ធ្លា.យធុងឧស្ម័នសិប្បកម្មផលិតទឹកកក សាយភាយក្លិន បង្កផលប៉ះពាល់ និងមានអ្នកសន្ល.ប់
- បន្ទាយមានជ័យ
ខេត្តបន្ទាយមានជ័យ ៖ ធ្លាយធុងឧស្ម័នសិប្បកម្មផលិតទឹកកក (យីហោ គីម ជី) សាយភាយក្លិន
ខេត្តបន្ទាយមានជ័យ ៖ ធ្លាយធុងឧស្ម័នសិប្បកម្មផលិតទឹកកក (យីហោ គីម ជី) សាយភាយក្លិន
ខេត្តបន្ទាយមានជ័យ ៖ ធ្លាយធុងឧស្ម័នសិប្បកម្មផលិតទឹកកក (យីហោ គីម ជី) សាយភាយក្លិនបណ្តាលឱ្យមានអ្នកដួលសន្លប់ត្រូវរថយន្តពន្លត់អគ្គីភ័យរថយន្តសង្គ្រោះ និងកម្លាំងជួយអន្តរាគមន៍ដែលកើតឡើងនៅរសៀលថ្ងៃទី៤ ខែឧសភា ឆ្នាំ២០២៤ ស្ថិតភូមិកំពង់ស្វាយ សង្កាត់កំពង់ស្វាយ ក្រុងសិរីសោភ័ណ ខេត្តបន្ទាយមានជ័យ។
នៅពេលដែលធ្លាយធុងឧស្ម័នសិប្បកម្មផលិតទឹកសាយភាយក្លិនប៉ះពាល់ប្រជាពលរដ្ឋនៅក្បែរ គេសង្កេតឃើញវត្តមានឯកឧត្តម អ៊ុ រាត្រី អភិបាលខេត្តបន្ទាយមានជ័យនិងងភិបាលក្រុងសិរីសោភ័ណ និងស្នងការរងនគរបាលខេត្តបានដឹកនាំរថយន្តពន្លត់អគ្គីភ័យជាច្រើនគ្រឿងនិងកម្លាំងជួយអន្តរាគមន៍ច្រើននាក់។
ប្រជាពលរដ្ឋបានប្រាប់ថា៖នៅពេលធ្លាយធុងឧស្ម័នសិប្បកម្មផលិតទឹកកក(យីហោ គីម ជី)សាយភាយក្លិនឈួលចូលភ្នែកនិងច្រមុះឃើញមានប្រជាពលរដ្ឋនៅក្បែរខាង ខ្លះមានអាការៈផ្សារភ្នែកនិងថប់ដង្ហើមទើបផ្អើលឆោឡោដែលសាយភាយក្លិនរហូតជិត៥០០ម៉ែត្រ បានរាយការណ៍ជូនអាជ្ញាធរចុះជួយអន្តរាគមន៍មានរថយន្តពន្លត់អគ្គីភ័យបានបាញ់ទឹកក្នុងរោងសិប្បកម្មទឹកនិងរថយន្តសង្គ្រោះដឹកបុគ្គលិកសិប្បកម្មទឹកម្នាក់ដួលសន្លប់ទៅមន្ទីពេទ្យនិងកម្លាំងបានជ័យអន្តរាគមន៍។
កម្លាំងនគរបាលបង្កាពន្លត់អគ្គីភ័យនិងសង្គ្រោះខេត្តបន្ទាយមានជ័យបានប្រាប់ថា ក្រោយទទួលព័ត៌មានបានដឹងមានធ្លាយធុងឧស្ម័នសិប្បកម្មផលិតទឹកកក(យីហោ គីម ជី) បណ្តាលឱ្យសាយភាយក្លិនប៉ះពាល់ប្រជាពលរដ្ឋ ហើយកម្លាំងជំនាញបានដឹកនាំរថយន្តពន្លត់អគ្គីភ័យរបស់ស្នងការដ្ឋាននគរបាលខេត្តនិងស្រុក/ក្រុងចំនួន៧គ្រឿងដែលប្រើប្រាស់ទឹកអស់២១ឡាន និងកម្លាំង១២០នាក់សហការជាមួយអគ្គីភ័យទីបញ្ជាការដ្ឋានកងរាជអាវុធហត្ថខេត្តបន្ទាយមានជ័យជួយអន្តរាគមន៍ ហើយមូលហេតុធ្លាយធុងឧស្ម័នសិប្បកម្មផលិតទឹកកកមិនទាន់ដឹងមូលហេតុនៅឡើយទេ អាចអាកាសធាតុក្តៅពេករឺធុងចាស់ខុសបច្ចេកទេសទើបបង្កធ្លាយធុងសាយភាយក្លិនប៉ៈពាល់សុខភាពប្រជាពលរដ្ឋ។
លោក ស្រេង សុផល អភិបាលក្រុងសិរីសោភ័ណបានកោតសសើរនិងថ្លែងអំណរគុណចំពោះកងកម្លាំងទាំងបីស្ថាប័នមានកម្លាំងនគរបាល កងរាជអាវុធហត្ថ យោធាតំបន់ប្រតិបត្តិការសឹករងខេត្តជាច្រើនរយនាក់និងរថយន្តពន្លត់អគ្គីភ័យជាង១០គ្រឿងបានជួយអន្តរាគមន៍នៅពេលធ្លាយធុងឧស្ម័នសិប្បកម្មផលិតទឹកកក(យីហោ គីម ជី) បណ្តាលឱ្យសាយភាយក្លិនប៉ៈពាល់ត្រូវបានជួយអន្តរាគមន៍បានទាន់ពេលវេលាជូនដល់ប្រជាពលរដ្ឋ ៕
ចែករំលែកព័តមាននេះ