ខេត្តស្ទឹងត្រែង ៖ តាមព័ត៌មានបឋមថា កងកម្លាំងសមត្ថកិច្ចនគរបាលខេត្តស្ទឹងត្រែង សហការជាមួយកម្លាំងមន្ទីរប្រឆាំងបទល្មើសគ្រឿងញៀន (ក៩) បង្ក្រាបករណីដឹកជញ្ជូនដោយខុសច្បាប់នូវសារធាតុញៀនមួយករណី កាលពីថ្ងៃទី២៥ ខែឧសភា ឆ្នាំ២០២៤ នៅវេលាម៉ោង០៦ និង៣០នាទីព្រឹក ស្ថិតនៅចំណុចវាលព្រីង ឃុំអូរស្វាយ ស្រុកបុរីអូរស្វាយសែនជ័យ ខេត្តស្ទឹងត្រែង ។
![](https://kohsantepheapdaily.com.kh/wp-content/uploads/2024/05/19fe5ab3252de386c6474ee4140cc7b7.jpg)
ប្រភពព័ត៌មានឲ្យដឹងថា ស្ថិតក្នុងប្រតិបត្តិការខាងលើ កម្លាំងសមត្ថកិច្ចដោយបានកំណត់មុខសញ្ញាច្បាស់លាស់ឈានដល់ការពង្រាយកម្លាំងតាមដងផ្លូវ ដើម្បីស្ទាក់ឃាត់រថយន្តរបស់ជនសង្ស័យដែលមានរថយន្តស៊េរីទំនើបចំនួន៤គ្រឿង ។
![](https://kohsantepheapdaily.com.kh/wp-content/uploads/2024/05/4735ced2dc19c2f6b3d27416a4097d9a.jpg)
ប្រភពព័ត៌មានបន្តថា ក្នុងប្រតិបត្តិការខាងលើ សមត្ថកិច្ចក៏បានផ្ទុះអាវុធដោយបាញ់បំបែកបង់រថយន្តរបស់ក្រុមជនសង្ស័យទើបអាចឃាត់ជាប់ ។ គ្រានោះដែរ ជនសង្ស័យមួយចំនួនក៏បានរត់គេចខ្លួន តែត្រូវបានកងកម្លាំងនគរបាលដេញតាមចាប់ខ្លួនបានភ្លាមៗផងដែរ ។
![](https://kohsantepheapdaily.com.kh/wp-content/uploads/2024/05/9c86238ff48b806fdc13af7ff234e572.jpg)
ក្រោយការឃាត់ខ្លួនក្រុមជនសង្ស័យ កម្លាំងសមត្ថកិច្ចបានត្រួតពិនិត្យលើរថយន្តស៊េរីទំនើបទាំងនោះ ក៏បានប្រទះឃើញគ្រឿងញៀនជាច្រើនសន្ធឹកសន្ធាប់ រួមមានវិទ្យុសម្រាប់ទំនាក់ទំនង៣គ្រឿង និងគ្រាប់បែកដៃចំនួន២គ្រាប់ផងដែរ ។
![](https://kohsantepheapdaily.com.kh/wp-content/uploads/2024/05/cf88aee95c7a17d38364e126726e5576.jpg)
មន្ត្រីសមត្ថកិច្ចក្នុងប្រតិបត្តិការខាងលើឲ្យដឹងថា សមត្ថកិច្ចបានឃាត់ខ្លួនជនជាតិថៃចំនួន០៣នាក់ និងខ្មែរម្នាក់ វត្ថុតាងចាប់យករួមមាន ៖ ថ្នាំញៀនប្រភេទមេតំហ្វេតាមីន (ice) ចំនួន ២២៥ដុំ = ២២៥គីឡូក្រាម និង ២៥៣ក្រាម ប្រភេទកេតាមីន ចំនួន ៣២ដុំ =៣១ គីឡូក្រាមនឹង ៩២៣.២
ក្រាម ថ្នាំញៀនទម្ងន់សរុបរួម ២៥៧គីឡូក្រាម នឹង១៧៦.២ក្រាម ។
![](https://kohsantepheapdaily.com.kh/wp-content/uploads/2024/05/f22e4894df18544b865275e950ce0d74.jpg)
បច្ចុប្បន្ន ក្រោយការបង្ក្រាបរឹបអូសនិងឃាត់ខ្លួនជនសង្ស័យខាងលើ សមត្ថកិច្ចបានបន្តសហការ ស្រាវជ្រាវបង្ក្រាប មេខ្លោងនិងបក្សពួក ព្រមទាំងសហការស្រាវជ្រាវ បង្ក្រាបបទល្មើសសំអាតប្រាក់ពាក់ព័ន្ធផងដែរ ។ យ៉ាងណា នៅមិនទាន់ស្គាល់អត្តសញ្ញាណជនជាតិថៃនេះនៅឡើយ ។
![](https://kohsantepheapdaily.com.kh/wp-content/uploads/2024/05/c68fceb9c8f78540e45e27f818002998.jpg)
![](https://kohsantepheapdaily.com.kh/wp-content/uploads/2024/05/6e4b34f3c4342b506c3d5d289ceff382.jpg)
![](https://kohsantepheapdaily.com.kh/wp-content/uploads/2024/05/c2aad92fc9a8329b2ca6a7351b24142c.jpg)
ចែករំលែកព័តមាននេះ