ADផ្ទាំងផ្សព្វផ្សាយពាណិជ្ជកម្ម

Picture

ស្លា.ប់​២​នាក់​នៅ​ប្រទេស​ចិន​ដោយ​សារ​ការ​ចា.ក់​នឹង​កាំ​.បិត​មុ.ត​ស្រួ.ច

2 ខែ មុន

ទី​ក្រុង​ប៉េកាំង៖ មាន​ហេតុ​ការណ៍​​ដេញ​ចាក់​មនុស្ស​​នឹង​កាំ​បិត​មុត​ស្រួច​នៅ​​ក្នុង​មន្ទីរ​ពេទ្យ​ប្រទេស​ចិន​នៅ​ថ្ងៃ​អង្គារ​​បណ្ដាល​ឱ្យ​មនុស្ស​យ៉ាង​តិច​២​នាក់​ស្លាប់​​យ៉ាង​អាណោច​អាធ័ម និង​២១​នាក់​រង​​របួស​។ នេះ​បើ​​តាម​ការ​ជូន​ដំណឹង​ពី​អាជ្ញាធរ​មូល​ដ្ឋាន​។ ​សមត្ថ​កិច្ច​​បាន​បង្ហោះ​បន្ថែម​នៅ​លើ​បណ្ដាញ​វី​ឈែត​ថា​​​ (WeChat)​ ហេតុ​ការណ៍​នេះ​កើត​ឡើង​នៅ​មន្ទីរ​ពេទ្យ​​ខេត្ត​យុន​ណាន​។ លទ្ធ​ផល​ស៊ើប​អង្កេត​បឋម​បង្ហាញ​ថា​ជន​សង្ស័យ​ដែល​​ចាក់​មនុស្ស​ឆៅ​ៗ​នឹង​កាំ​បិត​នេះ​ជា​មនុស្ស​ប្រុស​។ គាត់​ជា​អ្នក​ភូមិ​រស់​នៅ​ក្នុង​ខេត្ត​យុន​ណាន​។ ឥឡូវ​នេះ…

ទី​ក្រុង​ប៉េកាំង៖ មាន​ហេតុ​ការណ៍​​ដេញ​ចាក់​មនុស្ស​​នឹង​កាំ​បិត​មុត​ស្រួច​នៅ​​ក្នុង​មន្ទីរ​ពេទ្យ​ប្រទេស​ចិន​នៅ​ថ្ងៃ​អង្គារ​​បណ្ដាល​ឱ្យ​មនុស្ស​យ៉ាង​តិច​២​នាក់​ស្លាប់​​យ៉ាង​អាណោច​អាធ័ម និង​២១​នាក់​រង​​របួស​។ នេះ​បើ​​តាម​ការ​ជូន​ដំណឹង​ពី​អាជ្ញាធរ​មូល​ដ្ឋាន​។ ​សមត្ថ​កិច្ច​​បាន​បង្ហោះ​បន្ថែម​នៅ​លើ​បណ្ដាញ​វី​ឈែត​ថា​​​ (WeChat)​ ហេតុ​ការណ៍​នេះ​កើត​ឡើង​នៅ​មន្ទីរ​ពេទ្យ​​ខេត្ត​យុន​ណាន​។

លទ្ធ​ផល​ស៊ើប​អង្កេត​បឋម​បង្ហាញ​ថា​ជន​សង្ស័យ​ដែល​​ចាក់​មនុស្ស​ឆៅ​ៗ​នឹង​កាំ​បិត​នេះ​ជា​មនុស្ស​ប្រុស​។ គាត់​ជា​អ្នក​ភូមិ​រស់​នៅ​ក្នុង​ខេត្ត​យុន​ណាន​។ ឥឡូវ​នេះ អ្នក​​របួស​​ទាំង​ប៉ុន្មាន​ត្រូវ​គេ​ដឹក​យក​ទៅ​មន្ទីរ​ពេទ្យ​​។ អាជ្ញាធរ​នៅ​តែ​បន្ត​ស៊ើប​អង្កេត​សំណុំ​រឿង​នេះ​យ៉ាង​ក្ដៅ​គគុក​ដើម្បី​ចង់​ដឹង​ថា​តើ​មាន​អ្នក​សម​គំនិត​, អ្នក​រៀប​ផែន​ការ ឬ​អ្នក​ជាប់​ពាក់​ព័ន្ធ​​​ដទៃ​ទៀត​ដែរ​ឬ​ទេ​។

តាម​រយៈ​រូប​ថត​សន្លឹក​ដែល​​ផ្សព្វ​ផ្សាយ​នៅ​លើ​គេហ​ទំព័រ​ជា​ផ្លូវ​ការ​បស់​រដ្ឋ​ គេ​ឃើញ​បុរស​ម្នាក់​យក​កាំ​បិត​ភ្ជង់​​បុរស​ម្នាក់​ទៀត​។ បុរស​ម្នាក់​ទៀត​នោះ​កាន់​ឈើ​ជ្រុង​គ្រវី​ចុះ​ឡើង​ៗ​នៅ​ក្នុង​សាល​ធំ​នៃ​មន្ទីរ​ពេទ្យ​។ រូប​ថត​ខ្លះ​ទៀត​បង្ហាញ​រូប​សមត្ថ​កិច្ច​ចុះ​ទៅ​ដល់​កន្លែង​កើត​ហេតុ​។ សាក្សី​ម្នាក់​ដែល​រស់​នៅ​ម្ដុំ​នោះ​ប្រាប់​ថា​ហេតុ​ការណ៍​នេះ​កើត​ឡើង​នៅ​​ម្ដុំ​ម៉ោង​១១​ព្រឹក​ថ្ងៃ​អង្គារ​។ ទិដ្ឋ​ភាព​នៅ​ពេល​នោះ​រាង​រញ៉េ​រញ៉ៃ​បន្តិច។ គេ​​មិន​ចាំ​ច្បាស់​ថា​​​មាន​មនុស្ស​​នៅ​កន្លែង​កើត​ហេតុ​ប៉ុន្មាន​នាក់​​ពិត​ប្រាកដ​ទេ​​។​

​នៅ​ប្រទេស​ចិន ​ការ​​ប្រព្រឹត្ត​បទ​​ឧក្រិដ្ឋ​​​ឃោរ​ឃៅ​នៅ​ទី​​សាធារណៈ​​បែប​នេះ​មិន​​សូវ​កើត​មាន​ទេ​ព្រោះ​ប្រទេស​​​​ចិន​មាន​ច្បាប់​តឹង​រ៉ឹង​ មិន​អនុញ្ញាត​ឱ្យ​ជន​ស៊ីវិល​កាន់​អាវុធ​​ជា​ដាច់​ខាត​​។ ដូច្នេះ​ នៅ​ពេល​ដែល​​កាន់​អាវុធ​មិន​បាន​ហ្នឹង​ហើយ​ដែល​​មនុស្ស​ដែល​មាន​ចិត្ត​ចង់ប្រព្រឹត្ត​ហិង្សា ឬ​​ប្រព្រឹត្ត​មនុស្ស​ឃាត​​ក៏​​ងាក​​មក​​​ប្រើ​​កាំ​បិត​ជា​អាវុធ​​មុត​ស្រួច​សម្រាប់​វាយ​ប្រហារ​វិញ​ម្ដង​។​​​ ​ ករណី​យក​កាំ​បិត​ដេញ​ចាក់​អ្នក​ដទៃ​នៅ​ក្នុង​ទី​សាធារណៈ​ចាប់​ផ្ដើម​កើត​មាន​ញឹក​ញាប់​ជាង​មុន​នៅ​ប្រទេស​ចិន​សព្វ​ថ្ងៃ​នេះ​។​​


​​ខាង​ក្រោម​នេះ​ជា​ប្រវត្តិ​​សាវ​តារ​នៃ​ការ​យក​កាំ​បិត​មុត​ស្រួច​ដេញ​ចាក់​មនុស្ស​រហូត​ដល់​ស្លាប់ និង​របួស​​។
– ខែ​សីហា ឆ្នាំ​២០២២ មាន​ករណី​​​ដេញ​ចាក់​មនុស្ស​​នឹង​កាំ​បិតនៅ​ក្នុង​សាលា​មត្តេយ្យ​នៃ​ខេត្ត​ជាំង​ស៊ី (Jiangxi) បណ្ដាល​ឱ្យ​ស្លាប់​មនុស្ស​៣​នាក់​​ និង​របួស​៦​នាក់​​។​
– ខែ​កក្កដា ឆ្នាំ​២០២៣ មាន​ករណី​​ដេញ​​ចាក់​មនុស្ស​នឹង​កាំ​បិត​​​នៅ​ខេត្ត​ក្វាង​ទុង​បណ្ដាល​ឱ្យ​​ស្លាប់​មនុស្ស​៦​នាក់​​ និង​​របួស​​ម្នាក់​។ ហេតុ​ការណ៍​នេះ​ក៏​កើត​ឡើង​នៅ​ក្នុង​សាលា​មត្តេយ្យ​ផង​ដែរ​។
– ខែ​សីហា ឆ្នាំ​២០២៣​​នៅ​ក្នុង​ខេត្ត​យុន​ណាន​ដដែល​នេះ​ មាន​ករណី​​បុរស​ម្នាក់​មាន​​ជំងឺ​ផ្លូវ​ចិត្ត​យក​កាំ​បិត​ដេញ​ចាក់​មនុស្ស​ពាស​វាល​ពាស​កាល​។ មនុស្ស​យ៉ាង​តិច​២​នាក់​បាន​ស្លាប់​នៅ​ក្នុង​ហេតុ​ការណ៍​នោះ ខណៈ​ដែល​មនុស្ស​៧​នាក់​ទៀត​រង​របួស៕​

អត្ថបទសរសេរ ដោយ

កែសម្រួលដោយ