ADផ្ទាំងផ្សព្វផ្សាយពាណិជ្ជកម្ម

Picture

មកទល់ពេលនេះ! ប្រទេសអាស៊ីអាគ្នេយ៍ណាខ្លះ មានអត្តពលិកទៅអូឡាំពិកប៉ារីសឆ្នាំនេះ?

6 ថ្ងៃ មុន

បរទេស ៖ គិតត្រឹមថ្ងៃទី១១ ខែឧសភា ឆ្នាំ២០២៤ មានតែប្រទេសនៅអាស៊ីអាគ្នេយ៍ចំនួន​៧តែប៉ុណ្ណោះ

បរទេស ៖ គិតត្រឹមថ្ងៃទី១១ ខែឧសភា ឆ្នាំ២០២៤ មានតែប្រទេសនៅអាស៊ីអាគ្នេយ៍ចំនួន​៧តែប៉ុណ្ណោះ ដែលមានអត្តពលិកបានឆ្លងផុតវគ្គជម្រុះ ដើម្បីទទួលបានសិទ្ធិចូលរួមប្រកួតព្រឹត្តិការណ៍កីឡាអូឡាំ​ពិក​រដូវក្ដៅទីក្រុងប៉ារីស ប្រទេសបារាំង ឆ្នាំ២០២៤ ដោយក្នុងនោះ ប្រទេសថៃកំពុងនាំមុខគេ។

យោងតាមរបាយការណ៍ចុងក្រោយបំផុតពីគេហទំព័រ Seasia Stats បានបង្ហាញថា ប្រទេសអាស៊ីអាគ្នេយ៍ចំនួន ៧ ដែលមានអត្តពលិកសម្រាប់ការប្រកួតកីឡាអូឡាំពិកឆ្នាំនេះ នៅទីក្រុងប៉ារីស។ ប្រទេសថៃនាំមុខគេនៅក្នុងតារាងមានអត្តពលិកចំនួន៣៨នាក់ តាមពីក្រោយដោយឥណ្ឌូណេស៊ី មានចំនួន​២១នាក់ បន្ទាប់មកម៉ាឡេស៊ីមានចំនួន​១៨នាក់ សិង្ហបុរីមានចំនួន​១៧នាក់ ហ្វីលីពីនមានចំនួន​១២នាក់ វៀតណាមមានចំនួន​១០នាក់ និងមីយ៉ាន់ម៉ាមានចំនួន​១នាក់។

ដោយឡែក ប្រទេសប្រ៊ុយណេ កម្ពុជា ឡាវ និងទីម័រខាងកើត មិនទាន់មានអត្តពលិកណាម្នាក់ឆ្លង​ផុត​ការប្រកួតវគ្គជម្រុះ ដើម្បីទទួលបានសិទ្ធិចូលរួមប្រកួតព្រឹត្តិការណ៍នៅទីក្រុងប៉ារីស នៅឡើយទេ។

គួរបញ្ជាក់ថា ព្រឹត្តិការណ៍កីឡាអូឡាំពិករដូវក្ដៅទីក្រុងប៉ារីសឆ្នាំ ២០២៤ នឹងដំណើរការចាប់ពីថ្ងៃទី២៦ ខែកក្កដា រហូតដល់ថ្ងៃទី១១ ខែសីហា ឆ្នាំ២០២៤ ដោយមានអត្តពលិកចំនួន ១០,៥០០នាក់ ចូលរួមធ្វើការប្រកួតប្រជែងដណ្ដើមមេដាយ ដោយមានកីឡាចំនួន ៣២ប្រភេទ លើវិញ្ញាសាសរុបចំនួន ៣២៩វិញ្ញាសា មុនពេលព្រឹត្តិការណ៍កីឡាប៉ារ៉ាឡាំពិកចូលមកដល់ ដែលនឹងចាប់ផ្តើមពីថ្ងៃទី២៨ ខែសីហា ដល់ថ្ងៃទី៨ ខែកញ្ញា ឆ្នាំ២០២៤៕ (ប្រភព ៖ Seasia Stats រូបភាព ៖ NBCUniversal និង Inside The Games)

អត្ថបទសរសេរ ដោយ

កែសម្រួលដោយ