សង្គ្រាមអ៉ីរ៉ង់ ៖ សង្គ្រាមនៅអ៉ីរ៉ង់មកដល់ថ្ងៃទី១៦ មីនា ឈានចូលដល់ថ្ងៃទី១៧ ហើយ ។ អ់ីស្រាអែលបន្តវាយប្រហារទីតាំងស្តុកប្រេងទាំងឡាយនៅក្រុងតេហេរ៉ង់ ដែលរដ្ឋមន្ត្រីការបរទេសអ៉ីរ៉ង់លោកអាប់បាស់អារ៉ាសជីបរិហារថា នោះជាការរំលោភបំពានច្បាប់អន្តរជាតិ…
សង្គ្រាមអ៉ីរ៉ង់ ៖ សង្គ្រាមនៅអ៉ីរ៉ង់មកដល់ថ្ងៃទី១៦ មីនា ឈានចូលដល់ថ្ងៃទី១៧ ហើយ ។ អ់ីស្រា
អែលបន្តវាយប្រហារទីតាំងស្តុកប្រេងទាំងឡាយនៅក្រុងតេហេរ៉ង់ ដែលរដ្ឋមន្ត្រីការបរទេសអ៉ីរ៉ង់លោកអាប់បាស់អារ៉ាសជីបរិហារថា នោះជាការរំលោភបំពានច្បាប់អន្តរជាតិ ។
រដ្ឋមន្ត្រីរូបនោះបន្តថា វាយប្រហារទីតាំងស្តុកប្រេងបែបនេះ នាំឲ្យប្រជាជនជួបប្រទះបណ្ដាផលវិបាកអាក្រក់ដល់សុខភាពរយៈពេលយូរ និងនាំឲ្យមានការបំពុលដីប៉ះពាល់ដល់មនុស្សច្រើនជំនាន់។ ចំណែកប្រទេសជប៉ុននិងអូស្ត្រាលី បានបដិសេធសំណើរបស់លោកត្រាំ ឲ្យបញ្ជូននាវាចម្បាំងទៅជួយអមការពារ នៅច្រកសមុទ្រហ័រមូស។ ប្រទេសទាំង២នោះឲ្យដឹង កាលពីថ្ងៃទី១៦
មីនា ថា សម្រាប់ពេលនេះ ពួកគេមិនគ្រោងបញ្ជូននាវាចម្បាំងទៅជួយការពារសន្តិសុខនៅច្រក
សមុទ្រហ័រមូសឡើយ ។
ប្រធានាធិបតីអាមេរិក លោកដូណាល់ត្រាំ ពេលនេះកំពុងតែគាបសង្កត់ចិន និងគំរាមអូតង់ ដើម្បីឲ្យពួកគេ ជួយទំលាយការបិទខ្ទប់ច្រកសមុទ្រហ័រមូសដោយអ៉ីរ៉ង់ ។ លោកត្រាំថ្លែងទៅកាន់កាសែត FINANCIAL TIMES ថា វាជារឿងធម្មតាទេដែលពួកអ្នកទាញយកប្រយោជន៍ពីច្រកសមុទ្រនោះ រួមចំណែកធ្វើបែបណាកុំឲ្យមានអ្វីកើតឡើងនៅទីនោះ ។
លោកព្យាករណ៍ទុកថា នឹងមានផលវិបាកអាក្រក់បំផុត សម្រាប់អនាគតអូតង់ក្នុងករណីបដិសេធសំណើជួយការពារសន្តិសុខច្រកសមុទ្រនេះ។ លោកត្រាំក៏គំរាមចិនដែរថា លោកនឹងពន្យារពេល ការធ្វើដំណើរជាផ្លូវការរបស់លោកទៅកាន់ចិន ដែលគ្រោងនាថ្ងៃទី៣១ មីនា ទៅថ្ងៃទី២ មេសា។ លោកត្រាំនិយាយទុកមុនថា អូតង់នឹងជួបផលវិបាកធ្ងន់ធ្ងរបំផុតសម្រាប់អនាគតរបស់ខ្លួន ។
ការហោះហើរនៃយន្តហោះនៅព្រលានយន្តហោះក្រុងឌូបៃ ដែលជាព្រលានយន្តហោះដ៏មមារញឹកមួយនៃពិភពលោកត្រូវបានផ្អាក ក្រោយពីឧប្បត្តិហេតុទាក់ទិននឹងដ្រូនមួយគ្រឿង ដែលវាយប្រហារបណ្ដាលឲ្យឆេះអាងស្តុកប្រេង តែមិនបណ្ដាលឲ្យមានជនរងគ្រោះឡើយ ។ ម្យ៉ាងទៀតលោកត្រាំអះអាងថា បានពិភាក្សាជាមួយអ៉ីរ៉ង់ តែអ៉ីរ៉ង់មិនទាន់ត្រៀមបញ្ចប់សង្គ្រាមឡើយ។
កងទ័ពអ៉ីស្រាអែលប្រកាសនាព្រឹកព្រលឹមថ្ងៃទី១៦ មីនា ថា បានវាយប្រហារទ្រង់ទ្រាយធំ លើបណ្ដាហេដ្ឋារចនាសម្ព័ន្ធនៃរបបអ៉ីរ៉ង់នៅក្រុងតេហេរ៉ង់ ។ អ្នកនាំពាក្យកងទ័ពអ៉ីស្រាអែលថ្លែងនាថ្ងៃទី១៦ មីនាថា យើងមានផែនការច្បាស់លាស់មួយ ហើយយើងនៅសល់គោលដៅវាយប្រហារច្រើនពាន់ទៀតនៅក្រុងតេហេរ៉ង់ ។
របបអ៉ីរ៉ង់កាន់តែទន់ខ្សោយហើយ យើងធ្វើឲ្យកាន់តែទន់ខ្សោយថែមទៀត។ ទោះបីយ៉ាងណាអ៉ីរ៉ង់នៅតែបន្តវាយប្រហារលើអ៉ីស្រាអែលវិញដែរ ។ ម្យ៉ាងទៀតមីស៊ីល និងដ្រូនរបស់អ៉ីរ៉ង់បន្តវាយប្រហារប្រទេសបារ៉ែន អារ៉ាប៊ីសាអូឌីត និងអេមីរ៉ាត់អារ៉ាប់រួមនាព្រឹកថ្ងៃទី១៦មីនា៕ ប្រភព៖ (EURONEWS)
ចែករំលែកព័តមាននេះ