ADផ្ទាំងផ្សព្វផ្សាយពាណិជ្ជកម្ម

Picture

ប្រពល​រដ្ឋ​២​ភូមិ ក្នុង​សង្កាត់​បា​វិត ទទួល​បាន​ផ្លូវ​បេតុង​ចំនួន​៣​ខ្សែ ប្រវែង​៥០១​ម៉ែត្រ

3 ថ្ងៃ មុន

ខេត្តស្វាយរៀង ៖ ប្រជាពលរដ្ឋ​ចំនួន​០២​ភូមិ គឺ​ភូមិ​បា​វិត​លើ និង​ភូមិ​ច្រក​លាវ បាន​ទទួល​ផ្លូវ​បេតុង​ចំនួន​៣​ខ្សែ មាន​ប្រវែង​៥០១​ម៉ែត្រ ត្រូវ​កំពុង​ស្ថាបនា ដែល​ឆ្លងកាត់​ចំនួន​០២​ភូមិ ក្នុង​សង្កាត់​បា​វិត…

ខេត្តស្វាយរៀង ៖ ប្រជាពលរដ្ឋ​ចំនួន​០២​ភូមិ គឺ​ភូមិ​បា​វិត​លើ និង​ភូមិ​ច្រក​លាវ បាន​ទទួល​ផ្លូវ​បេតុង​ចំនួន​៣​ខ្សែ មាន​ប្រវែង​៥០១​ម៉ែត្រ ត្រូវ​កំពុង​ស្ថាបនា ដែល​ឆ្លងកាត់​ចំនួន​០២​ភូមិ ក្នុង​សង្កាត់​បា​វិត ក្រុង​បា​វិត ខេត្តស្វាយរៀង ដែល​ផ្លូវ​មួយ​នេះ កន្លង​មក​ជា​ផ្លូវ​ដី ដែល​ធ្វើ​ដំណើរ​ដឹក​កសិផល​របស់​បងប្អូន​ប្រជាពលរដ្ឋ​មក​កាន់​ទីផ្សារ ហើយ​រដូវប្រាំង​ដី​ហ៊ុយ និង​រដូវវស្សា បែក​ផុ​ក ជា​ពិសេស​សិស្សសាលា​ធ្វើ​ដំណើរ​ទៅ​រៀន​ម្តង​ៗ មានការ​ពិបាក​ខ្លាំង ។

បើ​តាម​លោក សាញ់ សា​ខុន ចៅសង្កាត់​បា​វិត បាន​មាន​ប្រសាសន៍​ថា ដោយ​មានការ​ចង្អុលបង្ហាញ​ពី​លោក លឹ​ម សៀង​ហេង អភិបាលក្រុង​បា​វិត ក្នុង​នាម​លោក​ចៅសង្កាត់ ក្រុមប្រឹក្សា​សង្កាត់ លោក​មេ​ភូមិ បាន​ជួយ​សម្រួល​ផល​ប៉ះពាល់​ក្នុង​ការ​ជួសជុល​ស្ថាបនា​ផ្លូវ​ទាំង ៣​ខ្សែ​នេះ បាន​រលូន​ដោយ​មានការ​ចូលរួម​ពី​ប្រជាពលរដ្ឋ​។ ហើយ​ផ្លូវ​ទាំង​៣​ខ្សែ​នេះ មាន​ប្រវែង​៥០១​ម៉ែត្រ (​ផ្លូវ​១​ខ្សែ ក្នុងភូមិ​បា​វិត​លើ មាន​ទទឹក​៧​ម៉ែត្រ និង​ផ្លូវ​០២​ខ្សែ​ទៀត
មាន​ទទឹង​៦​ម៉ែត្រ ឆ្លងកាត់​២​ភូមិ គឺ​ភូមិ​បា​វិត​លើ និង​ភូមិ​ច្រក​លាវ ដែល​ជា​ថវិកា​គម្រោង​មូលនិធិ​ឃុំ​សង្កាត់​ឆ្នាំ​២០២៤ ។

លោក​ចៅសង្កាត់ បាន​បន្ត​ទៀត​ថា ក្នុង​ការ​ជួសជុល​ស្ថាបនា ផ្លូវ​ចាក់​បេតុង​ទាំង​៣​ខ្សែ​នេះ គឺ​មាន​សារៈសំខាន់​ក្នុង​ការ​ដឹក​កសិផល​ការ​ធ្វើ​ដំណើរ​របស់​បងប្អូន​ពលរដ្ឋ​។ ដូច្នេះ​ក្នុង​នាម​លោក​ចៅសង្កាត់ ក៏​សូម​ឲ្យ​បងប្អូន​ប្រជាពលរដ្ឋ​យោគយល់ អំឡុង​ពេល ដែល​ខាង​ក្រុមហ៊ុន​កំពុង​ស្ថាបនា​ត្រូវ​សហការ​ជា​អាជ្ញាធរ​ក៏​ដូច​ខាង​ក្រុមហ៊ុន ដើម្បី​ងាយស្រួល​ក្នុង​ការ​ស្ថាបនា ។

លោក សាញ់ សា​ខុន ចៅសង្កាត់​បា​វិត ក៏​បាន​ធ្វើការ​ណែនាំ​ដល់​ម្ចាស់​ក្រុមហ៊ុន ដែល​ទទួល​ម៉ៅ​ការ ត្រូវ​តាម​កិច្ចសន្យា ព្រមទាំង​តាម​លក្ខណៈ​បច្ចេកទេស ដែល​ខាង​មន្ត្រី បច្ចេកទេស​ណែនាំ ដើម្បី​ឲ្យ​ផ្លូវ​មានគុណ​ភាព​ប្រើប្រាស់​បាន​យូរអង្វែង ។

ប្រជាពលរដ្ឋ​រស់នៅ​ក្នុងភូមិ ច្រក​លាវ និង​ភូមិ​បា​វិត​លើ បាន​ថ្លែងអំណរគុណ​ដល់​រាជរដ្ឋាភិបាល និង​អាជ្ញាធរ​ដែនដី ដែល​បាន​ជួសជុល​ស្ថាបនា​ផ្លូវ​ទាំង​០៣​ខ្សែ​នេះ ដែល​កន្លង​មក​ពិបាក​ក្នុង​ការ​ធ្វើ​ដំណើរ​ខ្លាំង​បច្ចុប្បន្ន​ទទួល​បាន​ផ្លូវ​ល្អ​ពួក​គាត់​សប្បាយចិត្ត​ខ្លាំង​ណាស់​និង​សូម​គាំទ្រ​សម្តេច ហ៊ុន ម៉ា​ណែ​ត នាយក​រដ្ឋមន្ត្រី នៃ​ព្រះរាជាណាចក្រ​កម្ពុជា ដឹកនាំ​ប្រទេស​ឲ្យ​មានការ អភិវឌ្ឍន៍​រីក​ចម្រើន​ទៅ​បន្ថែម​ទៀត ៕

អត្ថបទសរសេរ ដោយ