រាជធានីភ្នំពេញ ៖ អគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំនៃក្រសួងមហាផ្ទៃ បានដាស់តឿនប្រជាពលរដ្ឋឱ្យដឹងថា ការផ្តល់កម្ចីអនឡាញខុសច្បាប់ (Loan Shark) សំដៅលើការផ្តល់ប្រាក់កម្ចីតាមអនឡាញ ដោយឧក្រិ.ដ្ឋជន ជាក្រុមចាត់តាំង ដែលកម្ចីទាំងនោះ តម្រូវឱ្យជនរងគ្រោះផ្តល់នូវព័ត៌មានដូចជា រូបភាព វីដេអូ ព័ត៌មានបុគ្គល និងកម្រៃសេវារដ្ឋបាលជាដើម ។
ការដាស់តៀននេះ បន្ទាប់ពីថ្មីៗនេះ មន្ត្រីជំនាញនៃនាយកដ្ឋានការពារសុវត្ថិភាពបច្ចេកវិទ្យាឌីជីថលនៃអគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំបានទទួលពាក្យបណ្តឹងពីជនរងគ្រោះដែលបានចា.ញ់ល្បិច ឆបោកក្រុមជនខិលខូចមួយក្រុមបានប្រើវិធីសាស្ត្រធ្វើការផ្សព្វផ្សាយ អំពីការផ្តល់កម្ចីឥណទានតាមអនឡាញ ក្រុមជនខិលខូចបានព្យាយាមបញ្ចុះបញ្ចូលជនរងគ្រោះ ឲ្យទទួលយកសេវាកម្មកម្ចីរបស់ខ្លួនបន្ទាប់មកលួងលោមឲ្យជនរងគ្រោះបង់ថ្លៃសេវារដ្ឋបាល បំពេញព័ត៌មានផ្ទាល់ខ្លួន នៅលើគេហទំព័រក្លែងក្លាយមួយ ។
យោងតាមរយៈគេហទំព័រហ្វេសប៊ុករបស់អគ្គនាយកដ្ឋានបច្ចេកវិទ្យាឌីជីថល នៅថ្ងៃទី២៣ មិថុនានេះ បានបញ្ជាក់ថា ក្រោយពីជនរងគ្រោះបានបំពេញព័ត៌មានរួចរាល់ ក្រុមឧក្រិ.ដ្ឋជនបានចោទជនរងគ្រោះធ្វើឱ្យបាត់បង់ប្រាក់ពីគណនីធនាគារក្លែងក្លាយ ព្រមទាំងគំរា.មកំហែ.ងបង្ហោះរូបភាព វីដេអូ ជនរងគ្រោះតាមបណ្តាញសង្គម និងបានបង្ខំឲ្យជនរងគ្រោះសងប្រាក់ត្រឡប់នោះវិញយ៉ាងច្រើន ។
គូសបញ្ជាក់ផងដែរថា កន្លងទៅ មានករណីកម្ចីអនឡាញខុសច្បាប់ដែលក្រុមជនខិលខូចបានឆបោកយកប្រាក់ពីជនរងគ្រោះ និងគំរា.មកំហែង តាមបណ្តាញសង្គមជាច្រើនករណី បន្ទាប់មកមន្ត្រីជំនាញបានធ្វើការផ្សព្វផ្សាយជូនសារធារណជន បង្កើនការប្រុងប្រយ័ត្ន ។
ក្រុមការងារបច្ចេកទេសនាយកដ្ឋានការពារសុវត្ថិភាពបច្ចេកវិទ្យាឌីជីថលនៃអគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ បានក្រើនរំលឹកសារជាថ្មី ដល់សាធារណជនបង្កើនការប្រុងប្រយ័ត្នចំពោះការផ្តល់សេវាឥណទាន ឬកម្ចីអនឡាញខុសច្បាប់ តាមវិធីសាស្ត្រមួយចំនួនដូចខាងក្រោម ៖ ១- ចៀសវាងការខ្ចីឥណទានពីក្រុមហ៊ុន ឬបុគ្គល ដែលពុំមានច្បាប់អនុញ្ញាតត្រឹមត្រូវ ។
២- សិក្សាជាមួយធនាគារ ឬគ្រឹះស្ថានមីក្រូហិរញ្ញវត្ថុ ដែលទទួលបានការអនុញ្ញាតពីធនាគារជាតិនៃកម្ពុជា ។ មុននឹងសម្រេចចិត្តទទួលប្រាក់កម្ចី ។ ៣- សូមកុំថតអត្តសញ្ញាណប័ណ្ណ រូបភាព ឬវីដេអូ អាក្រា.តកាយដាក់ធានា ដើម្បីទទួលបានកម្ចីនានា ។ ៤- រាយការណ៍ទៅអាជ្ញាធរពាក់ព័ន្ធ ដើម្បីចាត់វិធានការផ្លូវច្បាប់ទាន់ពេលវេលា ឬរាយការណ៍ទៅធនាគារជាតិនៃកម្ពុជា ប្រសិនបើអ្នក ឬសាច់ញាតិជាប់ពាក់ព័ន្ធនឹងកម្ចីអនឡាញខុសច្បាប់ ៕
ចែករំលែកព័តមាននេះ