រថយន្តនីសាន់ ណាវ៉ារ៉ា បុកក្របី១ក្បាលដើរឆ្លងផ្លូវបាក់ជើង ទទួលបានសំណង៨០០ដុល្លារពីម្ចាស់ក្របី
រាជធានីភ្នំពេញ ៖ រថយន្តម៉ាក នីសាន់ ណាវ៉ារ៉ា (Nissan Navara) ០១គ្រឿង បានបើកបរក្នុងល្បឿនលឿន បុកក្របីញី…
រាជធានីភ្នំពេញ ៖ រថយន្តម៉ាក នីសាន់ ណាវ៉ារ៉ា (Nissan Navara) ០១គ្រឿង បានបើកបរក្នុងល្បឿនលឿន បុកក្របីញី ១ក្បាល ក្នុងចំណោមក្របី ១ហ្វូង បណ្តាលអោយបាក់ជើង ហើយម្ចាស់ក្របី ចេញមកទទួលខុសត្រូវ ដោះស្រាយសំណងការខូចខាតចំនួន ៨០០ដុល្លារ ទៅអោយម្ចាស់រថយន្ត ។
ហេតុការណ៍គ្រោះថ្នាក់នេះ បានកើតឡើងកាលពីវេលាម៉ោង០៤និង៤០នាទីរសៀល ថ្ងៃទី២១ ខែឧសភា ឆ្នាំ២០២៤ នៅតាមបណ្តោយផ្លូវឪកាសខ្ញុំ ក្នុងសង្កាត់ឃ្មួញ ខណ្ឌសែនសុខ រាជធានីភ្នំពេញ ។
រថយន្តដែលបុកក្របី ទទួលបានសំណង ម៉ាក Nissan Navara ពណ៏ខ្មៅ ពាក់ស្លាកលេខ ភ្នំពេញ 2BK-8357 បើកបរដោយបុរសម្នាក់ ។
បើតាមសាក្សីបានអោយដឹងថា នៅមុនពេលកើតហេតុ គេឃើញរថយន្តមួយគ្រឿងខាងលើ បានធ្វើដំណើរក្នុងទិសដៅពីកើតទៅលិចដោយល្បឿនលឿន។ ខណៈពេលមកដល់កន្លែងកើតហេតុ ក៏បានជ្រុលទៅបុកក្របីញី ១ក្បាល ក្នុងចំណោម ក្របីមួយហ្វូង បានដើរឆ្លង់កាត់ផ្លូវក្រោយគេ ពេញទំហឹងបណ្តាលអោយក្របីញីបាក់ជើង ដើរលែងរួច ហើយរថយន្តបានរងការខូខាតធ្ងន់ធ្ងរ ។
បន្ទាប់ពីកើតហេតុ ម្ចាស់ក្របី ចេញមុខមកសម្របសម្រួល ដោយម្ចាស់រថយន្តទារថ្លៃខូចខាត ចំនួន ២,០០០ដុល្លារ ហើយម្ចាស់ក្របី មានលទ្ធភាពត្រឹម ៨០០ដុល្លារ ។ មុនដំបូងខាងរថយន្ត ពុំព្រមទទួលនោះទេ តែក្រោយមក សមត្ថកិច្ចមូលដ្ឋានបានចុះមកដល់ បានជួយសម្របសម្រួល ម្ចាស់រថយន្ត ក៍យល់ព្រមទទួលយក ។
នោះចាត់ទុកជាសំណាង ដែលម្ចាស់ក្របី ចេញមកទទួលខុសត្រូវ កន្លងមកគ្រោះថ្នាក់ជាច្រើន ដែលបង្កអោយសត្វគោក្របី ដែលម្ចាស់លែងដើរពេញផ្លូវ ហើយម្ចាស់គេចបាត់ មិនទទួលខុសត្រូវឡើយ ។ ចំណែកលើកនេះ បានសំណង ៨០០ដុល្លារ ស្ទើរស្មើតម្លៃក្របីទាំងមូល ទៅហើយ ៕
ចែករំលែកព័តមាននេះ