ខេត្តបន្ទាយមានជ័យ ៖ ម្តាយខំយកកូនស្រីទៅព្យាបាលនៅមន្ទីរពេទ្យព្យាបាលជំងឺ និងនាំទៅមើលគ្រូខ្មែរ ដោយខ្លាចក្រែងត្រូវអំពើគេ ពេលត្រឡប់មកផ្ទះវិញ បែរជាកូនស្រីបានធ្វើរឿងនេះបង្កការភ្ញាក់ផ្អើល ។ ហេតុការណ៍នេះកើតឡើងនៅវេលាម៉ោង៤រសៀលថ្ងៃ៣១ ខែឧសភា…
ខេត្តបន្ទាយមានជ័យ ៖ ម្តាយខំយកកូនស្រីទៅព្យាបាលនៅមន្ទីរពេទ្យព្យាបាលជំងឺ និងនាំទៅមើលគ្រូខ្មែរ ដោយខ្លាចក្រែងត្រូវអំពើគេ ពេលត្រឡប់មកផ្ទះវិញ បែរជាកូនស្រីបានធ្វើរឿងនេះបង្កការភ្ញាក់ផ្អើល ។ ហេតុការណ៍នេះកើតឡើងនៅវេលាម៉ោង៤រសៀលថ្ងៃ៣១ ខែឧសភា ឆ្នាំ ២០២៤ ស្ថិតនៅភូមិទ្រលោកត្បូង ឃុំភ្នំលៀប ស្រុកព្រះនេត្រព្រះ ខេត្តបន្ទាយមានជ័យ។
នគរបាលស្រុកព្រះនេត្រព្រះបានឲ្យដឹងថា នារីរងគ្រោះឈ្មោះ អាត អយ អាយុ២៦ឆ្នាំ នៅភូមិទ្រលោកត្បូង ឃុំ ភ្នំលៀប ស្រុកព្រះនេត្រព្រះ ខេត្តបន្ទាយមានជ័យ ។ នគរបាលបានបញ្ជាក់ថា ឆ្លងតាមការបំភ្លឺ ឈ្មោះ លៃ លឿត អាយុ៥៧ឆ្នាំ ត្រូវជាម្តាយបង្កើត បានបញ្ជាក់ថា កូនស្រីរបស់គាត់ធ្លាប់មានជំងឺឈាមសស៊ីឈាមក្រហម(ឈាមសឡើងខ្ពស់) ហើយធ្លាប់បានទៅដេកព្យាបាលនៅមន្ទីបង្អែកស្រុក ក្រឡាញ់កាលពីអំឡុងខែមេសា តែនៅតែមិនជាសះស្បើយ ។
ដោយខ្លាចកូនត្រូវអំពើគ នៅថ្ងៃទី ២៧ ឧសភា ឆ្នាំ២០២៤ គាត់ក៏នាំកូនទៅមើលគ្រូខែ្មរនៅឯ ភូមិកំបោ រយៈពេល៤ថ្ងៃដោយគ្រូខ្មែរបានស្រោចទឹកនិងដាក់ខ្សែចង្កេះ រហូតដល់ថ្ងៃទី ៣១ ខែឧសភា ឆ្នាំ ២០២៤ គ្រូខ្មែរប្រាប់ថា កូនស្រីរបស់គាត់ជាហើយនិងស្រស់ស្រាយវិញហើយ ក៏បាននាំកូនមកផ្ទះវិញ ។
លុះមកដល់ផ្ទះ គាត់បានទៅដាក់បាយជ្រូកនៅឯចុងភូមិ ដោយអោយកូន(ជនរងគ្រោះ)នៅពីរនាក់បងប្រុសបង្កើត ឈ្មោះ អាត អៃ អាយុ៣២ឆ្នាំ ។ លុះវេលាម៉ោងប្រហែល១៦:០០នាទី ថ្ងៃដដែលស្រាប់តែឈ្មោះ អាត អៃ បានទៅប្រាប់គាត់ថា ជនរងគ្រោះបានចង.កសម្លាប់ខ្លួននៅលើផ្ទះហើយ ពេលនោះគាត់បានមកមើល ស្រាប់តែឃើញជនរងគ្រោះស្លាប់បាត់ទៅហើយ ។
នគរបាលបានបញ្ជាក់ទៀតថា ឆ្លងតាមការបំភ្លឺរបស់ឈ្មោះ អាត អៃ ភេទប្រុស អាយុ៣២ឆ្នាំ ត្រូវជាបងប្រុសបង្កើតរបស់សាកសពបានបញ្ជាក់ប្រាប់ថា នៅវេលាម៉ោង ប្រហែល ១៥:០០នាទី ៣១ខែឧសភា ឆ្នាំ២០២៥ គាត់បានឃើញជនរងគ្រោះឡើងទៅដេកនៅលើផ្ទះ ម្នាក់ឯងហើយមើលទូរស័ព្ទធម្មតា ហើយគាត់មិនបានចាប់អារម្មរណ៍ទេ គាត់ក៏ឡើងទៅដេកដែរ តែដេកឆ្ងាយពីជនរងគ្រោះ ប្រហែល៥ម៉ែត្រ ។
ពេលន គាត់ដេកលក់វេលាម៉ោងប្រហែល ១៥:៣៥នាទីគាត់បានភ្ញាក់ ហើយបាត់ប្អូនស្រីមិនដឹងទៅណា គាត់រកមើលលើផ្ទះមិនឃើញ ក៏ទៅរកមើលក្រោមផ្ទះក៏មិនឃើញ ។ ស្រាប់តែគាត់ឡើងលើផ្ទះម្តងទៀតទៅវែកវាំងននមើល ស្រាប់តែឃើញប្អូនស្រីបានចងកនិងក្រណាត់អាវពណ៍ផ្កាឈូក ភ្ជាប់និងផ្លានតាក ហើយគាត់ក៏ស្ទុះទៅលើកជនរងគ្រោះទម្លាក់មកក្តាលើផ្ទះ ហើយរត់ទៅប្រាប់ម្តាយដែលកំពុងដាក់បាយជ្រូកនៅឯចុងភូមិ ។
ចែករំលែកព័តមាននេះ