រាជធានីភ្នំពេញ ៖ ផ្លូវជាតិលេខ១០ ដែលនឹងទម្លុះការតភ្ជាប់រវាងភូមិភាគពាយ័ព្យ ទៅភូមិភាគនិរតី ពោលគឺភ្ជាប់ពីខេត្តបាត់ដំបង ទៅពោធិសាត់ ហើយបន្តទៅកោះកុង ដែលមានចម្ងាយសរុបជាង ១៩៨…
រាជធានីភ្នំពេញ ៖ ផ្លូវជាតិលេខ១០ ដែលនឹងទម្លុះការតភ្ជាប់រវាងភូមិភាគពាយ័ព្យ ទៅភូមិភាគនិរតី ពោលគឺភ្ជាប់ពីខេត្តបាត់ដំបង ទៅពោធិសាត់ ហើយបន្តទៅកោះកុង ដែលមានចម្ងាយសរុបជាង ១៩៨ គីឡូម៉ែត្រ ជិតបានជិះដោយរលូនហើយ ។
ក្រសួងសាធារណៈការ និងដឹកជញ្ជូនបានប្រកាសនៅថ្ងៃទី០៥ ខែមិថុនា ឆ្នាំ២០២៤ថា គម្រោង សាងសង់ផ្លូវជាតិលេខ១០ ដែលមានស្ពានខ្ពស់ជាងគេនៅកម្ពុជានេះ សម្រេចការសាងសង់បាន ៨៣,៣៦% ហើយ។
ប្រភពដដែលបានអះអាងថា សម្រាប់ការងារកសាងផ្លូវថ្នល់សម្រេចបានរហូតដល់ទៅ ៨៧,៣១% ហើយ ការងារស្ពានសម្រេចបាន ៩១,១៨% ដោយឡែកការងារស្ពានខ្ពស់ជាងគេប្រវែង ៥៣០ ម៉ែត្រ សម្រេចបាន ៤១,៥០% ។
ប្រភពដដែលបានបន្តថា គម្រោងស្ថាបនាផ្លូវជាតិលេខ១០ តភ្ជាប់ពីសំឡូតនៅខេត្តបាត់ដំបង-វាលវែង នៅក្នុងខេត្តពោធិសាត់-កោះកុងនេះ គ្រោងដាក់ឱ្យប្រើប្រាស់សាកល្បងនៅចុងខែមីនា ឆ្នាំ២០២៥ខាងមុខ បន្ទាប់ពី បានចាប់ផ្ដើមសាងសង់ពីថ្ងៃទី១៨ ខែធ្នូ ឆ្នាំ២០១៩ ។
គួររំឭកផងដែរថា ផ្លូវនេះអាចធ្វើដំណើរដោយកំណាត់ ហើយនៅរដូវវស្សានេះ ផ្លូវជាតិថ្មីនេះ ក៏អាចឲ្យ ប្រជាពលរដ្ឋអាចធ្វើដំណើរបានរលូននៅកន្លែងខ្លះ តែត្រូវមានការប្រុងប្រយ័ត្ន ដោយសារកំណាត់ផ្លូវខ្លះ នៅជាក្រួសក្រហម និងកំណាត់ផ្លូវខ្លះទៀត អាចរអិលដោយអន្លើ ពេលមានភ្លៀងធ្លាក់ខ្លាំង ៕
ចែករំលែកព័តមាននេះ