ADផ្ទាំងផ្សព្វផ្សាយពាណិជ្ជកម្ម

Picture

ការ​នាំ​ចេញ​សម្លៀក​បំពាក់​និង​ស្បែកជើង​ មាន​កំណើន​កើនឡើង​វិញ​ហើយ

1 ខែ មុន
  • ភ្នំពេញ

របាយការណ៍​ដែល​ចេញផ្សាយ​ដោយ​ក្រសួងពាណិជ្ជកម្ម​ កាលពី​ថ្ងៃ​ពុធ​បានឱ្យ​ដឹង​ថា ប្រទេស​កម្ពុជា​បាន​នាំ​ចេញ​សម្លៀក​បំពាក់ស្បែកជើង និង​ផលិតផល​ធ្វើ​ដំណើរ មាន​តម្លៃ​សរុប​ប្រមាណ​ជា ៣.៧៦៣លាន​ដុល្លារ ក្នុង​រយៈពេល៤ខែ​ដំបូង​នៃ​ឆ្នាំ២០២៤ ។ ប្រភព​ដដែល​បាន​អះអាង​ថា នៅ​ក្នុង​រយៈពេល​៤​ខែ​ដើមឆ្នាំ​២០២៤នេះ…

របាយការណ៍​ដែល​ចេញផ្សាយ​ដោយ​ក្រសួងពាណិជ្ជកម្ម​ កាលពី​ថ្ងៃ​ពុធ​បានឱ្យ​ដឹង​ថា ប្រទេស​កម្ពុជា​បាន​នាំ​ចេញ​សម្លៀក​បំពាក់ស្បែកជើង និង​ផលិតផល​ធ្វើ​ដំណើរ មាន​តម្លៃ​សរុប​ប្រមាណ​ជា ៣.៧៦៣លាន​ដុល្លារ ក្នុង​រយៈពេល៤ខែ​ដំបូង​នៃ​ឆ្នាំ២០២៤ ។

ប្រភព​ដដែល​បាន​អះអាង​ថា នៅ​ក្នុង​រយៈពេល​៤​ខែ​ដើមឆ្នាំ​២០២៤នេះ ​សម្លៀក​បំពាក់ស្បែកជើង និង​ផលិតផល​ធ្វើ​ដំណើរ​មានកើនឡើង១៧​ភាគរយ​ធៀប​នឹង​ចំនួន៣.២១១លាន​ដុល្លារ​ដែល​បាន​រាយការណ៍​កាលពី​រយៈពេល​ដដែល​នៅ​ឆ្នាំ​មុន​។

នៅ​ក្នុង​រយៈពេល​៤​ខែ​នេះ ការ​នាំ​ចេញ​សម្លៀក​បំពាក់ និង​វាយ​ន​ភណ្ឌ​មាន​ទំហំ​ទឹកប្រាក់ ២.៧៤៨​លាន​ដុល្លារ កើនឡើង២០,៤ ភាគរយ ។ ស្បែកជើង​មាន​ទំហំ​ជិត​៤៥៤​លាន​ដុល្លារ កើនឡើង ៣,៨​ភាគរយ​ធៀប​នឹង​ឆ្នាំ​មុន ខណៈ​ដែល​ទំនិញ​ធ្វើ​ដំណើរ​មាន​ទំហំ​៥៦២លាន​ដុល្លារ កើនឡើង១៤ ភាគរយ ។

មក​ដល់​ពេល​នេះ​សម្លៀក​បំពាក់ ស្បែកជើង និង​ផលិតផល​ធ្វើ​ដំណើរ គឺ​សុទ្ធតែ ជាស​រសរ ទ្រូង​ដ៏​សំខាន់​នៃ កំណើនសេដ្ឋកិច្ច​របស់​កម្ពុជា ហើយ​ការ​នាំ​ចេញ​ទំនិញ​នេះ​គឺ​ទើបតែ​ស្ទុះ ឡើង​វិញ​នៅ​ត្រឹម​ត្រីមាស​ចុង​ក្រោយ​នៃ​ឆ្នាំ​២០២៣​ប៉ុណ្ណោះ ។

បច្ចុប្បន្ន​នេះ សម្លៀក​បំពាក់ ស្បែកជើង និង​ផលិតផល​ធ្វើ​ដំណើរ​គឺ​កំពុង​តែ​ផលិត​ដោយ​កម្មករ ប្រមាណ​ជា៩១៨.០០០នាក់ នៅ​ក្នុង​រោងចក្រ​១.៦៨០កន្លែង ។

អត្ថបទសរសេរ ដោយ

កែសម្រួលដោយ