ខេត្តពោធិ៍សាត់៖ ការភ្ជួរលុបគល់ជញ្ជ្រាំង សំដៅលើសកម្មភាពដែលកសិករមិនដុតបំផ្លាញគល់ជញ្ជ្រាំង ឬសំណល់នៃដើមដំណាំ (ជាពិសេសគល់ស្រូវ) ដែលនៅសល់ពីការប្រមូលផលរួចនោះទេ ប៉ុន្តែត្រូវប្រើប្រាស់ឧបករណ៍ភ្ជួររាស់ ដូចជា រនាស់ជាដើម ដើម្បី…
ខេត្តពោធិ៍សាត់៖ ការភ្ជួរលុបគល់ជញ្ជ្រាំង សំដៅលើសកម្មភាពដែលកសិករមិនដុតបំផ្លាញគល់ជញ្ជ្រាំង ឬសំណល់នៃដើមដំណាំ (ជាពិសេសគល់ស្រូវ) ដែលនៅសល់ពីការប្រមូលផលរួចនោះទេ ប៉ុន្តែត្រូវប្រើប្រាស់ឧបករណ៍ភ្ជួររាស់ ដូចជា រនាស់ជាដើម ដើម្បី ភ្ជួរចន្លោះគល់ទាំងនោះបញ្ចូលទៅក្នុងដីវិញ ។
ជាក់ស្តែងមន្ទីរបរិស្ថានខេត្តពោធិ៍សាត់ បានប្រកាសនៅលើផេកផ្លូវការ នាថ្ងៃទី២៤ ខែតុលា ឆ្នាំ២០២៥ នេះថា ៖ តើមួយណាជាជម្រើសល្អ?
គុណសម្បត្តិនៃការភ្ជួរលុបគល់ជញ្ជ្រាំង ៖
១-ជួយឱ្យដីស្រែធូរ ដីផុសល្អ និងមានជីជាតិគ្រប់គ្រាន់
២-រក្សាសំណើមបានយូរ ទប់ទល់នឹងភាពរាំងស្ងួតបានល្អ
៣-កាត់បន្ថយការចំណាយលើការទិញជីបន្ថែម
៤-បង្កើនទិន្នផលស្រូវចាប់ពី២០%
៥-មិនបង្កការបំពុលខ្យល់ ។
ដោយឡែក ចំពោះគុណវិបត្តិនៃការដុតគល់ជញ្ជ្រាំង ៖
១-បាត់បង់នូវគម្របការពារដីពីកម្តៅថ្ងៃ ប៉ះពាល់ដល់សត្វល្អិត
មានប្រយោជន៍ក្នុងដី ធ្វើឱ្យដីរឹងក្តាំង
២-ប្រឈមនឹងការបាត់បង់សារធាតុសរីរាង្គជាជីជំនួយដល់ដី
៣-ប៉ះពាល់ដល់បរិស្ថាន តាមរយៈការបំភាយឧស្ម័នផ្ទះកញ្ចក់
៤-នាំឲ្យទិន្នផលថយចុះ៣០% ប៉ះពាល់ដល់ប្រាក់ចំណេញ ។
ដូច្នេះ ការភ្ជួរលុបគល់ជញ្ជ្រាំង គឺជាទម្លាប់ដ៏ត្រឹមត្រូវមួយ នៅក្នុងវិស័យកសិកម្មដែលនាំមកនូវផលចំណេញទ្វេដង ៖ ចំណេញទាំងជី និងបង្កើនទិន្នផល និងសម្រាប់សុខភាពភពផែនដី (កាត់បន្ថយការបំពុល) ។ អាជ្ញាធរកសិកម្ម និងអ្នកពាក់ព័ន្ធទាំងអស់ត្រូវបន្តជំរុញ និងលើកទឹកចិត្តឲ្យប្រជាកសិករទាំងអស់ ងាកមកអនុវត្តបច្ចេកទេសដ៏មានប្រយោជន៍នេះឲ្យបានខ្ជាប់ខ្ជួន៕
ចែករំលែកព័តមាននេះ