បន្ទាយមានជ័យ ៖ ឃាត់ខ្លួនជនសង្ស័យម្នាក់ និងដកហូតដំបងដែក១ដើម ហើយបដិសេធមិនមែនរបស់ខ្លួន ម៉ូតូខ្ចីគេជិះត្រូវសមត្ថកិច្ចឃាត់នៅពេលចេញល្បាត ត្រូវបានបញ្ជូនទៅសាលាដំបូងខេត្តបន្ទាយមានជ័យនៅថ្ងៃទី២៣ ខែមិថុនា ឆ្នាំ២០២៤ ។
លោកវរៈសេនីយ៍ត្រី នួន នីណារ៉ូ មេបញ្ជាការកងរាជអាវុធហត្ថក្រុងប៉ោយប៉ែតបានប្រាប់ថា ៖ ជនសង្ស័យដែលត្រូវឃាត់ខ្លួនមានឈ្មោះ ងួន វិចិត្រ ភេទប្រុស អាយុ៣៦ឆ្នាំ រស់នៅភូមិសាមគ្គីមានជ័យ សង្កាត់អូរជ្រៅ ក្រុងប៉ោយប៉ែត ។
![](https://kohsantepheapdaily.com.kh/wp-content/uploads/2024/06/a8432a5f31d8815dd6142b454035f722-19.jpg)
លោកបានបញ្ជាក់ថា ៖ នៅពេលឃាត់ខ្លួនជនសង្ស័យកម្លាំងមូលដ្ឋានកងរាជអាវុធហត្ថក្រុងប៉ោយប៉ែត ដែលដឹកនាំផ្ទាល់លោកបានចេញល្បាតការពារសន្តិសុខសណ្តាប់ធ្នាប់ជូនប្រជាពលរដ្ឋក្នុងភូមិសាស្ត្រក្រុងប៉ោយប៉ែត បានឃាត់ជនសង្ស័យម្នាក់ ធ្វើការឆែកឆេររកឃើញដំបងដែក ពណ៌ខ្មៅ១ដើម ប្រវែង៦៤សង់ទីម៉ែត្រ និងម៉ូតូ១គ្រឿង ជាមធ្យោបាយដែលឃាត់កាលពីថ្ងៃទី២២ ខែមិថុនា ឆ្នាំ២០២៤នៅចំណុចទំនប់ដីស ស្ថិតភូមិសាមគ្គីមានជ័យ សង្កាត់អូរជ្រៅ ក្រុងប៉ោយប៉ែត ។
![](https://kohsantepheapdaily.com.kh/wp-content/uploads/2024/06/4f4fccd03730adfcb7e3a2d419d6e2d3-26.jpg)
លោកវរៈសេនីយ៍ត្រី នួន នីណារ៉ូ បានបញ្ជាក់ថា ៖ ក្រោយឃាត់ខ្លួនជនសង្ស័យម្នាក់ និងដំបងដែក១ដើម បានបញ្ជូនមកទីបញ្ជាការមូលដ្ឋានកងរាជអាវុធហត្ថក្រុងប៉ោយប៉ែត តាមចម្លើយសារភាពថា ដំបូងដែកនេះ មិនមែនរបស់ខ្លួនទេ គឺខ្ចីម៉ូតូគេជិះ ត្រូវបានសមត្ថកិច្ចចាប់គ្រឿងញៀ.នប្រើប្រាស់ពិតប្រាកដមែន ។
ក្រោយសាកសួរហើយបានកសាងសំណុំរឿងបញ្ជូនទៅសាលាដំបូងខេត្តបន្ទាយមានជ័យអនុវត្តន៍តាមច្បាប់ ៕
![](https://kohsantepheapdaily.com.kh/wp-content/uploads/2024/06/5d7b58555048f8427a37d1f132f1c866-28.jpg)
ចែករំលែកព័តមាននេះ