រាជធានីភ្នំពេញ ៖ សម្ដេចធិបតី ហ៊ុន ម៉ាណែត នាយករដ្ឋមន្ដ្រីនៃកម្ពុជា បានប្រកាសផ្តល់អាទិភាពចំពោះកូនចៅរបស់អតីតយុទ្ធជន ដែលខិតខំបំរើការជាប្រទេសជាតិ ដើម្បីចូលបំរើការងារបន្តវេនពីឪពុក-ម្តាយនៅក្រសួងចំនួនពីរ ។…
រាជធានីភ្នំពេញ ៖ សម្ដេចធិបតី ហ៊ុន ម៉ាណែត នាយករដ្ឋមន្ដ្រីនៃកម្ពុជា បានប្រកាសផ្តល់អាទិភាពចំពោះកូនចៅរបស់អតីតយុទ្ធជន ដែលខិតខំបំរើការជាប្រទេសជាតិ ដើម្បីចូលបំរើការងារបន្តវេនពីឪពុក-ម្តាយនៅក្រសួងចំនួនពីរ ។
ការប្រកាសផ្តល់អាទិភាពនេះ ខណៈសម្តេចធិបតី ហ៊ុន ម៉ាណែត បានមានប្រសាសន៍ណែនាំដល់ក្រសួងការពារជាតិ និងក្រសួងមហាផ្ទៃក្នុងការរើសកម្លាំងថ្មីបំពេញបន្ថែម ត្រូវផ្ដល់អាទិភាពដល់កូនចៅអតីតយុទ្ធជនដើម្បីអាចឲ្យពួកគាត់មានឱកាសបន្តវេនពីឪពុក-ម្តាយរបស់ខ្លួន ។
ថ្លែងនាឱកាសអញ្ជើញជាអធិបតីខួបលើកទី១៧ ទិវាអតីតយុទ្ធជនកម្ពុជា ២១ មិថុនា ២០០៧ – ២១
មិថុនា ២០២៤ នៅព្រឹកថ្ងៃទី២៦ ខែមិថុនា ឆ្នាំ២០២៤ សម្ដេចធិបតី ហ៊ុន ម៉ាណែត បានថ្លែងថា ការផ្ដល់អាទិភាពដល់កូនចៅអតីតយុទ្ធជន មិនមែនមានន័យថា យុវជនដែលជាកូនចៅប្រជាពលរដ្ឋធម្មតា មិនមានឱកាសនោះទេ ពោលនៅតែអាចដា ក់ពាក្យបានដូចគ្នា ។
សម្ដេចធិបតីនាយករដ្ឋមន្ត្រីបានគូសបញ្ជាក់ថា «ខ្ញុំសូមផ្ដល់គោលការណ៍ណែនាំដល់ក្រសួងការពារជាតិក្រសួងមហាផ្ទៃអគ្គមេបញ្ជាការ ក៏ដូចជាអគ្គស្នងការដ្ឋាននគរបាលជាតិកងទ័ពជើងគោកប្រភេទទ័ពនៅក្នុងការរើសទ័ពថ្មីបំពេញទៅថ្ងៃក្រោយ សូមផ្ដល់អាទិភា ពដល់កូនចៅអតីតយុទ្ធជន អតីតប៉ូលីស និងអតីតអាវុធហត្ថផងឲ្យគាត់បានមានឱកាសក្នុងការចូលបំពេញភារកិច្ចបន្ដវេនពីឪពុក-ម្ដាយ» ។
ជាមួយគ្នានោះដែរ សម្ដេចធិបតីការជ្រើសរើសនេះជាពិសេស ត្រូវផ្ដោតអ្នកនៅមូលដ្ឋាននៅតាមបណ្ដាលខេត្តតែម្ដងក្នុងការជ្រើសរើសកងទ័ព និងនគរបាល ដើម្បីជាការលើកទឹកចិត្តដល់អតីតយុទ្ធជន ។
សម្តេចលើកឡើងថា ជាការពិតណាស់ កាលនៅមុនបញ្ហាជំងឺកូវីដ-១៩ ផែនការរបស់រាជរដ្ឋាភិបាល គឺផ្ដល់គោលការណ៍ក្នុងការរើសកងទ័ព ស្នើនឹងចំនួនទ័ពចូលនិវត្តន៍ ប៉ុន្ដែដោយសារជំងឺកូវីដបញ្ហាចំនួនជ្រើសរើសនោះ ក៏មិនបានច្រើនដូចគ្នា ។
សម្ដេចនាយករដ្ឋមន្ដ្រីបានបន្ថែមថា ទៅថ្ងៃមុខនៅពេលសេដ្ឋកិច្ចកម្ពុជា មានការកើនឡើងវិញរាជរដ្ឋាភិបាលនឹងពិនិត្យមើលលទ្ធភាព ក្នុងការបង្កើនការជ្រើសរើសទ័ព ប៉ុន្ដែសំខាន់បំផុត ជ្រើសររើសទិត ឬច្រើន គួរផ្ដល់អាទិភាពកូចនៅរបស់អតីតយុទ្ធជន ប៉ុន្ដែរាជរដ្ឋាភិបាល ក៏មិនហាមយុវជន ស្ម័គ្រចិត្តផ្សេងៗ ក្នុងការដាក់ពាក្យប្រឡងជ្រើសរើសកងទ័ពនោះដែរ ៕
ចែករំលែកព័តមាននេះ