បន្ទាយមានជ័យ ៖ ឯកឧត្តម អ៊ុំ រាត្រី ដឹកនាំកម្លាំងចម្រុះចុះពិនិត្យហាមឃាត់ទីតាំងផលិតទឹក (ស្លឹកក្រាក់ថំ)ដែលមានសារធាតុញៀ.ន ត្រូវបានដកហូត និងម្ចាស់ផលិតរងចាំបទបញ្ជាដែលធ្វើឡើង នៅថ្ងៃទី០២…
បន្ទាយមានជ័យ ៖ ឯកឧត្តម អ៊ុំ រាត្រី ដឹកនាំកម្លាំងចម្រុះចុះពិនិត្យហាមឃាត់ទីតាំងផលិតទឹក (ស្លឹកក្រាក់ថំ)ដែលមានសារធាតុញៀ.ន ត្រូវបានដកហូត និងម្ចាស់ផលិតរងចាំបទបញ្ជាដែលធ្វើឡើង នៅថ្ងៃទី០២ ខែកក្កដា ឆ្នាំ២០២៤ នៅភូមិសាស្ត្រ ក្រុងប៉ោយប៉ែត ។
លោកវរៈសេនីយ៍ទោ ព្រហ្ម ពិសិដ្ឋ អធិការនគរបាលក្រុងប៉ោយប៉ែត បានប្រាប់ថា ៖ ឯកឧត្តម អ៊ុំ រាត្រី អភិបាលខេត្តបន្ទាយមានជ័យ បានដឹកនាំផ្ទាល់ចូលរួមស្នងការរងនគរបាលខេត្តបន្ទាយមានជ័យ និងកម្លាំងការិយាល័យប្រឆាំងគ្រឿងញៀនខេត្ត និងកម្លាំងជំនាញអធិការដ្ឋាននគរបាលក្រុងប៉ោយប៉ែត បានចុះពិនិត្យទីតាំងផលិតទឹក (ស្លឹកក្រាក់ថំ) ក្នុងភូមិសាស្ត្រ ក្រុងប៉ោយប៉ែត រហូតដល់រសៀលម៉ោង១១ ចុះពិនិត្យបានចំនួន៥កន្លែង និងដកហូតសម្ភារៈផលិត និងទឹកច្រកដប បានយ៉ាងច្រើន ។
លោកបានបញ្ជាក់ថា ៖ ការចុះប្រតិបត្តិការពិនិត្យទីតាំងផលិតទឹកខាងលើ ក្នុងភូមិសាស្ត្រ ក្រុងប៉ោយប៉ែត ត្រូវបានដកហូតសម្ភារៈផលិត និងទឹកត្រូវបានដកហូត ហើយម្ចាស់ផលិតចំនួន៥កន្លែង ត្រូវណែនាំអោយបញ្ឈប់សកម្មភាពផលិតហើយរង់ចាំបញ្ជា និងចំណាត់ការបន្ត ។
លោកឧត្តមសេនីយ៍ត្រី ធិន ស៊ីនដេត ស្នងការរងទទួលផ្នែកប្រឆាំងបទល្មើសគ្រឿងញៀនខេត្តបន្ទាយមានជ័យបានប្រាប់ថា ៖ ការចុះប្រតិបត្តិការពិនិត្យទីតាំងផលិតទឹកត្រូវបានដឹកនាំផ្ទាល់ពីឯកឧត្តម អ៊ុំ រាត្រី អភិបាលខេត្តបន្ទាយមានជ័យ និងកម្លាំងជំនាញបានហាមឃាត់អោយបញ្ឈប់សកម្មភាពផលិតព្រោះស្លឹកនេះ ត្រូវបានឈ្មួញទិញនាំចូលពីប្រទេសថៃ នាំយកមកផលិតទឹកលក់ដែលជាប្រភេទគ្រឿងញៀ.នដែលមានសារធាតុផ្សំ ។
លោកបានបញ្ជាក់ថា ៖ ទឹកស្លឹកក្រាក់ថំ ដែលផលិតច្រកដបលក់ គឺជាសារធាតុដែលអ្នកទិញប្រើប្រាស់ (អត់ងងុយដេកធ្វើការងារស៊ូ) តែច្បាប់ស្តីពីការត្រួតពិនិត្យគ្រឿងញៀ.ន មិនទាន់ចែង និងហាមឃាត់នៅឡើយទេ តែជំនាញកំពុងយកទឹកដែលផលិត និងដកហូតមកផ្ញើទៅឡាបូ ដើម្បីធ្វើកោសល្យវិច្ឆ័យក្រោយពីមានការផុសផុល នៅក្រុងប៉ោយប៉ែត ជាប់ជាយដែន និងរង់ចាំបញ្ជានិងត្រូវអនុវត្តយ៉ាងម៉េចសម្រាប់អ្នកដែលផលិត ៕
ចែករំលែកព័តមាននេះ