ខេត្តព្រះវិហារ ៖ គ្រឿងញៀនជាង១តោន ដែលសមត្ថកិច្ចប្រឹងប្រែងបង្ក្រាបនាពេលកន្លងមក ត្រូវបានគណៈកម្មាធិការត្រួតពិនិត្យគ្រឿងញៀនខេត្តព្រះវិហារ សម្រេចរៀបចំកម្មពិធីដុតបំផ្លាញចោល នៅរសៀលថ្ងៃទី២៥ ខែមិថុនា ឆ្នាំ២០២៤ ដើម្បីចូលរួមអបអរសាទរ ទិវាអន្ដរជាតិប្រយុទ្ធប្រឆាំងគ្រឿងញៀន ២៦មិថុនា ឆ្នាំ២០២៤ ក្រោមប្រធានបទ «រួមគ្នាវិនិយោគលើការបង្ការ ទប់ ស្កាត់ និងលើកកម្ពស់ការអប់រំ ដើម្បីសហគមន៍គ្មានគ្រឿងញៀន» ។
គ្រឿងញៀន ដែលត្រូវដុតបំផ្លាញចោលនាពេលនេះ គឺបានធ្វើការរឹបអូសជាវត្ថុតាងចំនួន៣៩ សំណុំរឿង សរុបសារធាតុញៀនមានទម្ងន់ប្រមាណជាង១តោន ស្មើនិង១,០២១,៩១៨.៦២ក្រាម ក្នុងនោះ សារធាតុគ្រឿងញៀនប្រភេទមេតំហ្វេតាមីន (ICE) សរុបទម្ងន់១,០២១,៨៦៣.៥៩ក្រាម និងប្រភេទមេតំហ្វេតាមីន (WY) សរុបទម្ងន់៥៥,០៣ក្រាម ៕
ចែករំលែកព័តមាននេះ