ខេត្ត​បន្ទាយមានជ័យ ៖ ក្មេងប្រុសជំទង់​ម្នាក់លោតពោងលេង បណ្ដាលឱ្យ​បាក់កងជើងស្តាំ ត្រូវបានបញ្ជូនទៅមន្ទីរពេទ្យ ដែលហេតុការណ៍នេះ​បាន​កើតឡើងកាលពី​យប់ថ្ងៃទី១០ ខែមិថុនា ឆ្នាំ២០២៤ នៅសង្កាត់​ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ ។

ក្រុមសង្គ្រោះបឋមក្រុងប៉ោយប៉េតបានប្រាប់ឱ្យដឹងថា មានករណី​ក្មេងប្រុសម្នាក់អាយុប្រមាណ​១៥​ឆ្នាំ ដែលជា​អ្នករស់នៅក្រុងប៉ោយប៉ែត បានទៅលេងកម្សាន្តពេលយប់ ហើយបានលោតពោង បណ្ដាល​ឱ្យ​បាក់កងជើងខាងស្តាំ ហើយត្រូវក្រុមសង្គ្រោះបឋមដឹកយក​ទៅកាន់មន្ទីពេទ្យដីថ្មី ។

តាមប្រភពពីសាច់ញាតិបានបញ្ជាក់ថា មូលហេតុដែលបាក់កជើង អាចមកពីក្មេងប្រុសលោតពោងខុសបច្ចេកទេស ទើបបណ្ដាលឱ្យ​បាក់កជើង ឬ​ភ្លាត់កងជើង ។ សាច់ញាតិរបស់ក្មេងរងគ្រោះ​ក៏បាន​អគុណចំពោះក្រុមសង្គ្រោះរបស់លោក នួន នីគីដា ដែលបានជួយដឹកក្មេងរងគ្រោះ​ទៅកាន់មន្ទីពេទ្យ។

ក្រុមសង្គ្រោះបានផ្តាំផ្ញើដល់បងប្អូនដែលមានកូនចៅ សូមកុំ​ឱ្យ​លោតពោង ឬ​ប៉ុង ព្រោះ​អាច​បណ្ដាលឱ្យ​គ្រោះថ្នាក់​គ្រប់ពេល ។ ពេលខ្លះ​ក្មេងតូចអាចត្រូវ​ក្មេងធំលោត​ជាន់បាក់ដៃបាក់ជើងបាន ។ គួរឈប់បានឈប់ទៅ ជាក់ស្តែងដូចករណី​ក្មេងប្រុសម្នាក់អាយុ១៥ឆ្នាំលោតពោង បណ្ដាលបាក់កជើងត្រូវបានសង្គ្រោះនាពេលនេះ ៕​