ស្ពានឆ្លងទន្លេមេគង្គនៅខេត្តក្រចេះ ធ្វើហើយជាងពាក់កណ្តាល
គម្រោងសាងសង់ស្ពានឆ្លងកាត់ទន្លេមេគង្គខេត្តក្រចេះ ដែលមានប្រវែង ១.៧៦១ម៉ែត្រ ស្ថិតនៅស្រុកចិត្របុរី និងស្រុកព្រែកប្រសព្វ សម្រេចបាន ៥៥,៨៣%ហើយ ។ ក្រសួងសាធារណៈការ និងដឹកជញ្ជូន…
គម្រោងសាងសង់ស្ពានឆ្លងកាត់ទន្លេមេគង្គខេត្តក្រចេះ ដែលមានប្រវែង ១.៧៦១ម៉ែត្រ ស្ថិតនៅស្រុកចិត្របុរី និងស្រុកព្រែកប្រសព្វ សម្រេចបាន ៥៥,៨៣%ហើយ ។
ក្រសួងសាធារណៈការ និងដឹកជញ្ជូន បានអះអាង កាលពីថ្ងៃទី៣០ ខែមិថុនា ឆ្នាំ២០២៤ថា មកដល់ពេលនេះស្ពានសម្រេចបាន ៥៥,៨៣ភាគរយ និងផ្លូវតភ្ជាប់និងផ្លូវខ្នែងទៅកាន់ក្រុងក្រចេះ ខេត្តក្រចេះ ដែលមានប្រវែងសរុបជាង ៣៣,៤៥គីឡូម៉ែត្រ សម្រេចបាន ៤១,៨១% ។
ស្ពានឆ្លងកាត់ទន្លេមេគង្គក្នុងខេត្តក្រចេះ បានប្រើប្រាស់ឥណទានសម្បទានពីរដ្ឋាភិបាលនៃសាធារណរដ្ឋប្រជាមានិតចិន និងបានសម្ពោធបើកការដ្ឋានសាងសង់កាលពីថ្ងៃទី២ ខែមករា ឆ្នាំ២០២៣ ក្រោមអធិបតីភាពដ៏ខ្ពង់ខ្ពស់របស់សម្តេច តេជោ ហ៊ុន សែន អតីតនាយករដ្ឋមន្ត្រី នៃព្រះរាជាណាចក្រកម្ពុជា និង លោក វ៉ាង វិនធៀន (Wang Wentian) អតីតឯកអគ្គរដ្ឋទូត ចិនប្រចាំកម្ពុជា តាមការគ្រោងទុកគម្រោងទាំងមូល រំពឹងថានឹង បញ្ចប់ការសាងសង់ឱ្យបានមុនខែកញ្ញា ឆ្នាំ២០២៦ ខាងមុខនេះ៕
ចែករំលែកព័តមាននេះ