ក្រុមហ៊ុន Sailun Group ដែលជាក្រុមហ៊ុនមានក្រុមហ៊ុនបុត្រសម្ព័ន្ធកំពុងវិនិយោគគម្រោងកម្មន្ដសាលសំបកកង់យានយន្ត ក្នុងប្រទេសកម្ពុជាបានប្តេជ្ញាថា នឹងពង្រីកទំហំវិនិយោគតាមផែនការឲ្យដល់ទំហំ១ពាន់លានដុល្លារ ។
ក្រុមប្រឹក្សាអភិវឌ្ឈន៍កម្ពុជាបានអះអាង នៅថ្ងៃទី២៧ ខែមិថុនា ឆ្នាំ២០២៤ថា តំណាងក្រុមហ៊ុនបានជួបជាមួយនឹងលោក ស៊ុន ចាន់ថុល ឧបនាយករដ្ឋមន្ត្រី និងជាអនុប្រធានទីមួយនៃក្រុមប្រឹក្សាអភិវឌ្ឈន៍កម្ពុជា ពាក់ព័ន្ធនឹងគម្រោងនេះកាលពីថ្ងៃម្សិលមិញ ។
ប្រភពដដែលបានបញ្ជាក់ថា កិច្ចប្រជុំនេះ ត្រូវបានរៀបចំឡើង ដើម្បីពិនិត្យលើវឌ្ឍនភាពនៃគម្រោងពង្រីកខ្សែច្រវាក់ផលិតកម្មរបស់ក្រុមហ៊ុនដែលមានទំហំទឹកប្រាក់ស្ថិតក្នុងរង្វង់១ពាន់លានដុល្លារ ស្របតាមអនុស្សារណៈនៃការយោគយល់គ្នា ក្នុងដំណើរទស្សនកិច្ចទៅក្រុងឈីងតាវ ខេត្តសានដុង សាធារណរដ្ឋប្រជាមានិតចិន កាលពីខែមករា ឆ្នាំ២០២៤ កន្លងទៅ ។
សូមជម្រាបថា បច្ចុប្បន្នក្រុមហ៊ុនបុត្រសម្ព័ន្ធរបស់Sailun Group គឺក្រុមហ៊ុន Cart Tire Co., Ltd. បានកំពុងវិនិយោគគម្រោងកម្មន្ដសាលសំបកកង់យានយន្ត ក្នុងខេត្តស្វាយរៀង ប្រទេសកម្ពុជា ជាមួយនឹងទុនវិនិយោគ និងឡើងដល់ប្រមាណ ៧០០លានដុល្លារអាមេរិក លើផ្ទៃដីប្រមាណ១២០ហិចតា និងមានទីផ្សារនាំចេញទៅកាន់សហរដ្ឋអាមេរិក កាណាដា ម៉ាឡេស៊ី និងកូរ៉េខាងត្បូង បានបង្កើតការងារប្រមាណ ២000កន្លែង ៕
ចែករំលែកព័តមាននេះ