ADផ្ទាំងផ្សព្វផ្សាយពាណិជ្ជកម្ម

Picture

ភ្ញាក់ផ្អើល ! ក្រោយ​តារាចម្រៀង​កៅ សុភា ប្រកាស​​បញ្ចប់​កុងត្រា​​ជាមួយ​ផលិតកម្ម​បរ​មី​

3 អាទិត្យ មុន
  • ភ្នំពេញ

រាជធានី​ភ្នំពេញ ៖ តារាចម្រៀង​នាង​កៅ សុភា ឬ Sophia Kao បាន​ប្រកាស​បញ្ចប់​កុងត្រា​ជាមួយ​ផលិតកម្ម​បរ​មី បន្ទាប់​ពី​នាង​ខក​ខានមិនបាន​ចេញ​ទៅ​សម្តែង​ជាមួយ​តារាចម្រៀង​រ៉េ​ប លោក​វណ្ណ​ដា…

រាជធានី​ភ្នំពេញ ៖ តារាចម្រៀង​នាង​កៅ សុភា ឬ Sophia Kao បាន​ប្រកាស​បញ្ចប់​កុងត្រា​ជាមួយ​ផលិតកម្ម​បរ​មី បន្ទាប់​ពី​នាង​ខក​ខានមិនបាន​ចេញ​ទៅ​សម្តែង​ជាមួយ​តារាចម្រៀង​រ៉េ​ប លោក​វណ្ណ​ដា នៅ​សហរដ្ឋអាមេរិក ក្នុង​កម្មវិធី​មហោស្រព​ប្រគំ​មួយ​ដែល​ប្រារព្ធ​ឡើង​ចាប់ពី​ថ្ងៃ​ទី​១៤ ដល់​ថ្ងៃ​ទី​១៦ ខែមិថុនា ឆ្នាំ​២០២៤ ។

ការ​ប្រកាស​បញ្ចប់​កុងត្រា​ពី​តារាចម្រៀង​វ័យក្មេង​រូប​នេះ បាន​ធ្វើ​ឡើង​ស្របគ្នា​ជាមួយនឹង​សេចក្តី​ប្រកាស​របស់​ផលិត​បរ​មី ដែល​បាន​បញ្ជាក់​ពី​កា​រខក​ខានមិនបាន​ចេញ​ទៅ​សម្តែង​របស់​កៅ សុភា នៅ​ទឹកដី​អាមេ​រិ​កដោយ​ឈរ​លើ​មូល​ហេតុផល​ផ្ទាល់ខ្លួន ។

បើ​យោង​តាម​សេចក្តី​ប្រកាស​ពី​តារាចម្រៀង​នាង កៅ សុភា ដែល​បាន​បង្ហោះ​លើ​បណ្តាញ​សង្គម​បាន​ឲ្យ​ដឹង​ថា ក្រោយ​ពី​រូប​នាង​បាន​ចូល​ម្រើ​ការងារ​ជា​សិល្ប​ការិនី នៅ​ក្នុង​អតីត​ផលិតកម្ម​អស់​រយៈពេល​៤​ឆ្នាំ​ចុង​ក្រោយ​នេះ នាង​សូម​ប្រកាស​ពី​ការ​ចាកចេញ និង​បញ្ចប់​កុងត្រា​ជាមួយ​អតីត​ផលិតកម្ម​ចាប់ពី​ថ្ងៃ​ជូនដំណឹង​នេះ​តទៅ ។

នាង​បញ្ជាក់​ថា បើ​ទោះបីជា​នាង​សោកស្តាយ​ដែល​នាង និង​អតីត​ផលិតកម្ម​បាន​ដើរ​ទី​បញ្ចប់​យ៉ាងណា​ក្តី ក៏​រូប​នាង​ដឹង​ថា មុន​ពេល​ដែល​នាង​ចាក​ចេញពី​អតីត​ផលិតកម្ម​នេះ នាង​បាន​លះបង់​អ្វី​ៗ​គ្រប់យ៉ាង​ដែល​ខ្លួន​អាច​ធ្វើ​បាន​ដោយ​ការ​បេ្ត​ជ្ញា​ចិត្ត​បំផុត​ចំពោះ​បុគ្គលិក អ្នកគ្រប់គ្រង​ផលិតកម្ម និង​ម្ចាស់​ផលិតកម្ម ។

នាង​បន្ត​ថា ភាព​ជោគជ័យ​ក្នុង​អាជីព​សិល្បៈ​របស់​នាង និង​ផលិតកម្ម​ក្នុង​រយៈពេល​ប៉ុន្មាន​ឆ្នាំ​ចុង​ក្រោយ​នេះ មិនមែន​ឯករាជ្យ​ពី​គ្នា​នោះ​ទេ ពោល​គឺ​យើង​បាន​ធ្វើ​ចេញ​ឡើង​រួម​គ្នា​បង្កើត​បានជា​សមិទ្ធផល​ដ៏​អស្ចារ្យ​ដែល​គ្រប់​គ្នា​បានឃើញ​អំពី​វត្តមាន​របស់​នាង​ក្នុង​ការ​ជម្រុញ​ឲ្យ​តន្ត្រី​ប្រភេទ​របស់​ប្រទេស​យើង​ឲ្យ​ទៅ​កាន់​ជួរ​មុខ និង​បង្កើន​នូវ​ការ​ទទួលស្គាល់​កាន់តែ​ទូលំទូលាយ​នៅ​លើ​ឆាក​អន្តរជាតិ និង​ពី​ទស្សនិកជន​អន្តរជាតិ ។

យ៉ាងណា បើ​តាម កៅ សុភា នាង​មិន​អាច​បង្ហាញ​អារម្មណ៍ ឬ​ហេតុផល​សម្រាប់​ការ​សម្រេចចិត្ត​មិន​បន្តដំណើរ​លើ​វិ​ថី​មួយ​នេះ​ជាមួយ​អតីត​ផលិតកម្ម​បាន​ឡើយ ប៉ុន្តែ​នាង​ស្នើ​ឲ្យ​បណ្តា​ទស្សនិកជន​មេត្តា​យោគយល់ និង​បន្ត​គាំទ្រ​រូប​នាង​ក្នុង​នាម​ជា​សិល្ប​ការិនី​ឯករាជ្យ ដោយ​ពុំ​ស្ថិត​ក្រោម​ស្ថាប័ន ឬ​ផលិតកម្ម​ណាមួយ​នោះ​ឡើយ ។

អត្ថបទសរសេរ ដោយ

កែសម្រួលដោយ