រីកគី បឺនដែលជាម្ចាស់ជើងឯកស្ថាប័នWBOក្នុងប្រភេទទម្ងន់Super Featherweight នឹងឡើងប្រកួតការពារខ្សែក្រវាត់របស់ខ្លួនប្រឆាំងកីឡាករអង់គ្លេស នីកគី ឃុក នៅសង្វៀនក្រុងលីវើភូល ប្រទេសអង់គ្លេស ថ្ងៃទី១៦ខែកក្កដា ខាងមុខ។
សម្រាប់កីឡាកររីកគី បឺន នេះគឺជាការប្រកួតការពារខ្សែក្រវាត់របស់ខ្លួនលើកទី៣ហើយ។
រីកគី បឺនដែលជាម្ចាស់ជើងឯកស្ថាប័នWBOក្នុងប្រភេទទម្ងន់Super Featherweight នឹងឡើងប្រកួតការពារខ្សែក្រវាត់របស់ខ្លួនប្រឆាំងកីឡាករអង់គ្លេសនីកគី ឃុក នៅសង្វៀនក្រុងលីវើភូល ប្រទេសអង់គ្លេស ថ្ងៃទី១៦ខែកក្កដា ខាងមុខ។
សម្រាប់កីឡាកររីកគី បឺន នេះគឺជាការប្រកួតការពារខ្សែក្រវាត់របស់ខ្លួនលើកទី៣ហើយ។ គេបាននិយាយថា៖«ជានិច្ចកាលវាជាឱកាសយ៉ាងពិសេសមួយនៅពេលដែលមានការជួបគ្នារវាងកីឡាករអង់គ្លេសនិងស្កុតឡែន។ ការប្រកួតនេះនឹងមិនខុសប្លែកពីលើកមុនៗទេ។ ខ្ញុំមិនធ្លាប់បានប្រកួតការពារខ្សែក្រវាត់ជាមួយកីឡាករអង់គ្លេសទេពីមុនមក»។ ក្រៅពីការប្រកួតការពារខ្សែក្រវាត់នៅខែកក្កដាខាងមុខនេះ កីឡាករស្កុតឡែនរូបនេះគ្រោងនឹងប្រកួតជាមួយកីឡាករអាហ្វ្រិកខាងត្បូងMzonke Fanaនៅចុងរដូវក្តៅនេះផងដែរ។ កីឡាករFana គឺជាម្ចាស់ខ្សែក្រវាត់ស្ថាប័នIBF។
ចំណែកកីឡាករអង់គ្លេសនីកគី ឃុកវិញ នេះគឺជាការឡើងសង្វៀនប្រកួតដណ្តើមខ្សែក្រវាត់លើកទី១បន្ទាប់ពីបានអវត្តមានដោយសាររបួសអស់២ឆ្នាំ។កាលពីថ្ងៃសៅរ៍កន្លងមកនេះ គេទើបតែបានយកឈ្នះកីឡាករយូសេហ្វ អាល់ហាមីឌីក្នុងទឹកទី៦ ក្នុងការប្រកួតដែលមិនមែនដណ្តើមខ្សែក្រវាត់។
កីឡាករនីកគី ឃុក គឺជាម្ចាស់ជើងឯកទ្វីបអឺរ៉ុប និងកីឡាCommonwealth។ ប៉ុន្តែចាប់តាំងពីបរាជ័យរបូតបាត់ខ្សែក្រវាត់ស្ថាប័នWBO ប្រភេទទម្ងន់់Super Featherweightឆ្នាំ២០០៩មក រូបគេមិនបានបង្ហាញមុខនៅលើសង្វៀនប្រកួតទេ។ កាលឆ្នាំ២០០៩នោះ ឃុកបានបរាជ័យក្រោមកណ្តាប់ដៃកីឡាករព័រតូរីកូរ៉ូម៉ាន់ ម៉ាទីនេស ហើយដល់ឆ្នាំ២០១០បឺនវាយយកបានខ្សែក្រវាត់នោះពីកីឡាករម៉ាទីនេស។
ឃុកដែលបច្ចុប្បន្នមានអាយុ៣១ឆ្នាំបាននិយាយថា៖«ខ្ញុំនៅតែមានការឈឺចាប់ចំពោះការបរាជ័យនៅរាត្រីនោះ(ថ្ងៃសៅរ៍ឆ្នាំ២០០៩)។ វិធីតែមួយគត់ក្នុងការព្យាបាលការឈឺចាប់នេះគឺត្រូវតែយកឈ្នះកីឡាកររីកគី បឺន។ បឺនធ្វើបានល្អក្នុងនាមជាជើងឯក តែសូមជឿជាក់លើខ្ញុំ។ ខ្ញុំនឹងដណ្តើមយកខ្សែក្រវាត់នោះមកវិញឲ្យខាងតែបាន។ ខ្ញុំធ្លាប់វាយឈ្នះកីឡាករស្កុតឡែន អាឡិច អាទ័រដណ្តើមបានខ្សែក្រវាត់WBOនេះ។ ដូច្នេះខ្ញុំក៏អាចវាយឈ្នះកីឡាករផ្សេងទៀតបានដែរ»។
សូមរំលឹកថា កីឡាករនីកគី ឃុក គឺជាអតីតម្ចាស់ខ្សែក្រវាត់ស្ថាប័នWBOក្នុងប្រភេទទម្ងន់់Super Featherweight។ គេវាយបានខ្សែក្រវាត់នេះពីកីឡាករស្កុតឡែនអាឡិច អាទ័រនៅខែកញ្ញា ឆ្នាំ២០០៨ ។
និយាយពីឯតទគ្គកម្មប្រកួត រីកគី បឺនធ្លាប់ប្រកួតបាន៣៣លើកក្នុងនោះឈ្នះ៣១លើកចាញ់២លើក មិនដែលស្មើ និងធ្លាប់ផ្តួលដៃគូឲ្យសន្លប់ចំនួន៨លើក។ ចំណែកកីឡាករនីកគី ឃុកវិញ គេមានឯតទគ្គកម្មឈ្នះគូប្រកួត២៩លើកក្នុងចំនួនប្រកួតសរុប៣១លើក។ ធ្លាប់ចាញ់គូប្រកួត២លើកដូចបឺនដែរ ប៉ុន្តែផ្តួលដៃគូឲ្យសន្លប់បានចំនួន១៦លើក ៕
ចែករំលែកព័តមាននេះ