រាជធានីភ្នំពេញ ៖ នៅព្រឹកថ្ងៃទី១៦ ខែឧសភា ឆ្នាំ២០២៤ ដោយអនុវត្តតាមអនុសាសន៍ដ៏ខ្ពង់ខ្ពស់របស់ឯកឧត្ដមសាស្ត្រាចារ្យរដ្ឋមន្ត្រី ឈាង រ៉ា និងតាមការណែនាំរបស់លោក ឃួង ស្រេង អភិបាល នៃគណៈអភិបាលរាជធានីភ្នំពេញ ក្រុមការងារ នៃមន្ទីរសុខាភិបាលនៃរដ្ឋបាលរាជធានីភ្នំពេញ សហការជាមួយរដ្ឋបាលខណ្ឌសែនសុខ និងរដ្ឋបាលសង្កាត់ភ្នំពេញថ្មី បានចុះផ្អាកសកម្មភាពមន្ទីរពហុព្យាបាល និងសម្ភព ហារី ស្ថិតនៅផ្ទះលេខ៣៥០ ផ្លូវលេខ១៩៨៦ សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ របស់លោក សោម ចិត្រា ជាអ្នកទទួលខុសត្រូវ ដែលពុំមានច្បាប់អនុញ្ញាត ពីក្រសួងសុខាភិបាល ។
ក្រុមការងារបានអនុញ្ញាតសេចក្តីសម្រេច ស្តីពីការផ្អាកសកម្មភាពមន្ទីរពហុព្យាបាល និងសម្ភព ហារី លេខ ២៩៧/ ២៤ រ.ប ចុះថ្ងៃទី១៥ ខែឧសភា ឆ្នាំ២០២៤ របស់មន្ទីរសុខាភិបាល នៃរដ្ឋបាលរាជធានីភ្នំពេញ និងបានប្រគល់ឱ្យម្ចាស់គ្រប់គ្រងមន្ទីរពហុព្យាបាលមួយច្បាប់ ។
សូមបញ្ជាក់ជូនដែរថា ក្រុមការងារក្រសួងសុខាភិបាល សហការជាមួយរដ្ឋបាលរាជធានី ខេត្ត នឹងធ្វើសកម្មភាពចុះពិនិត្យមូលដ្ឋានសុខាភិបាលឯកជនជាបន្តបន្ទាប់ ៕
![](https://kohsantepheapdaily.com.kh/wp-content/uploads/2024/05/3ee660a919e2f40a620001436a37623f.jpg)
![](https://kohsantepheapdaily.com.kh/wp-content/uploads/2024/05/ae722688ec3949575c1b1419566f702f.jpg)
![](https://kohsantepheapdaily.com.kh/wp-content/uploads/2024/05/ec9649116ffb0956b9e96aef6120fe07.jpg)
![](https://kohsantepheapdaily.com.kh/wp-content/uploads/2024/05/197223b496e0f9b7a689096bc78bb1fe.jpg)
ចែករំលែកព័តមាននេះ