ADផ្ទាំងផ្សព្វផ្សាយពាណិជ្ជកម្ម

Picture

ការ​ទន្ទឹងរង់ចាំ​ពី​ការ​ប្រើប្រាស់​ផ្លូវ​ថ្នល់ជាតិ​លេខ​៧ បាន​ដំណើរការ​សាងសង់​ហើយ

2 អាទិត្យ មុន

ខេត្តស្ទឹងត្រែង ៖ ផ្លូវជាតិ​លេខ​៧A ជា​ខ្សែ​ផ្លូវ​សរសៃឈាម ដែល​មាន​សក្តានុពល​លើ​ចរន្ត​ផ្នែក​ទំនាក់ទំនង​សេដ្ឋកិច្ច​ជា​ច្រើន រវាង​ប្រទេស​កម្ពុជា​-​ឡាវ និង​ត​ភ្ជាប់​ពី​ខេត្ត​មួយ​ទៅ​កាន់​ខេត្ត​នានា​ផ្សេង​ទៀត​រហូត​ដល់​រាជធានី​ភ្នំពេញ ។ បើ​គិត​ពី​ចំណុច​គល់​ស្ពាន​សេ​កុង ត្រើយ​ខាងជើង​ក្រុង​ស្ទឹង​ត្រែង…

ខេត្តស្ទឹងត្រែង ៖ ផ្លូវជាតិ​លេខ​៧A ជា​ខ្សែ​ផ្លូវ​សរសៃឈាម ដែល​មាន​សក្តានុពល​លើ​ចរន្ត​ផ្នែក​ទំនាក់ទំនង​សេដ្ឋកិច្ច​ជា​ច្រើន រវាង​ប្រទេស​កម្ពុជា​-​ឡាវ និង​ត​ភ្ជាប់​ពី​ខេត្ត​មួយ​ទៅ​កាន់​ខេត្ត​នានា​ផ្សេង​ទៀត​រហូត​ដល់​រាជធានី​ភ្នំពេញ ។

បើ​គិត​ពី​ចំណុច​គល់​ស្ពាន​សេ​កុង ត្រើយ​ខាងជើង​ក្រុង​ស្ទឹង​ត្រែង រហូត​ទៅ​ដល់​ចំណុច​ច្រក​ទ្វារ​អន្តរជាតិ ត្រពាំង​គ្រៀល ចម្ងាយ​ជាង​៥៧​គីឡូម៉ែត្រ ជា​ទ្រូងផ្លូវ ដែល​បាន​ភ្ជាប់​ពី​ក្រុង​ស្ទឹង​ត្រែង សង្កាត់​សាមគ្គី ទៅ​ស្រុក​បុរី​អូរ​ស្វាយ​សែន​ជ័យ ចំណុច​ឡុ​ង​ក្រឡ បំបែក​ចូល​ទៅ​កាន់​ស្រុក​សៀម​ប៉ា​ង និង​ផ្លូវត្រង់​ទៅ​កាន់​ច្រក​ទ្វារ​អន្តរជាតិ​ត្រពាំង​គ្រៀល ដែល​ជា​ច្រក​ទ្វារ​ព្រំដែន​អន្តរជាតិ​កម្ពុជា​-​ឡាវ ។

ផ្លូវ​មួយ​ខ្សែ​នេះ កាល​ដើម​ឡើយ គឺ​សាងសង់​ដោយ​ក្រុមហ៊ុន​ចិន ក្រោយ​ការ​ប្រើប្រាស់​ច្រើន​ឆ្នាំ ក៏​បាន​រង​ការ​ខូចខាត​យ៉ាងដំណំ ចាប់ពី​ចំណុច​គល់​ស្ពាន​សេ​កុង​ត្រើយ​ខាងជើង​រហូត​ដល់​ប៉ុស្តិ៍​ព្រំដែន ដែល​បង្ក​ការ​លំបាក​ធ្វើ​ចរាចរណ៍ ដោយសារ​មាន​ជង្ហុក​តូច​ធំ​ជា​ច្រើន​កន្លែង ជិត​១០​ឆ្នាំ​កន្លង​មក​ហើយ ។

ផ្លូវជាតិ​មួយ​នេះ ជា​សរសៃឈាម ដែល​សម្រួល​ដល់​ការ​ធ្វើ​ដំណើរ ការ​ធ្វើ​ចរាចរណ៍ ដោយ​ការ​ដឹក​កសិផល និង​ទំនិញ​ផ្សេង​ឆ្លង​ដែន​កាត់​ពី​ប្រទេស​ឡាវ ចូល​មក​កម្ពុជា និង​ពី​កម្ពុជា ទៅ​ប្រទេស​ឡាវ តាម​រយៈ​ច្រក​ទ្វារ​អន្តរជាតិ​នេះ ផង​ដែរ ។

លោក សរ គឹ​ម​ណាត ប្រធាន​មន្ទីរ​សាធារណការ និង​ដឹក​ជញ្ជូន​ខេត្ត អោយ​ប្រាប់​ដឹង​ថា ផ្លូវ​ដែល​ត្រូវ​ស្តា​ជួសជុល​ឡើង​វិញ ជា​ប្រភេទ​ផ្លូវ​ក្រាល​កៅស៊ូ​ស្តើង DBST ជា​កញ្ចប់​ថវិការ​របស់​រាជរដ្ឋាភិបាល ក្រោម​ការ​ដឹកនាំ​របស់​សម្តេច​មហា​បវរ​ធ​បតី ហ៊ុន ម៉ា​ណែ​ត នាយក​រដ្ឋមន្ត្រី មាន​ប្រវែង ៥៦,៨​គីឡូម៉ែត្រ ចាប់ពី​ចំណុច​ក្បាលស្ពាន​សេ​កុង រហូត​ដល់​ចំណុច​ក្បែរ​ច្រក​អន្តរជាតិ​ត្រពាំង​ក្រៀល ខ្មែរ​-​ឡាវ ក្នុង​ផែនការ​ស្តា​ជួសជុល​ផ្លូវ​នេះ គឺ​រួម​គ្នា​សាងសង ដោយ​ក្រសួង​សាធារណការ និង​ដឹក​ជញ្ជូន មន្ទីរ​សាធារណការ និង​ដឹក​ជញ្ជូន​ខេត្ត និង​អង្គភាព​កង​វី​ស្វកម្ម ។

លោក​បន្ត​ថា ផ្លូវជាតិ​លេខ​៧​នេះ ចាប់ផ្ដើម​ដំណើរការ​សាងសង់ នា​ថ្ងៃ​ទី​២៦ ខែមិថុនា ឆ្នាំ​២០២៤ និង​បញ្ចប់​ការ​សាងសង់ នៅ​ចុងឆ្នាំ​២០២៤​នេះ តែ​ម្តង ៕

អត្ថបទសរសេរ ដោយ