ខេត្តព្រៃវែង ៖ រថយន្តយីឌុបដឹកខ្សាច់ចំនួន២គ្រឿងបានបោលបុកគ្នាទាំងកំរោល បណ្ដាលឲ្យកៀបរួញជាប់គ្នាទៅណាលែងរួច តែសំណាងល្អ អ្នកបើកបររថយន្តទាំងពីរគ្មានអ្នកណារងរបួសឡើយ ។ ហេតុការណ៍គ្រោះថ្នាក់ចរាចរណ៍នេះ បានកើតឡើងការពារវេលាម៉ោង៩ព្រឹកថ្ងៃទី២៩ ឧសភា…
ខេត្តព្រៃវែង ៖ រថយន្តយីឌុបដឹកខ្សាច់ចំនួន២គ្រឿងបានបោលបុកគ្នាទាំងកំរោល បណ្ដាលឲ្យកៀបរួញជាប់គ្នាទៅណាលែងរួច តែសំណាងល្អ អ្នកបើកបររថយន្តទាំងពីរគ្មានអ្នកណារងរបួសឡើយ ។
ហេតុការណ៍គ្រោះថ្នាក់ចរាចរណ៍នេះ បានកើតឡើងការពារវេលាម៉ោង៩ព្រឹកថ្ងៃទី២៩ ឧសភា នៅលើកំណត់ផ្លូវជាតិលេខ១ ត្រង់ចំណុចខាងមុខរ៉ាសសាំងតេឡា យីហោ ស៊ាង ចាន់ ដែលស្ថិតនៅក្នុងភូមិក្រសារជេត ឃុំរំចេក ស្រុកព្រះស្ដេចខេត្តព្រៃវែង ។
រថយន្តយីឌុបទាំងពីរគ្រឿង ដែលបានបុករួញជាប់គ្នានេះ រថយន្តទី 1 ពាក់ស្លាកលេខ ភ្នំពេញ 3F 39 43 ធ្វើដំណើរក្នុងទិសដៅពីលិចទៅកើត ចំណែករថយន្តមួយគ្រឿងទៀត ពាក់ស្លាកលេខភ្នំពេញ 3F 2474 ធ្វើដំណើរក្នុងទិសដៅពីកើតទៅលិច ក្នុងទិសដៅផ្ទុយគ្នា ប៉ុន្តែមិនដឹងមូលហេតុអ្វីស្រាប់តែរថយន្តទាំងពីរបោលបុកគ្នាទាំងកំរោលបែបនេះទៅវិញ។
ចំពោះមូលហេតុនេះ ត្រូវបានអ្នកបើករថយន្តយីឌុប ដែលពាក់ស្លាកលេខ 39 43 អះអាងប្រាប់ថាពេលដែលខ្លួនបើកមកដល់កន្លែងកើតហេតុ ស្រាប់តែរថយន្តយីឌុបមួយគ្រឿងទៀត ពាក់ស្លាកលេខ 2474 ដែលបើកមកបញ្ច្រាសគ្នា បានបើកវ៉ាជែង ឆ្លងចូលមកកន្លងរបស់ខ្លួន ទើបភ្លាមៗរូបគាត់ចាប់ហ្វ្រាំងមិនទាន់ ក៏ធ្វើអោយរថយន្តទាំងពីរបុកគ្នាពេញទំហឹងតែម្ដង ប៉ុន្តែសំណាងល្អអ្នកបើកបររថយន្តទាំងពីរពុំមាននរណារងរបួសឡើយ។ព្រោះចំណុចដែលបុកប៉ះគ្នា គឺបុកត្រង់ផ្នែកខាងស្ដាំរថយន្តដូចគ្នា។
ដោយឡែកខាងសមត្ថកិច្ចបានលើកឡើងថា នេះគឺជាសំណាងមួយក្នុងមួយពាន់គ្រោះថ្នាក់ហើយព្រោះរថយន្តធន់យក្សទាំងពីរ បុកគ្នាឡើងរួញអស់ទៅហើយ បែរជាមនុស្សក្នុងរថយន្តគ្មានរបួសអ្វីសោះ បើសិនជាមានមនុស្សជិះនៅផ្នែកខាងស្ដាំអ្នកបើកបរវិញ ច្បាស់ជាខ្ទេចនៅក្នុងកាប៊ីនរថយន្តនោះជាក់ជាមិនខាន។
ចែករំលែកព័តមាននេះ