ម៉ូតូ១គ្រឿងបើកវ៉ាឡិចស៊ីស ក៏ទៅបុ.កឡាន១គ្រឿងទៀត ស្លា.ប់២នាក់ និងរបួសធ្ងន់ម្នាក់
- បន្ទាយមានជ័យ
ខេត្តបន្ទាយមានជ័យ ៖ ម៉ូតូមួយគ្រឿងឡើងវ៉ារថយន្តឡិចស៊ីសមកបុកជាមួយរថយន្តកាំម៉ារីសេរី
ខេត្តបន្ទាយមានជ័យ ៖ ម៉ូតូមួយគ្រឿងឡើងវ៉ារថយន្តឡិចស៊ីសមកបុកជាមួយរថយន្តកាំម៉ារីសេរី
ខេត្តបន្ទាយមានជ័យ ៖ ម៉ូតូមួយគ្រឿងឡើងវ៉ារថយន្តឡិចស៊ីសមកបុកជាមួយរថយន្តកាំម៉ារីសេរីចាស់ពេញទំហឹង បណ្ដាលឱ្យស្លាប់២នាក់ និងរបួសធ្ងនម្នាក់ ដែលហេតុការណ៍នេះបានកើតឡើងនៅថ្ងៃទី៤ ខែឧសភា ឆ្នាំ២០២៤ តាមផ្លូវជាតិលេខ៥ ស្ថិតភូមិសាលាក្រហម ឃុំសំរោង ស្រុកអូរជ្រៅ ខេត្តបន្ទាយមានជ័យ ។
អ្នកឃើញហេតុការណ៍ឱ្យដឹងថា មុនពេលកើតហេតុ មានជនរងគ្រោះ៣នាក់ជិះម៉ូតូមួយគ្រឿងម៉ាកហុងដាឌ្រីម ពាក់ផ្លាក់លេខ បន្ទាយមានជ័យ 1AZ-9058 បើកបរក្នុងទិសដៅពីក្រុងប៉ោយប៉ែតមកក្រុងសិរីសោភ័ណ ក្នុងទិសដៅពីលិចមកកើតក្នុងល្បឿនលឿនបានបើកវ៉ារថយន្តឡិចស៊ីស១គ្រឿងបើកបរស្របទិសគ្នា ក៏ទៅបុករថយន្តមួយគ្រឿងម៉ាកកាម៉ារីស៊េរីចាស់ ពាក់ផ្លាកលេខ ភ្នំពេញ2A.4167 ដែលបើកបរទិសដៅបញ្ច្រាស់ទិសគ្នាពីក្រុងសិរីសោភ័ណទៅក្រុងប៉ោយប៉ែតពីកើតទៅលិចបុកពេញទំហឹង បណ្ដាលឱ្យស្លាប់២នាក់នៅនឹងកន្លែង និងម្នាក់ទៀតរបួសធ្ងន់បាក់ជើងម្ខាងស្តាំត្រូវវបានសង្គ្រោះបន្ទាន់ ។
ក្រោយគ្រោះថ្នាក់ចរាចរណ៍កើតឡើង គេសង្កេតឃើញកម្លាំងនគរនបាលចរាចរណ៍ខេត្តបន្ទាយមានជ័យនិងអធិការដ្ឋាននគរបាលស្រុកអូរជ្រៅ បានចុះមកដល់ពិនិត្យវាស់វែង និងបានឱ្យដឹងថាមូលហេតុគ្រោះចរាចរណ៍កើតឡើងអាចបង្កដោយអ្នកជិៈម៉ូតូដែលឌុបគ្នា៣នាក់បើកបរលឿនឡើងវ៉ាជេងរថយន្តស្របទិសគ្នា មិនប្រយ័ត្នទៅបុករថយន្ត១គ្រឿងទៀតដែលបើកបរបញ្ច្រាសទិសគ្នាបណ្ដាលស្លាប់២នាក់និងរបួសម្នាក់និងរងការខូចខាតរថយន្ត១គ្រឿងម៉ូតូ១គ្រឿង។
មន្ត្រីនគរបាលចរាចរណ៍បានបញ្ជាក់ថា ក្រោយធ្វើការពិនិត្យវាស់វែងហើយ ជនរងគ្រោះម្នាក់ដែលរបួសធ្ងន់ត្រូវបានរថយន្តសង្គ្រោះមន្ទីរពេទ្យបង្អែកស្រុកអូរជ្រៅដឹកសង្គ្រោះទៅកាន់មន្ទីពេទ្យមិត្តភាពកម្ពុជា.ជប៉ុនមង្គលបុរី ។ ចំណែកសាកសពជនរងគ្រោះ២នាក់បានរកឃើញសាច់ញាតិត្រូវរថយន្តដដែលដឹកទៅជូនសាច់ញាតិសាកពបុរសរងគ្រោះនៅក្រុងសិរីសោភ័ណ និងសាកសពស្ត្រីរងគ្រោះនៅស្រុកមង្គលបុរី ហើយរថយន្តបង្ក និងម៉ូតូរងគ្រោះត្រូវបានយកទៅរក្សាទុកនគអធិការដ្ឋាននគរបាលស្រុកអូរជ្រៅ ដើម្បីដោះស្រាយគ្នាតាមច្បាប់ចរាចរណ៍ផ្លូវគោក ៕
ចែករំលែកព័តមាននេះ