បុរសវ័យចំណាស់ម្នាក់បែ.កថ្នាំ អុកឡុក បង្កហិ.ង្សាក្នុងគ្រួសារ ត្រូវកម្លាំងអាវុធហត្ថចុះអន្តរាគមន៍ឃាត់ខ្លួន
- ភ្នំពេញ
រាជធានីភ្នំពេញ ៖ តាមរយៈលេខទូរស័ព្ទបន្ទាន់ ១២៩១ របស់កងរាជអាវុធហត្ថរាជធានីភ្នំពេញ កាលពីវេលាម៉ោងប្រមាណ១០ ព្រឹកថ្ងៃទី១០ ខែមិថុនា ឆ្នាំ២០២៦ មានប្រជាពលរដ្ឋបានរាយ ការណ៍ប្តឹងមកថា មានបុរសវ័យចំណាស់ម្នាក់ឈ្មោះ សុខ សំណា ត់ អាយុ៤៥ ឆ្នាំ មានសភាពបែកថ្នាំ ធ្វើសកម្មភាពអុកឡុក និងបង្កអំពើហិង្សាក្នុងគ្រួសារ នៅចំណុចភូមិព្រែកធំ១ សង្កាត់ក្បាល កោះ ខណ្ឌច្បារអំពៅ រាជធានីភ្នំពេញ។ ភ្លាមៗបន្ទាប់ពីទទួលបានបណ្ដឹងខាងលើ កម្លាំងកងរាជអាវុធហត្ថរាជធានីភ្នំពេញ ក្នុងមូល ដ្ឋានខណ្ឌច្បារអំពៅ ចុះទៅដល់ទីតាំងកើតហេតុភ្លាមៗ ដោយបានធ្វើអន្តរាគមន៍ឃាត់ខ្លួនជនបង្ក បញ្ជូនទៅកាន់ទីបញ្ជាការកង រាជអាវុធហត្ថរាជធានីភ្នំពេញ ដើម្បីវាស់កំពស់ និងបន្តចាត់ការតាមនីតិវិធី។ បុរសបែកថ្នាំខាលើ ត្រូវបានកម្លាំង កងរាជអាវុធ ហត្ថរាជធានីភ្នំពេញ ធ្វើតេស្តទឹកនោមដោយបានរកឃើញជាប់សារធាតុញៀន ដែលអាចសន្និដ្ឋានបានថា បុរសវ័យចំណាស់ស្ទាវរូបនោះ ប្រើប្រាស់គ្រឿងញៀនលើសកម្រិត ទើបធ្វើឲ្យបាត់ បង់ស្មារតី (បែកថ្នាំ) ទើបបញ្ចេញអាកប្បកិរិយាគម្រាមកំហែងបំភិតបំភ័យ អុកឡុក និងបង្កអំពើហិង្សាក្នុងក្រុមគ្រួសារយ៉ាងដូច្នេះ។
កងរាជអាវុធហត្ថរាជធានីភ្នំពេញ នៅតែបន្តអំពាវនាវដល់ប្រជាពលរដ្ន និងក្រុមគ្រួសារណា ដែលរងទុកដោយប្រការណាមួយពី សំណាក់ជនអុកឡុកសង្គម ឬបញ្ហាផ្សេងៗតម្រូវឲ្យជួយអន្តរាគ មន៍ សូមប្រញាប់ប្រញ៉ាល់ទាក់ទងទូរស័ទ្ទដូចមានលេខខាងលើ៕
ចែករំលែកព័តមាននេះ