ខេត្តបាត់ដំបង ៖ ចាត់ទុកជាសំណាងល្អបំផុត ដែលរថយន្តម៉ាកកូរ៉ូឡាស៊េរីចាស់ មួយគ្រឿងក្រឡា.ប់ផ្ងារជើង ហើយពុំមានអ្នករងរបួស ពេលព្យាយាមបើកឡើងទៅកម្សាន្តលើកំពូលភ្នំសំពៅ កាលពីរសៀលថ្ងៃទី១៨ មិថុនា នៅលើផ្លូវបេតុងចង្កេះភ្នំសំពៅ…
ខេត្តបាត់ដំបង ៖ ចាត់ទុកជាសំណាងល្អបំផុត ដែលរថយន្តម៉ាកកូរ៉ូឡាស៊េរីចាស់ មួយគ្រឿងក្រឡា.ប់ផ្ងារជើង ហើយពុំមានអ្នករងរបួស ពេលព្យាយាមបើកឡើងទៅកម្សាន្តលើកំពូលភ្នំសំពៅ កាលពីរសៀលថ្ងៃទី១៨ មិថុនា នៅលើផ្លូវបេតុងចង្កេះភ្នំសំពៅ ស្ថិតក្នុងភូមិភ្នំសំពៅកើត ឃុំភ្នំសំពៅ ស្រុកបាណន់ ។
អធិការស្រុកបាណន់ លោក សំ វីរៈ បានឲ្យដឹងថា រថយន្តដែលជួបគ្រោះថ្នាក់នោះ ម៉ាកកូរ៉ូឡាស៊េរីចាស់ ពណ៌ឈាមជ្រូក ពាក់ស្លាកលេខ ភ្នំពេញ 2C-1618 បើកបរដោយឈ្មោះ ហ៊ឹម ច័ន្ទកុមារ ប្រុស អាយុ៥០ឆ្នាំ រស់នៅភូមិនរា ឃុំនរា ស្រុកសង្កែ ។ លោកថា ជនរងគ្រោះបានដឹកប្រពន្ធ និងកូនប្រុស ស្រី២នាក់ទៀត ក្នុងបំណងបើកឡើងទៅលេងលើកំពូលភ្នំសំពៅ តែចៃដន្យក៏ជួបគ្រោះថ្នាក់តែម្ដង តែសំណាងល្អ អ្នកបើកបរ និងភរិយាគាត់រងបួសរលាត់ដៃតិចតូចប៉ុណ្ណោះ ។
បើតាមប្រភពកន្លែងកើតហេតុ នៅពេលរថយន្តកូរ៉ូឡានេះ ព្យាយាមបើកឡើងដល់ចំណុចផ្លូវកោងបន្តិចក៏ទើបប្រទះនឹងរថយន្តមួយគ្រឿងទៀត ដែលបើកចុះមកក្រោមវិញ ។ ប្រភពបានបញ្ជាក់ថា ពេលនោះ រថយន្តកូរ៉ូឡាជាន់ហ្វ្រាំងឈប់ ស្រាប់តែរលត់ម៉ាស៊ីន តៃកុងជាន់ហ្វ្រាំងមិនជាប់ក៏ថយក្រោយរហូតប៉ះរថយន្តមួយគ្រឿងទៀតនៅខាងក្រោយ ទើបរថយន្តកូរ៉ូឡាក្រឡា.ប់ផ្ងារជើងលើផ្លូវតែម្ដង តែពុំមានអ្នករបួសធ្ងន់ធ្ងរទេ ។
តាមរយៈរបាយការណ៌អធិការស្រុកបាណន់ លោក សំ វីរៈ បានប្រាប់ថា រថយន្តកូរ៉ូឡានោះ ពេលកំពុងព្យាយាមបើកឡើងលើភ្នំសំពៅ ពិតជាបានវ៉ាក់អើគ្នាជាមួយរថយន្តមួយគ្រឿងទៀត ដែលបើកចុះពីលើភ្នំវិញ ។ រថយន្តកូរ៉ូឡាបានរលត់ម៉ាស៊ីនពេលជាន់ហ្វ្រាំងឈប់ និងថយក្រោយបន្តិចប៉ះនឹងរថយន្តមួយគ្រឿងទៀត ទើបក្រឡា.ប់តែម្ដង តែពុំបង្កគ្រោះថ្នាក់ធ្ងន់ធ្ងរដល់អ្នកជិះក្នុងរថយន្តទេ ។
សូមរណលឹកថា កន្លងទៅក៏ធ្លាប់មានរថយន្តក្រឡា.ប់នៅលើខ្នងភ្នំសំពៅនេះជាបន្តបន្ទាប់ផងដែរ នៅអ្នកដំណើរនានា ពេលព្យាយាមបើកយានយន្តឡើងទៅកម្សាន្តលើខ្នងភ្នំ ។ តាមការពិនិត្យជាក់ស្ដែង ផ្លូវបេតុងតាមចង្កោះភ្នំឡើងទៅខាងលើនោះមានផ្លូវតូចចង្អៀត រថយន្តស្ទើរតែមិនអាចបើកចៀសគ្នាបាន ប្រសិនមានរថយន្តបើកចុះ និងមានរថយន្តបើកឡើង ។ ដូច្នេះអ្នកដំណើរតាមរថយន្តគួរតែមានការប្រុងប្រយ័ត្នចំពោះករណីនេះ ។
ជាពិសេស ចំពោះអ្នកដំណើរដែលមានរថយន្តចាស់ៗ គុណភាពម៉ាស៊ីន និង ប្រព័ន្ធហ្វ្រាំងមិនសូវល្អ មិនគួរបើកឡើងទៅលើភ្នំសំពៅទេ ព្រោះត្រង់ចំណុចខ្លះមានស្ថានភាពចោតខ្លាំងគួរសមដែរ ៕
ចែករំលែកព័តមាននេះ