ADផ្ទាំងផ្សព្វផ្សាយពាណិជ្ជកម្ម

Picture

ពិធី​ដង្ហែ​ពាន​បាល់ទាត់ ក្លិប​ព្រះ​ខ័ន​រាជ​ស្វាយ​រៀង ទទួល​ពានរង្វាន់​ជើងឯក ចំនួន​០២ ក្នុង​ពេល​តែ​មួយ

1 ខែ មុន

ខេត្តស្វាយរៀង ៖ ថ្នាក់ដឹកនាំ​មន្ត្រី​រាជ្យ​ការ និង​ប្រជាពលរដ្ឋ​ខេត្តស្វាយរៀង មាន​មោទនភាព​ក្រៃ​លែង ដែល​ក្រុម​កីឡាករ​បាល់ទាត់ ក្លិប​ព្រះ​ខ័ន​រាជ​ស្វាយ​រៀង បាន​ទទួល​ពានរង្វាន់​ជើងឯក ចំនួន​០២ ក្នុង​ពេល​តែ​មួយ…

ខេត្តស្វាយរៀង ៖ ថ្នាក់ដឹកនាំ​មន្ត្រី​រាជ្យ​ការ និង​ប្រជាពលរដ្ឋ​ខេត្តស្វាយរៀង មាន​មោទនភាព​ក្រៃ​លែង ដែល​ក្រុម​កីឡាករ​បាល់ទាត់ ក្លិប​ព្រះ​ខ័ន​រាជ​ស្វាយ​រៀង បាន​ទទួល​ពានរង្វាន់​ជើងឯក ចំនួន​០២ ក្នុង​ពេល​តែ​មួយ គឺ​ពានរង្វាន់​សម្តេច​អគ្គមហាសេនាបតី​តេ​ជោ ហ៊ុន សែន លើក​ទី​១៧ ឆ្នាំ​២០២៣-២០២៤ និង​ពានរង្វាន់​ជម្រើស​ជើងឯក ខេ​ម​បូ​ឌា​ន​មៀរ​លី​គ (Cambodian Premier League CHAMPIONS) ឆ្នាំ​២០២៣-២០២៤ ។

ពិធី​ដង្ហែ​ពាន និង​ទទួល​ពាន​នេះ ធ្វើ​ឡើង​នៅ​វេលា​ម៉ោង​២​និង​៣០​នាទី​រសៀល​ដល់​ម៉ោង​៦​ល្ងាច ថ្ងៃ​ទី​១៧ ខែឧសភា ឆ្នាំ​២០២៤ នៅ​រង្វង់​មូល​វិមាន​ឯករាជ្យ ខេត្តស្វាយរៀង ដោយ​មានការ​អញ្ជើញ​ចូលរួម​ពី​សំណាក់​សម្តេច​កិត្តិ​សង្គហ​បណ្ឌិត ម៉ែ​ន សំ​អន លោក ឌី វិជ្ជា ប្រធាន​ក្លិប​បាល់ទាត់​ព្រះ​ខ​ណ័​រាជ​ស្វាយ​រៀង លោក ប៉េង ពោធិ​សា អភិបាល​ខេត្តស្វាយរៀង អ្នកតំណាង​រាស្ត្រ​មណ្ឌល​ស្វាយ​រៀង អភិបាលរង​ខេត្ត គណៈប្រតិភូ​កីឡា មន្ត្រីរាជការ និង​ប្រជាពលរដ្ឋ​ជា​ច្រើន​កុះករ ។

លោក កៅ សំ​អាន បាន​ឲ្យ​ដឹង​ថា ពានរង្វាន់​សម្តេច​អគ្គមហាសេនាបតី​តេ​ជោ ហ៊ុន សែន បាន​ទទួល​ពាន​នៅ​ថ្ងៃ​ទី​២៨ ខែមេសា ឆ្នាំ​២០២៤ ពានរង្វាន់​ជម្រើស​ជើងឯក ខេ​ម​បូ​ឌា​ន​មៀរ​លី​គ បាន​ទទួល​ពាន​នៅ​ថ្ងៃ​ទី​១២ ខែឧសភា ឆ្នាំ​២០២៤ ។

លោក កៅ សំ​អាន បន្ត​ទៀត​ថា គណៈកម្មាធិការ នៃ​ក្លិប​បាល់ទាត់​ព្រះ​ខ័​ណ​រាជ​ស្វាយ​រៀង បាន​រៀបចំ​ដង្ហែ​ពាន ទាំង​ពីរ ក្នុង​ពេល​តែ​មួយ គឺ​ពានរង្វាន់​សម្តេច​អគ្គមហាសេនាបតី​តេ​ជោ ហ៊ុន សែន និង​ពានរង្វាន់​ជម្រើស​ជើងឯក ខេ​ម​បូម​បូ​ឌា​ន​មៀរ​លី​គ ឆ្នាំ​២០២៣-២០២៤ នៅ​វេលា​ម៉ោង​២​និ​៣០​នាទី​រសៀល​ថ្ងៃ​ទី​១៧ ខែឧសភា ២០២៤​នេះ រួម​គ្នា បាន​ចេញដំណើរ​ពី​កីឡាដ្ឋាន​ខេត្តស្វាយរៀង តាម​ដង​វិ​ថី​នានា ក្នុង​ក្រុង​ស្វាយ​រៀង ហើយ​បាន​បញ្ចប់​នៅ​រង្វង់​មូល​វិមាន​ឯករាជ្យ ខេត្តស្វាយរៀង ស្ថិត​នៅ​ភូមិ​មេភ្លើង​សង្កាត់​ស្វាយ​រៀង​ក្រុង​ស្វាយ​រៀង ដោយ​មាន​ថ្នាក់ដឹកនាំ​មន្ត្រី​រាជ្យ​ការ ប្រជាពលរដ្ឋ​សិស្សានុសិស្ស​ជា​ច្រើន​កុះករ ។

លោក កៅ សំ​អាន បាន​មាន​ប្រសាសន៍​ថា ប្រវត្តិ​សង្ខេប​របស់​ក្លិប​បាល់ទាត់​ព្រះ​ខ័ន​រាជ​ស្វាយ​រៀង បង្កើត​ឡើង​នៅ​ឆ្នាំ​១៩៩៧ ដោយ​នាយ​ឧត្តមសេនីយ៍​សៅ សុខា ហើយ​មាន​ដើម​កំណើត​ដំបូង​ឡើយ​នៅ​ទីក្រុង​ភ្នំពេញ ក្រោម​ឈ្មោះ​ហៅ​ថា ក្លិប​បាល់ទាត់​ព្រះ​ខ័​ណ​រាជ ។ នៅ​ឆ្នាំ​២០១៣ លោក ឌី វិជ្ជា បាន​ក្លាយជា​ម្ចាស់​ក្លិប ហើយ​បាន​ផ្លាស់​ប្តូរ​ទីតាំង​មក​ខេត្តស្វាយរៀង ហើយ​បាន​ប្តូរ​ឈ្មោះ​ទៅ​ជា​ក្លិប​បាល់ទាត់​ព្រះ​ខ័​ណ​រាជ​ស្វាយ​រៀង ដោយ​ផ្សារ​ភ្ជាប់ពាក្យ​ស្វាយ​រៀង ទៅ​នឹង​ឈ្មោះ​ដើម ដែល​ជា​ខេត្ត​កំណើត​ផ្ទាល់​របស់​លោក ។

លោក​បន្ត​ថា ពួក​យើង គឺជា​ក្លិប​មួយ​ក្នុង​ចំណោម​ក្លិប​ជោគជ័យ​ច្រើន​ទៀត​នៅ​កម្ពុជា ។ យើង​ជា​ម្ចាស់​ជើងឯក​លី​គ​កំពូល ចំនួន​០៣​សម័យកាល គឺ​ឆ្នាំ​២០១៣ ឆ្នាំ​២០១៩ និង​ថ្មី​ៗ​នេះ​គឺ​ឆ្នាំ​២០២៣-២០២៤​។ យើង​ជា​ម្ចាស់​ជើងឯក សម្តេច​អគ្គមហាសេនាបតី​តេ​ជោ ហ៊ុន សែន ចំនួន​០៥ សម័យកាល គឺ​ឆ្នាំ​២០១១-២០១២ ឆ្នាំ​២០១៥-២០១៧ និង​ថ្មី​ៗ​នេះ គឺ​នៅ​ឆ្នាំ​២០២៣-២០២៤ ។

លោក​បន្ត​ទៀត​ថា ព្រះ​ខ័ន​រាជ​ស្វាយ​រៀង នឹង​ជា​ក្លិប​តំណាង​ឲ្យ​កម្ពុជា ចូលរួម​ប្រកួត​ក្នុង​កម្មវិធី​ពានរង្វាន់​កម្រិត​អាស៊ី ចំនួន ២ ដូច​ជា ៖ ពានរង្វាន់ AFF ASEAN Club Championship(ACC) Shopee Cub រដូវ​កាល​២០២៤-២០២៥ និង​ពានរង្វាន់ AFC Challenge League Play off Round រដូវ​កាល ឆ្នាំ​២០២៤-២០២៥​ផង​ដែរ ។ បន្ទាប់​ពី​សំណេះសំណាល គី​ឡាករ ជាមួយ​អ្នកគាំទ្រ រួច​មក​ក៏​មាន​ប្រគុំ​តន្ត្រី​អប​សាទរ​ពិធី ដង្ហែ​ពានរង្វាន់​០២ ក្នុង​ពេល​តែ​មួយ​នេះ ផង​ដែរ ៕

អត្ថបទសរសេរ ដោយ