រាជធានីភ្នំពេញ ៖ ទីតាំងស្តុប និងចែកចាយសាច់បង្កក ចំនួន៥ទីតាំងទៀត នៅក្នុងខណ្ឌឫស្សីកែវ ត្រូវបានកម្លាំងគណៈបញ្ជាការឯកភាពខណ្ឌឫស្សីកែវ រួមទាំងមន្ត្រីជំនាញ ចុះត្រួតពិនិត្យឆែកឆេរ តែរកពុំឃើញទំនិញសាច់បង្កក នាំចូលពីប្រទេសថៃឡើយ ។
លោក ជិន ប៊ុនធឿន អភិបាលខណ្ឌឫស្សីកែវ និងជាប្រធានគណៈបញ្ជាការឯកភាពខណ្ឌ បានឲ្យដឹងថា នៅព្រឹកថ្ងៃទី១១ ខែមិថុនា ឆ្នាំ២០២៦នេះ កម្លាំងចម្រុះគណៈបញ្ជាការឯកភាពរដ្ឋបាលខណ្ឌឫស្សីកែវ បានបន្តចុះត្រួតពិនិត្យឃ្លាំងស្តុកសាច់បង្កក និងម៉ាត មានស្ដុកទំនិញបង្កក ដើម្បីចែកចាយបន្ត ចំនួន០៥ទីតាំង ក្នុងមូលដ្ឋានខណ្ឌឫស្សីកែវ បន្ថែមទៀត រួមមាន ៖
-ទីតាំងសាច់បង្កកទី១ ស្ថិតនៅផ្ទះ៦៥៧ ផ្លូវ៩៩R ភូមិបឹងសាឡាង សង្កាត់ប្ញស្សីកែវ ខណ្ឌឫស្សីកែវ រាជធានីភ្នំពេញ
-ទីតាំងសាច់បង្កកទី២ ស្ថិតនៅផ្ទះលេខ៣០៧០ ផ្លូវល9R ភូមិខ២ សង្កាត់ច្រាំងចំរះទី០២ ខណ្ឌឫស្សីកែវ រាជធានីភ្នំពេញ
-ទីតាំងសាច់បង្កកទី៣ ស្ថិតនៅផ្ទះលេខ១៥៨ ផ្លូវលំ ផ្ភូមិខ២ សង្កាត់ច្រាំងចំរេះទី២ ខណ្ឌឫស្សីកែវ រាជធានីភ្នំពេញ
-ទីតាំងសាច់បង្កកទី៤ ស្ថិតនៅផ្ទះលេខ២៦២ ផ្លូវ៥៩៨ ភូមិពោងពាយ សង្កាត់ទួលសង្កែទី២ ខណ្ឌឫស្សីកែវ រាជធានីភ្នំពេញ
-និង៥ទីតាំងម៉ាត ស្ថិតនៅផ្ទះលេខ៧៥ ផ្លូវ១០០៣ ភូមិគង្គាផុស សង្កាត់ទួលសង្កែទី២ ខណ្ឌឫស្សីកែវ រាជធានីភ្នំពេញ ។
ក្រោយការចុះត្រួតពិនិត្យជាក់ស្ដែងឃើញថា ទីតាំងទាំង០៥ខាងលើ មិនមានទំនិញបង្កក ឬទំនិញផ្សេងៗ ដែលនាំចូលមកពីប្រទេសថៃឡើយ។ ជាមួយគ្នានេះ ចំពោះម្ចាស់ទីតាំងទាំងអស់ ក៏បានសន្យាថា នឹងមិននាំយកទំនិញបង្កកពីប្រទេសថៃ មកលក់នៅកម្ពុជាឡើយ ៕
ចែករំលែកព័តមាននេះ