ដឹងមូលហេតុហើយ! ករណីមានសត្វដង្កូវច្រើនប្រភេទវារឡើងលើវត្តបុរាណមួយកន្លែង ក្នុងខេត្តសៀមរាប
- សៀមរាប
ខេត្តសៀមរាប ៖ សត្វដង្កូវជាច្រើនប្រភេទ និងជាច្រើនក្បាលបានវារឡើងលើវត្ត និងជុំវិញបរិវេណវត្ត
ខេត្តសៀមរាប ៖ សត្វដង្កូវជាច្រើនប្រភេទ និងជាច្រើនក្បាលបានវារឡើងលើវត្ត និងជុំវិញបរិវេណវត្ត
ខេត្តសៀមរាប ៖ សត្វដង្កូវជាច្រើនប្រភេទ និងជាច្រើនក្បាលបានវារឡើងលើវត្ត និងជុំវិញបរិវេណវត្តប្រាសាទ បឹងសសរវៀច ហៅ វត្តខ្វាវ និងខាំសិស្សលោក និងវារឡើងលើស្បង់ចីវររបស់ព្រះសង្ឃ បង្កការភ្ញាក់ផ្អើលដល់កម្លាំងនគរប៉ុស្តិ៍ខ្វាវ និងកម្លាំងប្រជាការពារបានចុះទៅកន្លែងកើតហេតុ ។
ហេតុការណ៍សត្វដង្កូវជាច្រើនប្រភេទវារឡើងលើវត្តបានកើតឡើងកាលពីយប់ថ្ងៃទី៦ រហូតដល់ព្រឹកឡើងថ្ងៃទី៧ ខែមិថុនា ឆ្នាំ ២០២៤ ទើបបង្កឱមានការភ្ញាក់ផ្អើលក្នុងបរិវេណវត្ត ប្រាសាទបឹងសសរវៀចហៅ វត្ត ខ្វាវ ស្ថិតក្នុងភូមិស្រោង ឃុំខ្វាវ ស្រុកជីក្រែង ខេត្តសៀមរាប។
តាមប្រសាសន៍លោកវរសេនីយ៍ឯក តាំង លីហេង អធិការនគរបាលស្រុកជីក្រែង បានឱ្យដឹងតាមទូរសព្ទកាលពីរសៀលថ្ងៃទី៨ ខែមិថុនា ឆ្នាំ ២០២៤ ម្សិលមិញនេះថា ករណីមានដង្កូវជាច្រើនក្បាលឡើងលើវត្ត ប្រាសាទបឹងសសរវៀចហៅ វត្ត ខ្វាវ ក្នុងភូមិស្រោង ឃុំខ្វាវ ស្រុក ជីក្រែង ខេត្តសៀមរាប ក្នុងពេលយប់នោះ ឥឡូវបានចាកចេញពីក្នុងវត្តអស់ ហើយនៅសល់ប្រហែល១០%ប៉ុណ្ណោះ។ ដោយ សារមូលហេតុដង្កូវឡើងមកស៊ីស្លឹកឈើតាមព្រៃ ឬនៅដើមឈើ ក្នុងបរិវេណវត្តនោះ គឺដង្កូវនេះបាចេញមកស៊ីស្លឹកឈើក្នុងមួយឆ្នាំម្តង ទៅ២ម្ដងប៉ុណ្ណោះ។
លោកបន្ថែមថា ករណីដែលសត្វដង្កូវចេញមកស៊ីស្លឹកឈើ ក្នុងបរិវេណវត្តនោះ គឺធ្វើឱ្យប៉ះពាល់ដល់ ព្រះសង្ឃចំនួនមួយអង្គ ដោយសារព្រះសង្ឃបានប៉ះសត្វដង្កូវនេះ នៅពេលយប់ ធ្វើឱ្យរម៉ាស់ដៃហើម ត្រូវបានព្រះគ្រូចៅអធិការវត្តស្ដោះផ្លុំ ក៏បាត់ទៅវិញអស់ហើយ ។
លោកបានបញ្ជាក់ថា វត្តប្រាសាទបឹងសសរវៀចហៅ វត្ត ខ្វាវ ស្ថិតនៅក្នុងភូមិ ស្រោង ឃុំខ្វាវ ស្រុក ជីក្រែង ខេត្តសៀមរាប ខាងលើនោះ បច្ចុប្បន្នព្រះសង្ឃដែលគង់នៅទីនេះមានចំនួន៦អង្គ ដែលជា វត្តបុរាណតាំងពីយូរអង្វែងមកហើយ ៕
ចែករំលែកព័តមាននេះ