ADផ្ទាំងផ្សព្វផ្សាយពាណិជ្ជកម្ម

Picture

សំណាង​នារី​ខ្មែរ​ម្នាក់ ឈ្នះ​ឆ្នោត​ថៃ​រង្វាន់​ធំរហូត​ដល់​១២​លាន​បាត​​

3 អាទិត្យ មុន

(​ថៃ​) ៖ ប្រព័ន្ធ​ផ្សព្វផ្សាយ​នៅ​ក្នុង​ប្រទេស​ថៃបាន​ចេញផ្សាយ​នៅ​ថ្ងៃ​ទី​១៧ ខែឧសភា ឆ្នាំ​២០២៤ ក្នុង​ចំណោម​ប្រជាពលរដ្ឋ​ថៃ​ជាង៧១​លាន​នាក់ និង​ពលករ​បរទេស​ជិត៣​លាន​នាក់ ពលការ​នី​ខ្មែរ​វ័យ​២៣​ឆ្នាំ​ម្នាក់ ត្រូវ​បាន​ចាត់​ទុក​ថា ជានា​រី​សំណាង​ជាងគេ…

(​ថៃ​) ៖ ប្រព័ន្ធ​ផ្សព្វផ្សាយ​នៅ​ក្នុង​ប្រទេស​ថៃបាន​ចេញផ្សាយ​នៅ​ថ្ងៃ​ទី​១៧ ខែឧសភា ឆ្នាំ​២០២៤ ក្នុង​ចំណោម​ប្រជាពលរដ្ឋ​ថៃ​ជាង៧១​លាន​នាក់ និង​ពលករ​បរទេស​ជិត៣​លាន​នាក់ ពលការ​នី​ខ្មែរ​វ័យ​២៣​ឆ្នាំ​ម្នាក់ ត្រូវ​បាន​ចាត់​ទុក​ថា ជានា​រី​សំណាង​ជាងគេ ក្រោយ​ប្រែ​ពី​ពលករ​ចំណាកស្រុក​មក​ស៊ីឈ្នួល​ថែ​សួន ក្លាយ​ខ្លួន​ជា​សេដ្ឋីនី​ភ្លាម​ៗ ក្រោយ​ពី​ឈ្នះ​ឆ្នោតជាតិថៃ​រង្វាន់​ធំ ដែល​មាន​ទំហំ ទឹកប្រាក់​រហូត​ដល់​ទៅ១២​លាន​បាត ដែល​ស្មើនឹង​ជាង៣៣០,៦៦៩​ដុល្លារ​សហរដ្ឋអាមេរិក​។

អ្វី​ដែល​សារព័ត៌​ថៃ​ធំ​ៗ ចាប់អារម្មណ៍​ចុះ​ផ្សាយ​ព្រោងព្រាត អំពី​នារី​ខ្មែរ​រូប​នេះ គឺ​ពាក់ព័ន្ធ​ទៅ​នឹង​រឿង​អបិយ​ជំនឿ​មុន​ពេល​ឈ្នះ​ឆ្នោត និងជា​ពិសេស​ក្រោយ​ឈ្នះ​ឆ្នោត​ដ៏​ច្រើន​សន្ធឹក​ក្នុង​ប្រទេស​ថៃ ពលការ​នី​ខ្មែរ​រូប​នេះ​កំពុង​ត្រៀមខ្លួន​រៀបចំ​ឥ​វ៉ា​ន់ ត្រលប់​មក​រស់នៅ​ប្រទេស​កម្ពុជា ដែល​ជា​ប្រទេស​កំណើត ដោយ​ប្រកាស​ថា នាង​លែង​ធ្វើ​ជា​ពលករ​ចំណាកស្រុក​នៅ​ប្រទេស​ថៃ​តទៅ​ទៀត​ហើយ​។

ប្រភព​ព័ត៌មាន​ពី​ប្រទេស​ថៃ​បាន​បញ្ជាក់​ថា ពលការ​នី​ខ្មែរ​រូប​នេះ​មានឈ្មោះ​ថា ណ​ង ណាត មាន​អាយុ២៣ឆ្នាំ និង​សង្សារ​ស្រី​របស់​អាយុ៤២ឆ្នាំ ឈ្មោះ​ថា ស្រ៊ី​ប្រាយ ដែល​បម្រើ​ការងារ​នៅ​សួនច្បារ​មួយ​កន្លែង​ខេត្ត​នគររាជ​សីមា បាន​ឈ្នះ​ឆ្នោត​លេខ​១ ចំនួន​១២​លាន​បាត ដោយ​ស្រី​ណាត​ជា​អ្នកទិញ​សំបុត្រ​ឆ្នោត​។

ណាតថ្លែងប្រាប់​សារព័ត៌មាន​ថា នាង​បាន​មក​ធ្វើការ​ដោយ​ស្របច្បាប់​នៅ​ប្រទេស​ថៃ​រយៈពេល​៨​ឆ្នាំ​មក​ហើយ ដំបូង​ឡើយ​ជា​អ្នក​រើស​ពោត និង​កម្មករ​រោងចក្រ ហើយ​បច្ចុប្បន្ន​នាង​ជា​អ្នក​ថែ​សួន​នៅ​ក្នុងភូមិ​ខក់​ណា​ក្លង​ស៊ុ​ក​ប៉ៃ​ប៊ុ​ន ស្រុក​សេង​សាង ខេត្ត​នគររាជ​សីមា​។

ណាតបាន​រៀបរាប់​ថា ៤​ថ្ងៃមុន​ចេញ​លេខ​ឆ្នោត នាងនិង​សង្សារ បាន​ទៅ​លេង​ផ្សារ​មួយ ហើយ​នាង​បាន​ទិញ​សន្លឹក​ឆ្នោត​ចំនួន២​សន្លឹក​ដែល​មាន​លេខ​៩០​ ។ បន្ទាប់​ពី​ទិញ​សន្លឹក​ឆ្នោត​រួច នាង​និង​សង្សារ បាន​ទៅ​កន្លែង​ទី​សក្ការៈបូជា​ដ៏​ល្បី​មួយ​ក្នុង​តំបន់ ដែល​អ្នកស្រុក​តែងតែ​មក​សុំ​ពរ​ជ័យ​ឈ្មោះ​ថា លោកតាម៉ុង ដោយ​នាង​បាន​បន់ស្រន់​ថា បើ​នាង​ត្រូវ​ឆ្នោត​រង្វាន់​ធំ​នោះ នាង​នឹង​ជួល​ក្រុម​ភ្លេង​មក​ប្រជុំ​ថ្វាយ​។

លុះ​ឈាន​មក​ដល់​យប់​មុន​ថ្ងៃ​ចេញ​ឆ្នោត នាង យល់សប្តិ​ថា លោកតា ម៉ុង បាន​មក​លេង​នាង ដោយ​ឈរ​នៅ​ចុងជើង ហើយ​ញញឹម​ដាក់​នាង មុន​ពេល​ចាកចេញ​។ ដោយឡែក​ នារី​ជា​សង្សារ​របស់ ណាត ដែល​មានឈ្មោះ Sripai វិញ ក៏​បាន​យល់សប្តិ​ឃើញ​ថា សន្លឹក​ឆ្នោត​ជា​ច្រើន​ពាស​ពេញ​កន្លែងដេក​របស់​ខ្លួន​។

ពេល​ភ្ញាក់​ដេក​ព្រឹក​ឡើង​ភ្លាម ពួក​គេ​ទាំង​ពីរ​បាន​និយាយ​រឿង​យល់សប្តិ ប្រាប់​គ្នា​ទៅ​វិញ​ទៅ​មក ប៉ុន្តែ​ពួក​គេ​មិន​បាន​គិត​អ្វី​ច្រើន​នោះ​ឡើយ​។ ហើយ​ម​ក​ដល់​ល្ងាច ពួក​គេ​បាន​ផ្ទៀងផ្ទាត់​លទ្ធផល​ឆ្នោត ក៏​រំភើប​ស្ទើ​ហោះ ក្រោយ​ដឹង​ថា ពួក​គេ​ពិតជា​បាន​ឈ្នះ​ឆ្នោត​រង្វាន់​ធំ តាម​រយៈ​សន្លឹក​មួយ​ក្នុង​ចំណោម​២ ដែល​មាន​លេខ 205690 ។ នៅ​ពេល​នោះ ពួក​គេ​បាន​ឱប​គ្នា​ទៅ​វិញ​ទៅ​មក​ស្រែក​ហ៊ោ​ដោយ​មិន​នឹង​ស្មានថា សុបិន​ក្លាយជា​ការ​ពិត​បែប​នេះនោះ​ឡើយ​។

ក្រោយ​ឈ្នះ​ឆ្នោត ណាត នឹង​ត្រឡប់​មក​រស់នៅ​ក្នុង​កម្ពុជា​វិញ​៖

ណាត គ្រោង​នឹង​យក​ប្រាក់​រង្វាន់​ដ៏​ច្រើន​នេះ​ទៅ​បើក​អាជីវកម្ម​នៅ​ស្រុក​កំណើត នា​ខេត្តកំពង់ធំ ក្នុង​ប្រទេស​កម្ពុជា​។ នាង​នឹង​មិន​ត្រឡប់​មក​ធ្វើការ​ជា​ពលករ​ចំណាកស្រុក​បន្ត​ទៅ​ទៀត​ឡើយ​។ ណាត អះអាង​ថា នាង​នឹង​ចាយវាយ​លុយ​នេះ​ដោយ​សន្សំ​សំចៃ និង​រៀបចំ​ផែនការ​ចំណាយរ​ដោយ​ប្រុង​ប្រយ័ត្ន​។ ។ ប៉ុន្តែ​មុន​នឹង​ចាក​ចេញពី​ប្រទេស​ថៃ នាង​និង​សង្សារ នឹង​ទៅ​លាបំណន់​នៅ​ទី​សក្ការៈបូជា លោកតា​ម៉ុង ដែល​នាង​បាន​បន់ស្រន់​។

ថៅកែ​របស់​ស្រី​ណាត និង Sripai គឺ​លោក នូ ថា​ថៃ​សុង អាយុ៦១​ឆ្នាំ បាន​សម្តែង​ក្តី​ត្រេកអរ​ចំពោះ​បុគ្គលិក​របស់​ខ្លួន ដែល​ពួក​គេ មានសំណាង​បែប​នេះ​។ លោក​រៀបរាប់​ថា កម្មករ​ថែ​សួន​ជា​គូស្នេហ៍​ទាំង​ពីរ​នាក់​នេះ គឺជា​បុគ្គលិក​ដែល​ឧស្សាហ៍​ព្យាយាម និង​តស៊ូ​អត់ធ្មត់​ដែល​ខិតខំ​ធ្វើការ​មិន​ដែល​ត្អូញត្អែរ​។

លោក​ថែ​កែបន្ត​ថា ស្រី​ណាត ជា​ពលករ​ខ្មែរ​ស្របច្បាប់ ដែល​មាន​ឯកសារ​ត្រឹមត្រូវ មាន​ទាំង​លិខិតឆ្លងដែន និង​ប័ណ្ណ​ការងារ​។ គាត់ បាន​ជូន​ពួក​គេ​ទៅ​ប៉ុស្តិ៍​ប៉ូលិស​ក្នុង​តំបន់​រួច​ហើយ ដើម្បី​រាយ​ការណ៍​ពី​រឿង​នេះ មុន​ពេល​ដែល​ពួក​គេ​ទៅ​បើកប្រាក់​រង្វាន់​នៅ​ទីក្រុង​បាងកក​។

គួរ​រំលឹក​ថា កាលពី​ឆ្នាំ​២០១៩ កន្លង​ទៅ ពលករ​ខ្មែរ​ចំណាកស្រុក​នៅ​ប្រទេស​ថៃ​ម្នាក់ លោក ធី​ដា សា​ណា ដែល​កាលនោះ​មាន​អាយុ​២៩​ឆ្នាំ ដែល​ធ្វើការ​ក្នុង​ភោជនីយដ្ឋាន​មួយ​លើ​កោះ​សា​មុ​យ ក៏​ធ្លាប់​បាន​ឈ្នះ​ឆ្នោត​រង្វាន់​ធំ​នៅ​ប្រទេស​ថៃ ដោយ​ទទួល​បាន​ប្រាក់​រង្វាន់​ចំនួន​៦​លាន​បាត ហើយ​ក្នុង​ឆ្នាំ​២០១៩ លុយ​ថៃ ៦​លាន​នោះ ឬ​ស្មើនឹង​ជិត​២០​ម៉ឺន​ដុល្លារ​អា​មេ​រិ​ក​ឯណោះ​៕​