាក់
រាជធានីភ្នំពេញ ៖ បើតាមលោក ទូច សុខៈ អ្នកនាំពាក្យរង ក្រសួងមហាផ្ទៃ បានឲ្យដឹងថា ក្នុងរយៈ៧ថ្ងៃ សមត្ថកិច្ចបានបង្ក្រាបក្មេងទំនើងបាន…
រាជធានីភ្នំពេញ ៖ បើតាមលោក ទូច សុខៈ អ្នកនាំពាក្យរង ក្រសួងមហាផ្ទៃ បានឲ្យដឹងថា ក្នុងរយៈ៧ថ្ងៃ សមត្ថកិច្ចបានបង្ក្រាបក្មេងទំនើងបាន ចំនួន៣១ករណី ហើយបានឃាត់ខ្លួនសរុប ១២៤នាក់ ។
អ្នកនាំពាក្យរង ក្រសួងមហាផ្ទៃ បានឲ្យដឹងនៅថ្ងៃទី២ ខែកក្កដា ឆ្នាំ២០២៤ យ៉ាងដូច្នេះថា «រយៈពេល៧ថ្ងៃ ចាប់ពីថ្ងៃទី២៥ ខែមិថុនា ដល់ថ្ងៃទី១ ខែកក្កដា ឆ្នាំ២០២៤នេះ សមត្ថកិច្ចចំណុះក្រសួងមហាផ្ទៃ បានបង្ក្រាបករណីក្មេងទំនើង សរុបចំនួន៣១ករណី និងឃាត់ខ្លួនក្មេងទំនើង សរុប១២៤នាក់ ក្នុងភូមិសាស្ត្ររាជធានី-ខេត្ត ចំនួន១១» ។
ជាមួយគ្នានោះដែរ អ្នកនាំពាក្យរូបនេះ បានរៀបរាបខេត្ត ដែលសមត្ថកិច្ចបង្ក្រាបបានមានដូចជា ៖ ខេត្តព្រះវិហារកើតឡើង ៣ករណី ឃាត់ខ្លួន២៩នាក់, រាជធានីភ្នំពេញ ១២ករណី ឃាត់ខ្លួន២៣នាក់, សៀមរាប ៤ករណី ឃាត់ខ្លួន២៣នាក់, កំពង់ធំ ១ករណី ឃាត់ខ្លួន ១៣នាក់, កំពង់ស្ពឺ ៣ករណី ឃាត់ខ្លួន៩នាក់, តាកែវ ១ករណី ឃាត់ខ្លួន ៧នាក់, បន្ទាយមានជ័យ៣ករណី ឃាត់ខ្លួន៦នាក់, កណ្តាល ១ករណី ឃាត់ខ្លួន៦នាក់, ស្វាយរៀង ១ករណី ឃាត់ខ្លួន៤នាក់, ព្រះសីហនុ ១ករណី ឃាត់ខ្លួន២នាក់, និងព្រៃវែង ១ករណី ឃាត់ខ្លួន២នាក់ ៕
ចែករំលែកព័តមាននេះ