ខេត្តបន្ទាយមានជ័យ ៖ កម្លាំងកងរាជអាវុធហត្ថ សហការជាមួយសន្តិសុខយាមក្លឹបកំសាន្តឃាត់ខ្លួនជនសង្ស័យប្រុស-ស្រី៤នាក់ និងគ្រឿងញៀន ត្រូវបានបញ្ជូនសាលាដំបូងខេត្តបន្ទាយមានជ័យនៅថ្ងៃទី២៦ ខែមេសា ឆ្នាំ២០២៤ ។ លោកវរសេនីយ៍ត្រី…
ខេត្តបន្ទាយមានជ័យ ៖ កម្លាំងកងរាជអាវុធហត្ថ សហការជាមួយសន្តិសុខយាមក្លឹបកំសាន្តឃាត់ខ្លួនជនសង្ស័យប្រុស-ស្រី៤នាក់ និងគ្រឿងញៀន ត្រូវបានបញ្ជូនសាលាដំបូងខេត្តបន្ទាយមានជ័យនៅថ្ងៃទី២៦ ខែមេសា ឆ្នាំ២០២៤ ។
លោកវរសេនីយ៍ត្រី នួន នីណារ៉ូ មេបញ្ជាការកងរាជអាវុធហត្ថក្រុងប៉ោយប៉ែតបានប្រាប់ថា ជនសង្ស័យដែលត្រូវឃាត់ខ្លួន៥នាក់ ជាជនជាតិថៃ មាន១-ឈ្មោះ ចាក់ខាវ៉ាន់ សេតថាក់ស៊ុបមេត ហៅថប់ ភេទប្រុស អាយុ៣៦ឆ្នាំ ។ ២-ឈ្មោះ ណាតតាផន ឆូតទិបុត ហៅមីន ភេទស្រី អាយុ៣០ឆ្នាំ ។ ៣-ឈ្មោះ សាត់ថាយ៉ា ថៃក្រាក់ថុក ហៅតាក់ ភេទប្រុស អាយុ៣២ឆ្នាំ ៤-ឈ្មោះ សាក់ស៊ីថន ស៊ូវ៉ាន់ណាសាក់ ហៅផេត ភេទស្រី អាយុ២៦ឆ្នាំ ដែលស្នាក់នៅភូមិសាមគ្គីមានជ័យ សង្កាត់អូរជ្រៅ ក្រុងប៉ោយប៉ែត។
លោកបានបញ្ជាក់ថា សន្តិសុខយាមក្លឹបMEXCLUBបានឃើញជនជាតិថៃម្នាក់ ជិះម៉ូតូ១គ្រឿងនាំគ្នាមកចូលក្លឹមកំសាន្តសុំឆែកឆេរឃើញគ្រឿងញៀន ហើយរាយកាណ៍កម្លាំងកងរាជអាវុធហត្ថក្រុងប៉ោយប៉ែតបានចុះបង្ក្រាបភ្លាមៗឃាត់បាន១នាក់ដកហូតគ្រឿងញៀនប្រភេទម្សៅក្រាមសថ្លា៨ថង់ស្មើ៨,៤២ក្រាម ហើយកម្លាំងជំនាញបានបន្តឆែកឆេរដល់ទីតាំងស្នាក់នៅឃាត់ខ្លួន៣នាក់ និងរឹបអូសគ្រឿងញៀនមានប្រភេទម្ស៉ៅក្រាមសថ្លា១២ថង់តូចស្មើ១៣,២៩ក្រាម កញ្ឆាគ្រាម៤ថង់ស្មើ៥៤,២ក្រាម គ្រឿងញៀនម្ស៉ៅខ្មៅរូបកែវការហ្វេរ១កញ្ចប់ស្មើ៣៨,៨៤ក្រាម គ្រឿងញៀនម្ស៉ៅចម្រុះ១កញ្ចប់ស្មើ១៥,៧៦ក្រាម មានមធ្យោបាតម៉ូតូ១គ្រឿង និងជញ្ជីងថ្លឹងគ្រឿងញៀន១គ្រឿងដែលបង្ក្រាបឃាត់កាលពីថ្ងៃទី២៤ ខែមេសា ឆ្នាំ២០២៤ស្ថិតភូមិសាមគ្គីមានជ័យ សង្កាត់អូរជ្រៅ ក្រុងប៉ោយប៉ែត។
លោកវរៈសេនីយ៍ត្រី នួន នីណារ៉ូ បានបញ្ជាក់ថា៖ក្រោយឃាត់ខ្លួនជនសង្ស័យជាជនជាតិថៃ៤នាក់និងវត្ថុតាងគ្រឿងញៀនក្រោយនាំយកសាកសួរនៅទីបញ្ជាការមូលដ្ឋានកងរាជអាវុធហត្ថក្រុងប៉ោយប៉ែត ហើយត្រូវបានកសាងសំណុំរឿងបញ្ជូនទៅសាលាដំបូងខេត្តបន្ទាយមានជ័យដើម្បីចាត់ការតាមច្បាប់៕
ចែករំលែកព័តមាននេះ