យានយន្តអគ្គិសនីដែលក្រសួងសាធារណការ និងដឹកជញ្ជូន បានអះអាងថា វាបានចុះបញ្ជីកើនឡើងដល់១៤.៥៣៤គ្រឿង ត្រឹមខែកុម្ភៈនោះ វានឹងមានកំណើនកើនឡើងបន្ថែមទៀត នៅក្នុងខែមីនានេះ ។ និន្នាការនៃការកើនឡើងត្រូវបានគេមើលឃើញទាំងរថយន្ត ម៉ូតូ…
យានយន្តអគ្គិសនីដែលក្រសួងសាធារណការ និងដឹកជញ្ជូន បានអះអាងថា វាបានចុះបញ្ជីកើនឡើងដល់១៤.៥៣៤គ្រឿង ត្រឹមខែកុម្ភៈនោះ វានឹងមានកំណើនកើនឡើងបន្ថែមទៀត នៅក្នុងខែមីនានេះ ។
និន្នាការនៃការកើនឡើងត្រូវបានគេមើលឃើញទាំងរថយន្ត ម៉ូតូ និងកង់អគ្គិសនី ជាពិសេស គឺចាប់តាំងពីប្រេងឥន្ធនៈបានឡើងថ្លៃដល់ចំណុចកំពូល ។
លោក ហេង ដែលជាអ្នកប្រើប្រាស់រថយន្តអគ្គិសនីម្នាក់បានអះអាងថា «ចាប់ពីសាំងឡើងថ្លៃមក មានអ្នកសួរខ្ញុំរឿងប្រើរថយន្តអគ្គិសនីនេះច្រើនគ្នា » ។
លោកបានអះអាងថា ពួកគេចាប់អារម្មណ៍សួរលោកតាំងពីររបៀបប្រើ របៀបថែទាំ របៀបមើលឡានអគ្គិសនី ក៏ដូចជារបៀបបញ្ចូលភ្លើងជាដើម ។
អ្នកលក់ម៉ូតូ និងកង់អគ្គីសនីមួយរូប បានបង្ហើបថា កំណើននៃការលក់នៅជិត១ខែ (ចាប់ពីផ្ទុះសង្គ្រាមអ៊ីរ៉ង់) គឺអាចនិយាយបានថា កើនចង់៥០ភាគរយហើយ ។
លោកបានបន្តថា និន្នាការបែបនេះមិនមែនកើនតែនៅកម្ពុជានោះទេ ទំនងជានៅប្រទេសផ្សេងក៏ដូចគ្នា ពីព្រោះដៃគូដែលខ្ញុំបញ្ជាទិញពីចិនមក កាលពីថ្ងៃសុក្រ ពួកគេបិទការបញ្ជាទិញហើយ ។
គិតត្រឹមខែកុម្ភៈ ឆ្នាំ២០២៦កន្លមមកនេះ កម្ពុជាមានយានយន្តអគ្គិសនី បានចុះបញ្ជីសរុបចំនួនប្រមាណជា១៤.៥៣៤គ្រឿង ក្នុងនោះម៉ូតូអគ្គីសនីមាន ៣.៤៤៩គ្រឿង, ត្រីចក្រយានយន្ត ៧២២គ្រឿង និងរថយន្តចំនួន ១០.៣៦៣គ្រឿង ។
ចែករំលែកព័តមាននេះ