រាជធានីភ្នំពេញ ៖ ថ្លែងពីខេត្តបាត់ដំបង សម្តេចតេជោ ហ៊ុន សែន ប្រមុខរដ្ឋស្តីទី បានបញ្ជាក់ថា សម្តេចនឹងជួបអ្នកនាំសាច់បង្កកពីថៃម្តងម្នាក់ ដោយផ្ទាល់ ដើម្បីសួរនាំពីការនាំទំនិញចូលកម្ពុជា និងអ្នកណាខ្លះពាក់ព័ន្ធ ។
ក្នុងឱកាសអញ្ជើញពិនិត្យរោងចក្រផលិតសម្លៀកបំពាក់យោធា ក្នុងខេត្តបាត់ដំបង នៅល្ងាចថ្ងៃទី១១ ខែមិថុនា ឆ្នាំ២០២៦ សម្តេចតេជោ ហ៊ុន សែន ប្រមុខរដ្ឋស្តីទីកម្ពុជា បានបញ្ជាឱ្យប្រមូលតាំងអ្នកឡានឡើងទៅ សម្ដេច នឹងសួរចម្លើយដោយផ្ទាល់ ដើម្បីរកមន្ត្រីគប់គិត ទទួលសំណូក ចំពោះអ្នកពាក់ព័ន្ធនាំចូលទំនិញ និងសាច់បង្កកពីថៃ ចូលមកកម្ពុជា ។
សម្ដេចតេជោ ហ៊ុន សែន បញ្ជាក់ជាថ្មី រកឱ្យឃើញ និងបើកការស៊ើបអង្កេតឱ្យអស់ ចំពោះអ្នកពាក់ព័ន្ធនឹងការនាំចូលទំនិញ និងសាច់បង្កករបស់ថៃ ចូលមកកម្ពុជា ។
ជាមួយគ្នានោះដែរ សម្តេចតេជោ ហ៊ុន សែន ក៏បានផ្ដាំផ្ញើអភិបាលរាជធានីភ្នំពេញ អគ្គស្នងការនគរបាលជាតិ ត្រូវបើកការស៊ើបអង្កេត ចំពោះអ្នកនាំទំនិញថៃ មកកម្ពុជា។ សម្ដេច អត់ឱ្យមានទំនិញថៃ ចូលមកកម្ពុជាឡើយ ។
សម្ដេចតេជោ បន្ថែមថា ត្រូវតែចាត់វិធានការឲ្យបានម៉ឺងម៉ាត់បំផុត ចំពោះជនណា ដែលបាននាំទំនិញខុសច្បាប់មកពីថៃ ជាពិសេសគឺប្រភេទសាច់បង្កក តែម្តង ។
សម្ដេចតេជោ បានបញ្ជាក់ថា ៖ «ប្រមូលទាំងអស់ តាំងពីអ្នកបើកឡាន ហើយទុកថៅកែខ្លះ ឱ្យខ្ញុំ សួរចម្លើយផ្ទាល់ ជួបម្នាក់ម្ដងៗ ។ និយាយឱ្យត្រង់ហើយ ឱ្យលុយអាណាខ្លះ ធ្វើយ៉ាងមិចនាំចូលទំនិញមកស្រុកខ្មែរបាន ?» ។
សម្ដេចតេជោ ហ៊ុន សែន ក៏បានឱ្យបញ្ឈប់ជាជាបន្ទាន់ ដកខ្លួនចេញជាបន្ទាន់ ហើយរកមុខរបបផ្សេងវិញ។ កម្ពុជា មិនត្រូវការទំនិញពីប្រទេសថៃនោះទេ សម្ដេចក៏បានបញ្ជាក់ទៅគយ ត្រូវពិនិត្យឱ្យបានម៉ត់ច់ត់ផងដែរ ។
សម្តេចតេជោ ក៏បានលើកឡើងថា ការសួរដោយផ្ទាល់ចំពោះអ្នកនាំទំនិញពីថៃនេះ ក៏ដើម្បីចង់ដឹងថា មានជាប់ពាក់ព័ន្ធ និងអ្នករកស៊ីថៃ ឬយ៉ាងណា មានឈ្មោះអ្វីពិតប្រាកដ ដើម្បីផ្សាយប្រាប់ទៅឱ្យភាគីថៃ បានដឹងថា ថៃបានលួចនាំចូលទំនិញក្នុងប្រទេសកម្ពុជា ខណៈថៃ ប្រកាសពិតព្រំដែនដោយខ្លួនឯង មិនចង់ឱ្យមានទំនិញចូលកម្ពុជា ៕
ចែករំលែកព័តមាននេះ