រាជធានីភ្នំពេញ ៖ គ្រូផេះគ្រូអង្កាម ដែលបានបា.ញ់សម្លា.ប់ខ្លួនឯងថតបង្ហោះបង្ហួតថា ខ្លួនឯងខ្លាំងពូកែបា.ញ់មិនមុត ត្រូវកម្លាំងជំនាញនៃអធិការដ្ឋាននគរបាលខណ្ឌព្រែកព្នៅ ចាប់ខ្លួនកសាងសុំណុំរឿងបញ្ជូនទៅកាន់តុលាការ កាលពីព្រឹកថ្ងៃទី២៦ ខែមិថុនា ឆ្នាំ ២០២៤នេះ ពាក់ព័ន្ធការប្រើប្រាស់អាវុធខុសច្បាប់ ។
![](https://kohsantepheapdaily.com.kh/wp-content/uploads/2024/06/a8432a5f31d8815dd6142b454035f722-24.jpg)
គ្រូមន្តអាគមដែលបង្ហោះចែកចាយឃ្លីបវីដេអូ លើបណ្ដាញសង្គមអួតថា ខ្លាំងពូកែនោះ ឈ្មោះ ណុប សក្កដា ហៅគ្រូផេះ គ្រូអង្គាម ភេទប្រុស អាយុ៥៤ឆ្នាំ រស់នៅភូមិត្រពាំងស្នោរ សង្កាត់ពញ្ញាពន់ ខណ្ឌព្រែកព្នៅ រាជធានីភ្នំពេញ ។
គួរបញ្ជាក់ថា នៅពេលថ្មីនេះ មានការបង្ហោះចែកចាយឃ្លីបវីដេអូលើបណ្ដាញសង្គមពាក់ព័ន្ធសកម្មភាពប្រើប្រាស់ អា.វុធ ដើម្បីយកមកបា.ញ់ខ្លួនឯងផ្ទាល់ ដោយសារចង់បញ្ជាក់ថា អំពីក្បួនវេទមន្តខ្លាំងក្លាបង្ហាញដល់អ្នកដទៃមើលថា ខ្លួនពូកែ ។
![](https://kohsantepheapdaily.com.kh/wp-content/uploads/2024/06/4f4fccd03730adfcb7e3a2d419d6e2d3-32.jpg)
បន្ទាប់ពីឃើញការផ្សព្វផ្សាយព័ត៌មាននេះ ភ្លាម ឯកឧត្តម ឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញបានដាក់បទបញ្ជា ទៅអធិការដ្ឋាននគរបាលខណ្ឌព្រែកព្នៅចុះស្រាវជ្រាវ និងកោះហៅគ្រូឈ្មោះ ណុប សក្កដា ហៅគ្រូផេះគ្រូអង្កាម ដែលរស់នៅភូមិត្រពាំងស្ងោរ សង្កាត់ពញ្ញាពន់ ខណ្ឌព្រែកព្នៅ យកមកសួរនាំនៅអធិការដ្ឋាននគរបាលខណ្ឌព្រែកព្នៅ កាលពីថ្ងៃទី២៤ ខែមិថុនា ឆ្នាំ២០២៤ ជុំវិញការប្រើប្រាស់អាវុ.ធ ហើយត្រូវបានឯកឧត្តមអគ្គស្នងការរង និងជាស្នងការនគរបាលរាជធានីភ្នំពេញ បានបញ្ជាឲ្យឃាត់ខ្លួនជនសង្ស័យ ដើម្បីអនុវត្តតាមផ្លូវច្បាប់ ។
![](https://kohsantepheapdaily.com.kh/wp-content/uploads/2024/06/717f3183e10e92c1088a6ec8959db5f7.jpg)
តាមចម្លើយសារភាពរបស់ជនសង្ស័យអាវុ.ធខ្លីនោះ ជាប្រភេទអាវុ.ធខ្លីម៉ាក lock គាត់រើសបាន ហើយបានប្រើប្រាស់បា.ញ់មកលើខ្លួនឯងចំនួន០៤គ្រា.ប់ ដើម្បីអួតអ្នកភូមិពីមហិទ្ធិប្ញទ្ធិខ្លាំងពូកែបា.ញ់មិនមុត ក្នុងពិធីឡើងអាស្រមបារមីនៅផ្ទះរបស់គាត់ កាលពីខែមេសា ឆ្នាំ២០២២ កន្លងមក ។ អាវុ.ធខ្លីនោះ បន្ទាប់មកគាត់យកទៅបោះចោលនៅក្នុងជ្រោះមួយកន្លែង ក្នុងខេត្តក្រចេះ ។
បន្ទាប់ពីឃាត់ខ្លួនលោកគ្រូមន្តអាគមរូបនោះក៏បានធ្វើលិខិតសុំទោសជាសាធារណៈ តែនៅតែមិនរួចខ្លួនត្រូវបានសមត្ថកិច្ចកសាងសំនុំរឿងបញ្ចូនទៅកាន់តុលាការ ។ ទោះបីជាយ៉ាងណា គេដឹងថា ជនសង្ស័យជាគ្រូមន្តអាគមនោះអាចមានវេទមន្តខ្លាំងពូកែអាចគេចផុតពីគុក ឬយ៉ាងណានោះទេ ៕
![](https://kohsantepheapdaily.com.kh/wp-content/uploads/2024/06/5d7b58555048f8427a37d1f132f1c866-32.jpg)
![](https://kohsantepheapdaily.com.kh/wp-content/uploads/2024/06/98ca5821d42727ba914d1525c4b4681a.jpg)
ចែករំលែកព័តមាននេះ