កំពូលប្រទេសដែលក្រីក្របំផុតនៅលើពិភពលោក នៅក្នុងឆ្នាំ២០២៤ ត្រូវបានគេដឹងថា គឺសុទ្ធតែជាប្រទេសដែលមានទីតាំងភូមិសាស្ត្រស្ថិតនៅក្នុងទ្វីបអាហ្វ្រិកទាំងអស់ ។ ដោយប្រទេសទាំងនេះប្រជាពលរដ្ឋម្នាក់ៗអាចរកប្រាក់ចំណូលត្រឹមតែពី៤៥៥ដុល្លារតទៅដល់១.៦៤៩ ដុល្លារនៅក្នុងមួយឆ្នាំប៉ុណ្ណោះ ។ តាមសេចក្តីរាយការណ៍របស់សារព័ត៌មាន The…
កំពូលប្រទេសដែលក្រីក្របំផុតនៅលើពិភពលោក នៅក្នុងឆ្នាំ២០២៤ ត្រូវបានគេដឹងថា គឺសុទ្ធតែជាប្រទេសដែលមានទីតាំងភូមិសាស្ត្រស្ថិតនៅក្នុងទ្វីបអាហ្វ្រិកទាំងអស់ ។ ដោយប្រទេសទាំងនេះប្រជាពលរដ្ឋម្នាក់ៗអាចរកប្រាក់ចំណូលត្រឹមតែពី៤៥៥ដុល្លារតទៅដល់១.៦៤៩ ដុល្លារនៅក្នុងមួយឆ្នាំប៉ុណ្ណោះ ។
តាមសេចក្តីរាយការណ៍របស់សារព័ត៌មាន The Global Finance បានឲ្យដឹងថា កំពូលប្រទេសដែលក្រីក្របំផុត នៅលើពិភពលោកនេះ គឺប្រទេសសូដង់ខាងត្បូង ដែលទីនោះ ត្រូវបានគេដឹងថា គឺជាដែនដីដែលនៅតែបន្តមានជម្លោះ ហើយប្រទេសនេះមានប្រជាជនសរុបប្រមាណជា១១លាននាក់ ដែលពួកគេរកប្រាក់ចំណូល នៅក្នុងម្នាក់នៅក្នុងមួយឆ្នាំបានត្រឹមតែ៤៥៥ ដុល្លារតែប៉ុណ្ណោះ ពោល គឺនៅក្នុងមួយថ្ងៃពលរដ្ឋម្នាក់រកចំណូលបានត្រឹមតែជាង១ដុល្លារបន្តិចបន្តួចប៉ុណ្ណោះ ។
ប្រទេសដែលជាប់លំដាប់ថ្នាក់ជាប្រទេសក្រីក្របំផុតទីពីរ គឺប្រទេស ប៊ូរុនឌី ដែលជាប្រទេសមួយ ស្ថិតនៅក្នុងទ្វីបអាហ្វ្រិកដែរ ។ ប្រទេសនេះ មានប្រជាជនប្រមាណជាជិត ១៣លាននាក់ ប៉ុន្តែទោះបីជាយ៉ាងណាក៏ដោយ ប្រាក់ចំណូលរបស់ពួកគេ គឺអាចរកបានត្រឹមតែ៩១៦ដុល្លារតែប៉ុណ្ណោះ ។
ប្រទេសក្រីក្របំផុតទី៣ គឺសាធារណរដ្ឋអាហ្វ្រិកកណ្តាល ដែលមានប្រជាពលរដ្ឋសរុប ត្រឹមតែ៥,៥ លាននាក់ប៉ុណ្ណោះ ។ ប្រទេសនេះ ក៏ជាប្រទេសដែលហែកហួរ ដោយសង្គ្រាមស៊ីវិល និងស្ថិតនៅព័ទ្ធជុំវិញដោយប្រទេសក្រីក្រដូចគ្នា នៅក្នុងទ្វីបអាហ្វ្រិក ។ នៅក្នុងមួយឆ្នាំពលរដ្ឋម្នាក់ៗ អាចរកប្រាក់ចំណូលសរុបប្រចាំឆ្នាំបានប្រមាណជា១.១២៣ដុល្លារដែរ ។
ប្រទេសក្រីក្របំផុតទី៤ គឺប្រទេសសាធារណរដ្ឋ
ប្រជាធិបតេយ្យកុងហ្គោ ដែលជាប្រទេសធំមួយ នៅអាហ្វ្រិក ដែលមានប្រជាពលរដ្ឋដល់ទៅ១០៥ លាននាក់ ប៉ុន្តែទោះបីជាយ៉ាងណាក៏ដោយ ក៏ប្រជាជននៅក្នុងប្រទេសនេះរកប្រាក់ចំណូលបានប្រមាណត្រឹមតែ១.៥៥២ ដុល្លារប៉ុណ្ណោះនៅក្នុងម្នាក់ ។ ប្រទេសនេះសព្វថ្ងៃអាចចាត់ទុកថា ជាបងធំមួយនៅក្នុងតំបន់ ។
ប្រទេសក្រីក្រងបំផុតទី៥ នៅលើពិភពលោកនោះ
ប្រទេសមូហ្សំប៊ិក មានទីតាំងនៅអាហ្វ្រិកភាគនិរតី ។ ប្រទេសនេះ មានប្រជាជនសរុប៣៤ លាននាក់ ប៉ុន្តែកម្រិតប្រាក់ចំណូលវិញ គឺនៅក្នុងរង្វង់១.៦៤៩ ដុល្លារ ក្នុងមួយឆ្នាំក្នុងម្នាក់ ៕
ចែករំលែកព័តមាននេះ